Черных Юрий Алексеевич

Черных Юрий Алексеевич
	Черных Юрий Алексеевич
Зат	ир-ат
Тыуған көнө	11 февраль 1952
Тыуған урыны	Ишембай
Вафат булған көнө	27 апрель 2021 (69 йәш)
Һөнәр төрө	сәйәсмән
Уҡыу йорто	Көньяҡ Урал дәүләт университеты
Ғилми дәрәжә	техник фәндәр кандидаты[d]
Сәйәси фирҡә ағзаһы	Берҙәм Рәсәй
Ойошма ағзаһы	Башҡортостан Республикаһының Дәүләт Йыйылышы — Ҡоролтай

Википедияла Черных фамилиялы башҡа кешеләр тураһында мәҡәләләр бар.

Черных Юрий Алексеевич (11 февраль 1952 йыл) — 2003—2008 йылдарҙа Салауат ҡала Советы рәйесе. «Салаватнефтемаш» йәмғиәтенең генераль директоры (1995—2005). Техник фәндәр кандидаты. Башҡортостан Республикаһының атҡаҙанған машиналар эшләүсеһе. Башҡортостан Республикаһының дүртенсе саҡырылыш Дәүләт Йыйылышы — Ҡоролтай депутаты.

Биографияһы

Черных Юрий Алексеевич 1952 йылдың 11 февралендә Башҡорт АССР-ы Ишембай ҡалаһында тыуған^[1]^[2].

1975 йылда инженер-механик һөнәре буйынса Силәбе политехник институтын тамамлай.

1975—1976 йылдарҙа Новосибирск ҡалаһында «Сибсельмаш» заводының 17-се һанлы цехының инженер-технологы булып эшләй.

1976—1988 йылдарҙа «Салаватнефтемаш» йәмғиәтендә инженер; баш конструктор бүлегенең өлкән инженеры; производство-диспетчерлыҡ бүлеге бюроһы начальнигы; етештереүгә әҙерләү бүлеге начальнигы була.

1979 йылдан Рубцово транспорт машиналар эшләү заводының Ишембай филиалында технолог булып эшләй.

1988—1989 йылдарҙа «Салаватнефтемаш» фәнни-производство берекмәһе заводының партия комитеты секретары, баш инженеры вазифаларын башҡара.

1995—2005 йылдарҙа «Салаватнефтемаш» ААЙ-һы генераль директоры булып эшләй.

Башҡортостан Республикаһының дүртенсе саҡырылыш Дәүләт Йыйылышы — Ҡоролтай депутаты итеп һайланған.

1995 йылдан Салауат ҡала Советы депутаты итеп һайлана. Ә ике саҡырылышта 2003—2008 йылдарҙа Салауат ҡала Советы рәйесе була. «Берҙәм Рәсәй» сәйәси партияһы ағзаһы.

Өйләнгән, улы һәм ҡыҙы бар.

Маҡтаулы исемдәре һәм башҡа бүләктәре

Башҡортостан Республикаһының атҡаҙанған машиналар эшләүсеһе
Башҡортостан Республикаһы Почет грамотаһы
«Сифат өлкәһендә ҡаҙаныштары өсөн» почет билдәһе («Рәсәйҙең иң яҡшы 100 тауары — 2007»).

Иҫкәрмәләр

↑ 100 КРУПНЕЙШИХ ПРЕДПРИЯТИЙ(недоступная ссылка)
↑ http://evropressa.ru/index/p-chernih2008.jpg(недоступная ссылка)

[1] 100 КРУПНЕЙШИХ ПРЕДПРИЯТИЙ(недоступная ссылка)

[2] ttp://evropressa.ru/index/p-chernih2008.jpg(недоступная ссылка)

[1]

[2]