Ларина Прасковья Фоминична

Википедия — ирекле энциклопедия мәғлүмәте
Перейти к навигации Перейти к поиску
Ларина Прасковья Фоминична
Заты ҡатын-ҡыҙ
Гражданлығы Flag of the Soviet Union.svg СССР
Тыуған көнө 1922
Тыуған урыны Воронеж өлкәһе
Вафат булған көнө 1973
Һөнәр төрө һауынсы
Маҡтаулы исемдәре һәм башҡа бүләктәре
Социалистик Хеҙмәт Геройы Ленин ордены Ленин ордены

Ларина Прасковья Фоминична (1922, хут. Шиян, Ровенск улусы, өйәҙе Острогожский өйәҙе, Воронеж губернаһы, СССР — ?) — Краснодар крайы Кавказ районының «Восток» колхозы һауынсыһы, Социалистик Хеҙмәт Геройы (1973).

Биографияһы[үҙгәртергә | вики-тексты үҙгәртергә]

Ларина Прасковья Фоминична 1922 йылда Воронеж губернаһының Ровенский улусы Острогожский өйәҙенең Шияны утарында (хәҙерге Белгород өлкәһе Ровенск районы) крәҫтиән ғаиләһендә тыуған. Милләте буйынса урыҫ[1].

Ларина Прасковья Фоминична 1933 йылда ғаиләһе менән бергә Темижбекский станицаһына күсеп килә унда урындағы мәктәпте тамамлай. Кубанды немец-фашист оккупацияһынан азат иткәндән һуң, ул 1943 йылда урындағы «Восток» колхозының комсомол-йәштәр баҫыусылыҡ бригадаһын етәкләй[1].

Бөйөк ватан һуғышы тамамлағандан һуң, Ларина Прасковья Фоминична колхозда иҫәпсе булып эшләй, һуңынан алмаш һауынсы, артабан даими нигеҙҙә һауынсы булып китә. Ете йыллыҡ (1959—1965) эш һөҙөмтәләре буйынса райондың иң яҡшы һауынсыһы булып таныла һәм ул Ленин ордены менән бүләкләнә. 1973 йылда һәр һыйырҙан 4200 килограмм һөт алыу буйынса йөкләмәһен тулыһынса үтәй; район малсылары араһында социалистик ярышты ойоштороуҙың инициаторы була[1].

1973 йылдың 6 сентябрендә СССР Юғары Советы Президиумының Указына ярашлы «бөтә союз социалистик ярышында өлгәшкән, аҙыҡ-түлекте етештереү буйынса планды арттырып үтәүҙә күрһәткән ҡыйыулығы һәм малдарҙы 1972—1973 йылдарҙың ҡышҡы осорона яҡшы әҙерләүҙәге оло уңыштары өсөн» Ларина Прасковья Фоминичнаға Ленин ордены һәм «Ураҡ һәм Сүкеш» миҙалы тапшырыла һәм ул Социалистик Хеҙмәт Геройы исеменә лайыҡ була[1].

Кубандың атҡаҙанған ауыл хужалығы хеҙмәткәре (09.01.1996). Темижбекский станицаһында йәшәй. 2 тапҡыр Ленин ордены (22.03.1966, 06.09.1973) һәм башҡа миҙалдар менән бүләкләнә[1].

Иҫкәрмә[үҙгәртергә | вики-тексты үҙгәртергә]

  1. 1,0 1,1 1,2 1,3 1,4 С. Кузоватов Ларина Прасковья Фоминична. «Герои страны» сайты. 28 апрель 2020 тикшерелгән.

Әҙәбиәт[үҙгәртергә | вики-тексты үҙгәртергә]

  • Трудовая слава Кубани: люди немеркнущей славы / под ред. Н. Л. Заздравных — Краснодар: Периодика Кубани, 2003. — 544 б.