Коваль Юрий Никифорович

Коваль Юрий Никифорович
	Коваль Юрий Никифорович
Зат	ир-ат
Гражданлыҡ	СССР; Рәсәй
Тыуған көнө	23 октябрь 1936
Тыуған урыны	Өфө, РСФСР, СССР
Вафат булған көнө	6 ноябрь 2020 (84 йәш)
Вафат булған урыны	Өфө, Рәсәй
Һөнәр төрө	мәктәп уҡытыусыһы, журналист
Уҡыу йорто	Башҡорт дәүләт университеты
Маҡтаулы исемдәре һәм башҡа бүләктәре	Шәһит Хоҙайбирҙин исемендәге премия

Коваль Юрий Никифорович (23 октябрь 1936 йыл — 6 ноябрь 2020 йыл) — журналист. 1969 йылдан СССР Журналистар союзы ағзаһы. 1966 йылдан «Ленинец», «Вечерняя Уфа» һәм «Советская Башкирия» гәзиттәре, 2001—2008 йылдарҙа «Бельские просторы» журналы хеҙмәткәре. Шәһит Хоҙайбирҙин исемендәге премия лауреаты (2006).

Биографияһы[үҙгәртергә | сығанаҡты үҙгәртеү]

Юрий Никифорович Коваль 1936 йылдың 23 октябрендә Башҡорт АССР-ының Өфө ҡалаһында тыуған^[1]. Башҡорт дәүләт университетын тамамлағандан һуң 1963 йылдан Өфө ҡалаһының 105-се һәм 19-сы урта мәктәптәрендә уҡытыусы булып эшләй. 1966—1969 йылдарҙа — «Ленинец», 1970—1982 йылдарҙа һәм 1992-2001 йылдарҙа — «Вечерняя Уфа» гәзитендә (1977 йылдан — бүлек мөдире, 1978—1981 йылдарҙа яуаплы сәркәтип) хеҙмәткәр булып эшләй. 1982-1987 йылдарҙа — Өфө приборҙар эшләү производство берекмәһендә, 1989 йылдан «Советская Башкирия» гәзитенең яуаплы секретары, 1991—1992 йылдарҙа — «Республика Башкортостан» гәзитенең мөхәррир урынбаҫары, 2001—2008 йылдарҙа «Бельские просторы» журналы хеҙмәткәре.

Республиканың мәҙәни һәм ижтимағи-сәйәси тормошо хаҡында бик күп мәҡәләләр авторы. СССР Журналистар союзы ағзаһы (1969). Шәһит Хоҙайбирҙин исемендәге премия лауреаты (2006), «XXI быуатта Өфө» премияһы лауреаты.