Бикмөхәмәтов Роберт Ғата улы

Бикмөхәмәтов Роберт Ғата улы
Тыуған көнө	11 ғинуар 1929({{padleft:1929|4|0}}-{{padleft:1|2|0}}-{{padleft:11|2|0}})
Тыуған урыны	Башҡорт АССР-ы Бөрө кантоны Илеш ауылы
Вафат көнө	28 август 1995({{padleft:1995|4|0}}-{{padleft:8|2|0}}-{{padleft:28|2|0}}) (66 йәш)
Вафат урыны	Мәскәү
Ил	СССР → Рәсәй Федерацияһы
Эшләгән урыны	Мәскәү дәүләт университеты
Альма-матер	Ҡазан дәүләт университеты
Ғилми дәрәжәһе	филология фәндәре докторы (1983)
Ғилми исеме	профессор (1987)

Бикмөхәмәтов Роберт Ғата улы (11 ғинуар 1929 йыл — 28 август 1995 йыл) — әҙәбиәт белгесе, юғары мәктәп уҡытыусыһы, журналист. Филология фәндәре докторы (1983), профессор (1987). Башҡорт АССР-ының атҡаҙанған фән эшмәкәре (1989).

Биографияһы

Роберт Ғата улы Бикмөхәмәтов 1929 йылдың 11 ғинуарында БАССР-ҙың Бөрө кантоны Илеш ауылында тыуған.

1952 йылда Ҡазан дәүләт университеты тамамлай.

1956 йылдан алып СССР Фәндәр Академияһының М. Горький исемендәге Донъя әҙәбиәте институтында (Мәскәү) эшләй.

1960 йылдан — «Дружба народов» журналы баш мөхәррир урынбаҫары.

1962 йылдан алып — Мәскәү дәүләт университеты уҡытыусыһы, әҙәбиәт тарихы кафедраһының сектор мөдире.

1995 йылда Мәскәүҙә вафат була.

Ғилми эшмәкәрлеге

Фәнни хеҙмәттәре Рәсәй халыҡтары милли әҙәбиәттәренең бер-береһенә йоғонтоһо, әҙәбиәт теорияһы, әҙәбиәт ғилеменең методологияһына арналған. Ғабдулла Туҡай, Ғәлимйән Ибраһимов, Муса Йәлил тормошо һәм ижадына арналған монографиялар; Мәжит Ғафури, Мостай Кәрим, Сәйфи Ҡудаш, Назар Нәжми, Ким Әхмәтйәнов һ. б. ижадына арналған мәҡәләләр авторы. Роберт Бикмөхәмәтов хеҙмәттәре инглиз, немец, поляк телдәренә тәржемә ителгән.

Хеҙмәттәре

• Орбиты взаимодействия. — М., 1983.

Маҡтаулы исемдәре

• БАССР-ҙың атҡаҙанған фән эшмәкәре (1989).

Сығанаҡтар

Бикмөхәмәтов Роберт Ғата улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.