Яруллин Ғималетдин Минһаж улы
| Ғималетдин Яруллин | |
 | |
| Исеме: |
Яруллин |
|---|---|
| Тыуған көнө: |
19 сентябрь 1957 (67 йәш) |
| Тыуған урыны: | |
| Гражданлығы: | |
| Эшмәкәрлеге: |
журналистика, мөхәррир |
| Ижад йылдары: |
1986 |
| Йүнәлеше: | |
| Әҫәрҙәре яҙылған тел: | |
| Наградалары: |
Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2014) |
Яруллин Ғималетдин Минһаж улы (19 сентябрь 1957 йыл) — журналистика ветераны. 2003—2017 йылдарҙа «Сельские узоры» республика аграр журналының директоры (баш мөхәррире). Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2014)[2].
Биографияһы
[үҙгәртергә | сығанаҡты үҙгәртеү]Ғималетдин Минһаж улы Яруллин 1957 йылдың 19 сентябрендә Башҡорт АССР-ының Ҡыйғы районы Иҙрис ауылында тыуған. Һигеҙ йыллыҡ мәктәпте тамамлағас, 1973—1977 йылдарҙа Мәсәғүт педагогия училищеһында уҡый. Башланғыс синыфтар уҡытыусыһы һөнәрен алғас, хеҙмәт эшмәкәрлеген Ҡариҙел районының Тигермән һигеҙ йыллыҡ мәктәбендә уҡытыусы булып башлай.
1977 йылда СССР Ҡораллы Көстәренә саҡырыла һәм 1979 йылда хәрби хеҙмәттән запасҡа ҡайтарылғандан һуң Ҡыйғы районы Аҫылғужа һигеҙ йыллыҡ мәктәбендә ике йыл физкультура һәм хеҙмәт уҡытыусыһы булып эшләй.
1981 йылда Башҡорт дәүләт университетының филология факультетына уҡырға инә һәм уны 1986 йылда тамамлағас, артабанғы яҙмышын журналистика менән бәйләй. Башта республика башҡорт телендә нәшер ителгән сатир һәм юмор журналы "Һәнәк"тә бүлек мөхәррире була. Етерлек тәжрибә туплап алғандан һуң ул балалар һәм үҫмерҙәр гәзите "Йәншишмә"гә баш мөхәррир итеп тәҡдим ителә. Артабан Ғималетдин Яруллин «Йәшлек» гәзитен етәкләй. Аҙаҡтан йыл ярым дауамында Башҡортостан телевидениеһында эшләп ала. 2003 йылда «Сельские узоры» республика аграр журналының директоры (баш мөхәррире) итеп тәғәйенләнә[3] һәм 2017 йылдың октябренәсә ошо вазифала эшләй.
Маҡтаулы исемдәре һәм башҡа бүләктәре
[үҙгәртергә | сығанаҡты үҙгәртеү]- Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2014)[2].
Иҫкәрмәләр
[үҙгәртергә | сығанаҡты үҙгәртеү]- ↑ 1992 йылдан Башҡортостан Республикаһы ЗАКОН Башкирской ССР от 25.02.92 N ВС-10/12 ОБ ИЗМЕНЕНИИ НАИМЕНОВАНИЯ ГОСУДАРСТВА БАШКИРСКАЯ СОВЕТСКАЯ СОЦИАЛИСТИЧЕСКАЯ РЕСПУБЛИКА (рус.)
- ↑ 2,0 2,1 В Уфе Рустэм Хамитов вручил государственные награды «Республика Башкортостан» гәзите 2014 йыл 9 октябрь архивланған.
- ↑ Башкирская энциклопедия. Журналы. «Сельские узоры» 2016 йыл 5 март архивланған. (рус.)
Һылтанмалар
[үҙгәртергә | сығанаҡты үҙгәртеү]- Башкирская энциклопедия. Журналы. «Сельские узоры» 2016 йыл 5 март архивланған.
- ООО «Первое Независимое Рейтинговое Агентство» (FIRA.RU). Официальный сайт."СЕЛЬСКИЕ УЗОРЫ" — ФИЛИАЛ ГОСУДАРСТВЕННОГО УНИТАРНОГО ПРЕДПРИЯТИЯ РЕСПУБЛИКИ БАШКОРТОСТАН ИЗДАТЕЛЬСКИЙ ДОМ «РЕСПУБЛИКА БАШКОРТОСТАН», РЕДАКЦИЯ ЖУРНАЛА(недоступная ссылка)
- Внеклассное мероприятие " Страницы истории Месягутовского педагогического колледжа" Яруллин Г. М.
- Алфавит буйынса шәхестәр
- Алфавит буйынса журналистар
- 19 сентябрҙә тыуғандар
- 1957 йылда тыуғандар
- Ҡыйғы районында тыуғандар
- Башҡорт дәүләт университетын тамамлаусылар
- Башҡортостан уҡытыусылары
- Башҡортостан Республикаһының атҡаҙанған матбуғат һәм киң мәғлүмәт хеҙмәткәрҙәре
- Башҡортостан журналистары
- XX быуат журналистары
- XXI быуат журналистары
- «Һәнәк» журналы хеҙмәткәрҙәре
- «Йәншишмә» гәзите баш мөхәррирҙәре
- «Йәшлек» гәзите баш мөхәррирҙәре