Океанариум (Санкт-Петербург)

Википедия — ирекле энциклопедия мәғлүмәте
Перейти к навигации Перейти к поиску
Океанариум
Рәсем
Нигеҙләү датаһы 2006[1]
Дәүләт Flag of Russia.svg Рәсәй
Административ-территориаль берәмек Санкт-Петербург
Число посетителей в год 600 000
Майҙан 5000 квадратный метр
Рәсми сайт planeta-neptun.ru/ocean/
Commons-logo.svg Океанариум Викимилектә


Океанариум (Санкт-Петербург) — Рәсәйҙә һәм Санкт-Петербург ҡалаһындағы беренсе океанариум. Ҡала үҙәгендәге «Нептун планетаһы» сауҙа-күңел асыу комплексында урынлашҡан. 2006 йылдың.27 апреленән алып эшләй. Океанариум ҡаланың төп иҫтәлекле урындарының береһе һәм ҡала халҡы һәм туристар араһында ҙур популярлыҡ менән файҙалана. Йыл һайын 600 мең кеше океанариумға килә. Океанариум бинаһы лифт һәм пандустар менән йыһазландырылған, мөмкинлектәре сикләнгән кешеләр өсөн уңайлы.

Архитектура[үҙгәртергә | вики-тексты үҙгәртергә]

Океанариум фин архитекторы Ханну Лайтило проекты буйынса эшләгән. Ул шулай уҡ Санкт -Петербургтағы «Финляндия йортон» проектлаған.

Экспозиция[үҙгәртергә | вики-тексты үҙгәртергә]

Океанариумда күрһәтеү өсөн 4500 дананан ашыу балыҡ, һыу умыртҡаһыҙҙары тотола, улар яҡынса 150 төргә ҡарай. Яҡынса 5000 м2 майҙанда 57 аквариум урынлашҡан, уларҙың дөйөм һыу күләме 1,5 миллион литрҙан ашыу. Океанариум экспозицияһы тематик зоналарға бүленгән:

Санкт-Петербург океанариумы пираньялары
Уртаса һәм тропик киңлектәр балыҡтары
Экспозицияла Көньяҡ Америка, Африка, Көньяҡ-көнсығыш Азия, Амазонка балыҡтары менән танышырға мөмкин — пираньялар, арапайма, скат-хвостокол, дискус, неон, һөйрәлеүселәр — квакша һәм древолаз һәм башҡалар.
Океанға юл
Экспозиция 2012 йылда асыла, иң сөсө зонанан диңгеҙ зонаһына алып бара. Бында 7 метр тәрәнлектәге 2 диңгеҙ аквариумы урынлаштырылған.

Медузалар донъяһы

Аквариумға ҡаршы торған эскәмйәләргә ултырып, яй ғына хәрәкәт иткән медузаларҙы — ҡолаҡлы аурелийҙарҙы ҡарарға мөмкин.

Ҡаялы яр зонаһы
Аквариум асыҡтан-бассейн, уларҙа мөмкин диңгеҙ йондоҙҙары, мечехвост, бесә акулаһын, скат-хвостоколдарҙы күрергә мөмкин. Тулҡын яһау приборының эшләүен күҙәтергә мөмкин.
Төп аквариум
Төп күләме 7 мең 750 литр һыулы 35 метр оҙонлоғондағы тоннелле аквариум, уның күҙәтеү тәҙрәһе 35×3 м, күләме 290 квадрат метр. Акула шоу киске 19-00 сәғәттә (шишәмбе-йәкшәмбе буйынса) башлана.
Мәрйен рифтары
Аквариумда мәрйен рифтары бар — унда балыҡтар һәм умыртҡаһыҙҙарҙы (сағыу балыҡ, диңгеҙ терпеһе, тере мәрйенде ҡарарға мөмкин).
Рәсәй Төньяҡ-көнбайышының һөтимәрҙәре һәм балыҡтары
Океанариумда Балтик диңгеҙ балыҡтары һәм һөтимәрҙәре — оҙон моронло һоро тюлендар менән танышырға мөмкин. Тюленариум 2007 йылда асылған. Беренсе тюлендың ҡушаматы -Ума. 2007 йылдың апрелендә уны Фин ҡултығы янында яралы килеш табып алғандар һәм Санкт-Петербург ҡалаһындағы океанариумға тапшырғандар. Унан тыш бында тағы ике (Гоша һәм Даша) тюлень бар, улар Клайпедала (Литва) 2007 йылда тыуған. 2018 йылдың март айында залда реконструкциянан һуң эскәмйәләр булдырылған.

Шоу һәм ашатыу[үҙгәртергә | вики-тексты үҙгәртергә]

Һәр көн һайын тамашасылар алдында океанариумдағы балыҡтарға ем бирләр (скат, пираньялар, арапайма, диңгеҙ йондоҙҙары, бесәй акулаһына), шулай уҡ дрессировкаланған хайуандар менән шоу үткәрәләр — шоу менән тюлень — шоу 11.30 −16.00 һәм акулалар менән шоу 19.00 (һәр дүшәмбе көнөнән башҡа). ситтекенә күҙәтә.

Океанариумдың тормошон тәьмин итеү системаһы[үҙгәртергә | вики-тексты үҙгәртергә]

Төп һыу сығанағы — Санкт-Петербург ҡалаһының торба селтәре һыуы тора. Һыу ҡом һәм күмер фильтр аша уҙғарылып таҙартыла. Тәбиғи сөсө һыуға тоҙ ҡушып океанариумға бирелә. Һыу температураһы (краб-үрмәкселәр өсөн12-14°С һәм урындағы балыҡтар өсөн 16-18°С һәм тропик балыҡтар өсөн 28°С) төрлөсә, аквариумдар һыу йылытҡыс һәм һыуытҡыстар менән тәьмин ителгән.

Уҡыу үҙәге[үҙгәртергә | вики-тексты үҙгәртергә]

Океанариумда Уҡыу үҙәктәре педагогтары уҡыусыларға төрлө белем биреү программалары буйынса тематик экскурсиялар һәм дәрестәр үткәрә.

«Ҙур Регата» конкурсы[үҙгәртергә | вики-тексты үҙгәртергә]

«Ҙур Регата» ҡала конкурсы Океанариум инициативаһы менән ойошторолған музей-ара-сәйәхәт, ул 2008 йылда ойошторолған. Конкурстың партнерҙары булып Санкт-Петербург ҡалаһының белем биреү ойошмалары тора. Һәр йылда ла конкурс билдәле бер тема буйынса үткәрелә һәм диңгеҙҙәге сәйәхәте, географик асыштар, диңгеҙ һәм океан биологияһы, тарих, караптар төҙөү, ғаилә ҡиммәттәре буйынса үткәрелә. Йыл дауамында мәктәп уҡыусылары командалары һәм ғаиләләр өсөн конкурстар ойошторола, улар, музейҙарға барып, төрлө биремдәр үтәп, ярыша. Конкурста еңеүселәр Фин ҡултығы акваторияһында яхтала йөрөй.

Идара итеү һәм финанслау[үҙгәртергә | вики-тексты үҙгәртергә]

Океанариумдың төҙөлөш хаҡы 13,8 млн евро тәшкил иткән. Проекттың үҙ сығымдарын аҡлау мөҙҙәте 5 йыл тәшкил итә."Нептун планетаһы" һәм Санкт-Петербург океанариумы ЯСЙ «Рубин». ЗАО «Рубин» милке булып тора. Уны Рәсәйҙең әйҙәүсе оборона предприятиеһы — «Рубин» Үҙәк диңгеҙ техникаһы конструкторлыҡ бюроһы ойошторған. Хәҙерге ваҡытта компанияның эшмәкәрлеге йүнәлештәренең береһе — коммерция аквариумдарын һәм коммерция океанариумдарын төҙөү.

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]