Шәйехзада Бабич музейы
| Шәйехзада Бабич музейы | |
| Шәйехзада Бабич музейы | |
| Нигеҙләү датаһы | 1995 |
|---|---|
| Дәүләт |
 Рәсәй |
| Административ-территориаль берәмек | Әсән |
| Урын | Башҡортостан Республикаhы |
| Баш компания (ойошма, предприятие) | Башҡортостан Республикаһының Милли әҙәбиәт музейы |
| Рәсми асылыу датаһы | 1995 |
| Рәсми сайт | literatmuzey.ru/?page_id… |
 | |
Шәйехзада Бабич музейы — музей. Башҡортостан Республикаһы Дүртөйлө районының Әсән ауылында урынлашҡан. Күренекле башҡорт шағиры, башҡорт әҙәбиәте классигы, Башҡорт милли-азатлыҡ хәрәкәте эшмәкәре, 1917—1919 йылдарҙа Башҡорт Хөкүмәте ағзаһы Шәйехзада Бабичҡа бағышланған.
Тарих
[үҙгәртергә | сығанаҡты үҙгәртеү]Музей 1995 йылда Шәйехзада Бабичтың тыуыуына 100 йыл тулыу айҡанлы асыла, 2002 йылдан —Башҡортостан Республикаһы «Милли әҙәбиәт музейы» дәүләт бюджет мәҙәниәт һәм сәнғәт учреждениеһы филиалы.
Музей өс экспозиция залынан тора. «Әсән ауылы тарихы» залында ауыл тарихына бәйле документтар, шәжәрәләр, ауылдан сыҡҡан билдәле шәхестәр тураһында мәғлүмәттәр тупланған.
«Шәйехзада Бабич ижады һәм тормошо» залында шағирҙың автографтары ҡуйылған «Аҡмулла» журналының ҡайһы бер һандары, 1922 йылда Ҡазанда баҫылған «Шиғырҙар мəжмүғəһе» китабы, ҡулъяҙма шиғырҙар йыйынтығы (1912), «Ҡармаҡ», «Шура» журналдарында, «Ваҡыт», «Тормош» гəзиттәрендә баҫылған шиғырҙары, визит карточкаһының күсермəлəре һаҡлана. Экспозицияла рəсем сəнғəте, графика һəм скульптура əҫəрҙəре, 19 быуаттың көнкүреш һəм биҙəү‑ҡулланма сəнғəте əйберҙəре, шағирҙың тормошо һəм эшмəкəрлеге тураһында фото- һəм документаль материалдар күрһəтелгəн.
«Этнография» залында ауыл һәм район халҡының мәҙәни-көнкүреш үҙенсәлектәре, ғөрөф-ғәҙәттәре сағылыш тапҡан.
Музейҙа билдәле шағирҙар, яҙыусылар менән осрашыуҙар уҙғарыла, шиғриәт кисәләрендә уҡыусылар Бабич шиғырҙарын һөйләй[1].
Һылтанмалар
[үҙгәртергә | сығанаҡты үҙгәртеү]- А.В. Шарипова. Шәйехзада Бабич музейы // Башкирская энциклопедия. — Уфа: ГАУН РБ «Башкирская энциклопедия», 2015—2024. — ISBN 978-5-88185-306-8.
- РФ мәҙәниәт
- Башкортсотан Республикаһы милли әҙәби музейы 2018 йыл 15 ғинуар архивланған.
Иҫкәрмәләр
[үҙгәртергә | сығанаҡты үҙгәртеү]- ↑ Лариса Абдуллина. Онотмаған халыҡ исемеңде, Илдә йәшәй рухи бураның! 2017 йыл 30 ноябрь архивланған. Башҡортостан (гәзит)] 20.01.15 (баш.)(баш.)