Дим (станция)

Дим
Нигеҙләү датаһы	1887
Хөрмәтенә аталған	Дим (йылға)
Дәүләт	Рәсәй
Административ-территориаль берәмек	Дим районы
Хужаһы	Куйбышев тимер юлы
Рәсми асылған ваҡыты	1899
Киләһе туҡталыш	1606 км[d], Ағиҙел йылғаһының һул яғы, Дёма-Южная[d] һәм Иглино
Тимер юл һыҙаты	Чишмы —Дёма[d], Дёма — Черниковка[d], Дёма — Карламан[d] һәм Дёма — Иглино[d]
Код станции	650005

Дим — Өфө ҡалаһының Дим районындағы, Куйбышев тимер юлының Башҡортостан төбәгендә Көнбайыш йүнәлешендәге тимер юл станцияһы. Исемен Дим йылғаһына яҡын ятыуы менән бәйле алған.

Станция Өфө тимер юл узелының үҙәк һәм сорттарға айырыу тимер юл станцияһы булып тора. Ошонан Силәбе, Магнитогорск, Ырымбур, Һамар, Ульяновск йүнәлештәрендә юлдар китә.

Станцияла ҙур Дим локомотив депоһы урынлашҡан, ул бөтә Куйбышев тимер юлының локомотив сүп-сарын йыйыу һәм утилләштереү урыны булып тора.

Өфө ҡала электричкаһы

Бында Дим — Шаҡша ҡала электропоезының маршруты башлана. Электропоезд көнөнә өс тапҡыр йөрөй: иртән Шаҡшаға бер поезд һәм кисен Шаҡшаға ике поезд.

26 февралдә станцияла реконструкцияланған пассажирҙар платформаһын асыу тантанаһы үтә, пассажирҙар платформаһы ҡала яны поездарын ҡабул итә. Яңы бейек 248 метрлыҡ платформа көтөү залы, япма, мәғлүмәт таблоһы һәм эскәмйәләр менән йыһазландырылған. Касса павильонында билет һатып алыу өсөн терминалдар һәм биш турникет ҡуйылған.

Өфөнән Раевкаға юлланыусы электропоездар маршрутында был берҙән-бер турникеттары булған һәм беренсе бейек пассажирҙар платформаһы булған станция.

Станциянан алыҫ араға йөрөүсе маршруттар

2017 йылдың декабренә ҡарата станция аша алыҫ араға түбәндәге поездар йөрөй:

№ поезд	Хәрәкәт маршрутын	№ поезд	Хәрәкәт маршрутын
39 «Башҡортостан»	Өфө — Мәскәү	40 «Башкортостан»	Мәскәү — Өфө
115	Өфө — Мәскәү	116	Мәскәү — Өфө
347	Өфө — Санкт-Петербург	348	Санкт-Петербург — Өфө
391	Силәбе — Мәскәү	392	Мәскәү — Силәбе
609	Өфө — Ульяновск	610	Ульяновск — Өфө
675	Өфө — Сибай	676	Сибай — Өфө