Родионова Екатерина Ивановна

Родионова Екатерина Ивановна
рус. Екатерина Ивановна Родионова
Зат	ҡатын-ҡыҙ
Гражданлыҡ	СССР
Тыуған көнө	5 декабрь 1904({{padleft:1904|4|0}}-{{padleft:12|2|0}}-{{padleft:5|2|0}})
Тыуған урыны	Половинное[d], Ҡурған өйәҙе, Тубыл губернаһы, Рәсәй империяһы
Вафат булған көнө	27 ғинуар 1972({{padleft:1972|4|0}}-{{padleft:1|2|0}}-{{padleft:27|2|0}}) (67 йәш)
Вафат булған урыны	Половинное[d], Ҡурған өлкәһе, РСФСР, СССР
Һөнәр төрө	тракторсы
Маҡтаулы исемдәре һәм башҡа бүләктәре

Родионова Екатерина Ивановна (5 декабрь 1904 йыл — 27 ғинуар 1972 йыл) — колхозсы, Половинская машина-трактор станцияһының трактор бригадаһы бригадиры, Социалистик Хеҙмәт Геройы (1957).

Биографияһы

Екатериан Ивановна Родионова 1904 йылдың 5 декабрендә Тобольск губернаһы Ҡурған өйәҙе Половинский улусының Половинное ауылында (хәҙер Ҡурған өлкәһе Половинский районы) крәҫтиән ғаиләһендә тыуған. Иртә йәштән баҫыуҙа эшләй.

Хеҙмәт эшмәкәрлеген 1930 йылда Половинский районының «Пролетар юл» колхозында башлай. 1931 йылда ире менән бергә «Биш йыллыҡтың икенсе йылы» колхозына эшкә инә. Баҫыусылыҡ бригадаһында ашнаҡсы булып эшләй. 1933 йылда тракторсылар курсын тамамлай. 1935 йылда «ЧТЗ-Сталинец» тракторын йөрөтөү буйынса курстар тамамлай. Половинский МТС-ында тракторсы булып эшләй, һуңынан «Дала» совхозына эшкә күсә. Сиҙәм ерҙәрҙе үҙләштереүҙә ҡатнаша. 1955-1956 йылдарҙа «Дала» совхозы 10 мең гектарҙан ашыу сиҙәм ерҙәрҙе үҙләштерә. Екатерина Родионова ДТ-54 тракторында ошо осорҙа 3139 гектар сиҙәм ерҙе һөрә. Был фиҙаҡәр хеҙмәте өсөн 1957 йылда Социалистик Хеҙмәт Геройы исеменә лайыҡ була.

Хеҙмәтсәндәр депутаттарының Ҡурған өлкәһе һәм Половинский район советы депутаты итеп һайлана.

Половинное ауылында йәшәй.

1972 йылдың 27 ғинуарында вафат була.

Наградалары

• Социалистик Хеҙмәт Геройы — СССР Юғары Советы Президиумының 1957 йылдың 11 ғинуарындағы указы менән;
  • «Ураҡ һәм Сүкеш» миҙалы
  • Ленин ордены
• «1941-1945 йылдарҙағы Бөйөк Ватан һуғышында маҡтаулы хеҙмәте өсөн» миҙалы
• «Сиҙәм ерҙәрҙе үҙләштергән өсөн» миҙалы
• Половинная ауылының почетлы гражданы.

Хәтер

• Екатерина Родионова исемен Половинное ауылында урам йөрөтә.
• Екатерина Родионова йәшәгән йортта мемориаль таҡтаташ ҡуйылған.

Әҙәбиәт

• Золотое созвездие Зауралья, кн. 2, Курган, Парус-М, 2007

Һылтанмалар

Родионова Екатерина Ивановна  (билдәһеҙ). «Герои страны» сайты.