Исхаҡова Фәниҙә Әғзәм ҡыҙы

Википедия — ирекле энциклопедия мәғлүмәте
Перейти к навигации Перейти к поиску
Исхаҡова Фәниҙә Әғзәм ҡыҙы
Тыуған көнө:

25 июль 1965

Тыуған урыны:

БАССР-ҙың Учалы районы Көсөк ауылы)

Гражданлығы:

Совет Социалистик Республикалар Союзы СССР
Рәсәй Рәсәй

Эшмәкәрлеге:

Шағир, яҙыусы, драматург

Премиялары:

I республика балалар өсөн драма әҫәрҙәре конкурсы лауреаты (1996)

Исхаҡова Фәниҙә Әғзәм ҡыҙы (25 июль 1965, БАССР-ҙың Учалы районы Көсөк ауылы) — яҙыусы. Башҡортостан Республикаһы Яҙыусылар союзы ағзаһы (1997).

Биографияһы[үҙгәртергә | вики-тексты үҙгәртергә]

Исхаҡова Фәниҙә Әғзәм ҡыҙы 1965 йылдың 25 июлендә БАССР-ҙың Учалы районы Көсөк ауылында тыуған. 1982 йылда Мулдаҡай урта мәктәбен тамамлағандан һуң Башҡорт дәүләт университетының филология факультетына уҡырға инә. Университетта уҡыған йылдарҙа уҡ уның «Ер әйләнә» поэмаһы донъя күрә. Йәш әҙибә шул осорҙа йәнә «Ваҡыт аты» балладаһын һәм «Аҡ ҡылғандар» поэмаһын ижад итә. Шишмә районында рус теле һәм әҙәбиәтенән уҡыта[1],[2]. 19891992 йылдарҙа Башҡортостан мәғариф хеҙмәткәрҙәренең квалификацияһын күтәреү институты хеҙмәткәре. 19942010 йылдарҙа «Китап» нәшриәтендә төрлө вазифаларҙы биләй: 2005 йылдан алып — редакция мөдире, 2007 йылдан — бүлек начальнигы. 2011—2012 йылдарҙа Башҡорт дәүләт академия драма театрында әҙәби драма бүлегенең баш мөхәррире булып эшләй.

Ижады[үҙгәртергә | вики-тексты үҙгәртергә]

Фәниҙә Исхаҡованың бөтә жанр формаларында ла (шиғриәт, проза һәм драматургия) иркен эшләй алыуы — уның ижади үҙенсәлеге булып тора. «Таң алдынан ҡайтырмын» повесы 1991 йылда «Ағиҙел» журналында баҫылып сыға. 1993 йылда тәүге китабы — «Аҡ ҡылғандар» исемле шиғри йыйынтығы донъя күрә. «Бүре күҙҙәре» исемле дөйөм йыйынтыҡта балалар өсөн «Йондоҙ булаһым килә» повесы ла урын ала. Күбеһенсә фантастика өлкәһендә эшләй. Хәҙерге башҡорт әҙәбиәтендә бик әҙ фантастик әҫәрҙәре. Фәниҙә Исхаҡованың фантастик һәм фәнни-фантастик әҫәрҙәре ниндәйҙер кимәлдә буш урынды тултыра. Исхаҡованың фәнни фантастикаһы башлыса ХХ быуаттың уртаһындағы фәнни гипотезаларға нигеҙләнә. Был, үҙ сиратында, яҙыусынан ижади талантынан тыш, заманса фәнни-техник ҡаҙаныштарын, психология һәм психоанализ нигеҙҙәрен, көнсығыш философияһын һәм мифологияны белеүҙе талап итә[2]. «Кеше-күсермә» (1996) романы, «Аҡ тәңкәләр яуған төн ине…» (2003), «Көмөш ҡауырһын», «Кем һин, көҙгөләге мин?» һәм «Юғалған ваҡыт» исемле фантастик повестары, «Мәңгелектең бер миҙгеле» («Одно мгновение вечности»; 2008) сәсмә әҫәрҙәр йыйынтыҡтары авторы[2].

Шулай уҡ драматургия жанрында ла ижад итә, 1997 йылда «Зәңгәрсәс» пьесаһын яҙа[1].

I республика балалар өсөн драма әҫәрҙәре конкурсы лауреаты (1996).

Исхаҡова Фәниҙәнең әҫәрҙәрен А. П. Майоров, Г. Я. Хамматова рус теленә тәржемә иткән.

Иҫкәрмәләр[үҙгәртергә | вики-тексты үҙгәртергә]

  1. 1,0 1,1 [1]
  2. 2,0 2,1 2,2 [2]

Һылтанмалар[үҙгәртергә | вики-тексты үҙгәртергә]