Иҙеркәй Баймәков

Википедия — ирекле энциклопедия мәғлүмәте
Перейти к навигации Перейти к поиску

Иҙеркәй Баймәков1773—1775 йылдарҙағы Е.И. Пугачев етәкселегендәге Крәҫтиәндәр һуғышында ҡатнашыусы, Пугачев атаманы. Башҡорттарҙан. Яйыҡ казак ғәскәрендә хеҙмәт иткән. Ихтилалға 1773 йылды сентябрендә ҡушыла. Пугачевтың йәшерен советы составына ингән. Башҡорттар менән ҡаҙаҡтарға Пугачев өндәмәләрен төҙөүҙә ҡатнашҡан. 8-9 ноябрҙә И.Н. Зарубин, Ҡотлогилде Абдрахманов һәм А.А. Овчинников менән берлектә Бөгөлмә ведомствоһының Йөҙәй ауылы янында В.А. Кар етәкселек иткән хөкүмәт ғәскәрҙәренә ҡаршы һуғышта ҡатнаша. Пугачевтың төп ғәскәре составында Түбәнге Волга буйына барып етә. 1774 йылдың 23 авгусында Ҡара Яр ҡалаһы эргәһендә И.И. Михельсон етәкселегендәге хөкүмәт ғәскәрҙәре менән һуғышта ҡатнаша. Артабанғы яҙмышы билдәһеҙ.