Нуриев Ғабдул Ғәҙелша улы

	Нуриев Ғабдул Ғәҙелша улы
Тыуған көнө	6 февраль 1922
Тыуған урыны	Иҫке Мәңгәр ауылы, Арский район, Татар АССР-ы, РСФСР
Вафат булған көнө	16 февраль 2004 (82 йәш)
Вафат булған урыны	Ҡазан, СССР
Гражданлығы	СССР; Рәсәй Федерацияһы
Наградалары һәм премиялары	Ҡалып:I дәрәжә Ватан һуғышы ордены Ҡалып:Татар АССР-ының атҡаҙанған табибы
	Шаблон: просмотр • обсуждение • править

Нуриев Ғабдул Ғәҙелша улы (6 февраль 1922 йыл — 16 февраль 2004 йыл, Ҡазан) ― ғалим-табип, дерматовенеролог. Бөйөк Ватан һуғышында ҡатнашыусы. Медицина фәндәре докторы (1982), профессор (1983), Татар АССР-ының атҡаҙанған табибы (1989)^[1].

Биографияһы

Ғабдул Ғәҙелшә улы Нуриев 1922 йылдың 6 февралендә Татар АССР-ының Ар кантоны Иҫке Мәңгәр ауылында тыуған.

1940 йылда Ҡазан дәүләт медицина институтына уҡырға инә. Бөйөк Ватан һуғышы башланғас, 1941 йылдың йәйендә Ҡыҙыл Армияға мобилизациялана. 3-сө Украин һәм 4-се Украин фронтында һуғыша, ҡаты яралана. I һәм II дәрәжә Ватан һуғышы ордены һәм Ҡыҙыл Йондоҙ ордендары менән бүләкләнә^[2]. 1945 йылда демобилизацияланып, тыуған яғына ҡайта һәм медицина институтында уҡыуын дауам итә. Уны 1950 йылда тамамлай.

1954 йылдан алып 1957 йылға тиклем Республика клиник дауаханаһында тире-венерология бүлеге мөдире булып эшләй. 1957 йылда Республика тире-венерология диспансерының баш табип урынбаҫары итеп тәғәйенләнә. 1961 йылда Ҡазан дәүләт медицина институтының дерматовенерология кафедраһы мөдире була.

1967 йылда кандидатлыҡ, 1982 ― докторлыҡ диссертацияһын уңышлы яҡлай^[2]. 1983 йылда профессор итеп һайлана. 1989 йылда һаулыҡ һаҡлауҙы үҫтереүгә индергән өлөшө өсөн Нуриев Ғабдул Ғәҙелша улы «Татар АССР-ының атҡаҙанған табибы» почетлы исеменә лайыҡ була. Шул уҡ йылда Татарстан дерматовенерологтарының ғилми йәмғиәте рәйесе итеп һайлана. 1990 йылда профессор-консультант булып китә.

Тире ауырыуҙары патогенезында микроблы аллергия һәм аутоаллергия проблемалары буйынса 100-ҙән ашыу хеҙмәт авторы. Стрептококка һәм стафилококкҡа аллергияһы булған хроник дерматоз менән ауырығандарҙы үҙенсәлекле гипосенсибилизациялау терапияһының яңы методикаһын эшләй^[2].

Маҡтаулы исемдәре һәм башҡа бүләктәре

I һәм II дәрәжә Ватан һуғышы ордены^[3]
Ҡыҙыл Йондоҙ ордены
Миҙалдар
Татар АССР-ының атҡаҙанған табибы (1989)^[1]

Библиография

Роль аллергических и аутоаллергических факторов в патогенезе микробной экземы // Вестник дерматологии и венерологии. 1971. № 11.
Случай гипертрофического твердого шанкра // Вестник дерматологии и венерологии. 1980. № 9.
Специфическая гиперсенсибилизирующая терапия больных дерматозами растворимыми бактериальными аллергенами // Вестник дерматологии и венерологии. 1987. № 7.

Әҙәбиәт

Павлухин Я. Г. История медицины Татарстана в лицах. Казань, 1997.
Профессор Габдул Гадельшевич Нуреев // Казанский медицинский журнал. 2002. № 1.

Иҫкәрмәләр

↑ ^1,0 ^1,1 Нуреев Габдул Гадельшевич
↑ ^2,0 ^2,1 ^2,2 ПРОФЕССОР ГАБДУЛ ГАДЕЛЬШЕВИЧ НУРЕЕВ 2022 йыл 29 апрель архивланған.
↑ Награда Габдулы Нуреева

Һылтанмалар

6 февраля — 100 лет со дня рождения Габдулы Гадельшевича Нуреева

[автоссылка1-1] 1,0 ^1,1 Нуреев Габдул Гадельшевич

[автоссылка2-2] 2,0 ^2,1 ^2,2 ПРОФЕССОР ГАБДУЛ ГАДЕЛЬШЕВИЧ НУРЕЕВ 2022 йыл 29 апрель архивланған.

[3] Награда Габдулы Нуреева

[1]

[2]

[3]