Константинов Николай Николаевич

Википедия — ирекле энциклопедия мәғлүмәте
Перейти к навигации Перейти к поиску
Константинов Николай Николаевич
рус. Николай Николаевич Константинов
Рәсем
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 2 ғинуар 1932({{padleft:1932|4|0}}-{{padleft:1|2|0}}-{{padleft:2|2|0}})
Тыуған урыны Мәскәү ҡалаһы, СССР
Вафат булған көнө 3 июль 2021({{padleft:2021|4|0}}-{{padleft:7|2|0}}-{{padleft:3|2|0}})[1] (89 йәш)
Вафат булған урыны Мәскәү ҡалаһы, Рәсәй
Туған тел урыҫ теле
Һөнәр төрө математик
Эшмәкәрлек төрө Математика
Эш биреүсе 179-сы мәктәп (Мәскәү)[d]
Уҡыу йорто МДУ-ның физика факультеты[d]
Ғилми дәрәжә физика-математика фәндәре кандидаты[d]
Маҡтаулы исемдәре һәм башҡа бүләктәре

Константинов Николай Николаевич (2 ғинуар 1932(19320102)) — совет һәм Рәсәй математигы һәм педагогы. Мәғариф өлкәһендә Рәсәй Федерацияһы Хөкүмәте премияһы лауреаты (2008).

Биографияһы[үҙгәртергә | вики-тексты үҙгәртергә]

Николай Николаевич Константинов 1932 йылдың 2 ғинуарында Мәскәү ҡалаһында тыуған (атаһы — Рәсәйҙең тыумыштан почетлы гражданы, әсәһе — грузин дворяны).

1941—1943 йылдарҙы Николай Николаевич эвакуацияла үткәрә, Татарстан Республикаһының Алабуға ҡалаһында йәшәй һәм уҡый. 1943 йылда Константинов Мәскәүгә тыуған мәктәбенә ҡайта һәм 1949 йылда уны алтын миҙалға тамамлай. 1954 йылда М. В. Ломоносов исемендәге Мәскәү дәүләт университетының физика факультетын отличие менән тамамлай.

Физика-математика фәндәре кандидаты.

А. Н. Колмогоров, Е. Б. Дынкин, С. И. Шварцбурд һәм башҡалар менән бер рәттән, СССР-ҙа математик мәғрифәтселек хәрәкәтенең күренекле эшмәкәрҙәренең береһе.

1950-сы йылдарҙан Мәскәү дәүләт университетында математика түңәрәге алып бара.

1960-сы йылдарҙан Мәскәүҙең төрлө мәктәптәрендә эшләй башлай, (7-се, 91-се, 57-се, 179-сы мәктәптәр), унда математика кластары булдыра һәм өлкән класс уҡыусылары өсөн юғары математика нигеҙҙәрен уҡытыу методикаһын эшләй («система листков», йәки «всё — в задачах» тип атала). Хәҙерге ваҡытта Константиновтың методикаһы Мәскәүҙең күп кенә математика мәктәптәрендә ҡулланыла. Хуплаусылар ҙа, ҡаршы килеүселәр ҙә бар.

Н. Н. Константиновтың уҡыусылары Мәскәү, Бөтә Союз (Бөтә Рәсәй), Халыҡ-ара математика олимпиадаларында даими еңеп сығалар.

1978 йылда Ломоносов турниры — күп предметлы олимпиада ойоштора, шунан бирле был турнир Мәскәүҙә йыл һайын үткәрелә.

Уҡыусыларҙың математика буйынса Бөтә Союз олимпиадаһы жюриһынан китергә мәжбүр булғандан һуң 1980 йылда Ҡалалар турниры — математика олимпиадаһын ойоштора, унда әлеге ваҡытта йыл һайын донъяның 25-тән күберәк иленән мәктәп уҡыусылары ҡатнаша. 1989 йылдан шулай уҡ йыл һайын Ҡалалар турнирының йәйге Конференцияһы үтә.

1991 йылда Бойондороҡһоҙ Мәскәү университетын ойоштороуҙа ҡатнаша.

Әлеге ваҡытта (2019) Константинов Николай Николаевич 179-сы мәктәптә эшләй, «Квант» журналының редакция советы ағзаһы булып тора.

Һылтанмалар[үҙгәртергә | вики-тексты үҙгәртергә]

  1. Николай Николаевич Константинов (02.01.1932 – 03.07.2021)Московский центр непрерывного математического образования.