Ғәйнуллина Мәхмүзә Кәлимулла ҡыҙы

Википедия — ирекле энциклопедия мәғлүмәте
Перейти к навигации Перейти к поиску

Ғәйнуллина Мәхмүзә Кәлим ҡыҙы (6 сентябрь 1937 йыл) — ғалим-профпатолог, йәмәғәт эшмәкәре. Медицина фәндәре докторы (1999). Рәсәй Федерацияһының һәм Башҡортостан Республикаһының Журналистар союздары ағзаһы (1997). Рәсәй Федерацияһының (1999) һәм Башҡорт АССР-ының (1989) атҡаҙанған табибы. Нуриман районының почётлы гражданы.

Башҡорт ҡатын-ҡыҙҙары йәмғиәте ағзалары — Нуриман районында. Ғәйнуллина Мәхмүзә Кәлимулла ҡыҙы райондаштары менән осрашыуҙа (уңдан 2-се). 2009
Йәмәғәт эшмәкәрҙәре (Һулдан уңға) — ғалимдәр Райхана Ҡунаҡова, Айһылыу Юнысова, Мәхмүзә Ғәйнуллина һәм шағир Гүзәл Ситдиҡова

Биографияһы[үҙгәртергә | вики-тексты үҙгәртергә]

Мәхмүзә Кәлим ҡыҙы Ғәйнуллина 1937 йылдың 6 сентябрендә Башҡорт АССР-ының Нуриман районы Яңы Күл ауылында тыуған.

1973 йылда Башҡорт дәүләт медицина институтын уңышлы тамамлағас, 2 йыллыҡ клиник ординатурала уҡыған.

1975 йылдан Өфөләге Хеҙмәт медицинаһы һәм кеше экологияһы ғилми-тикшеренеү институтында хеҙмәт юлын башлай. 1985—2002 йылдарҙа унда баш табип була.

1987 йылда «медицина фәндәре кандидаты», ә 1999 йылда «медицина фәндәре докторы» ғилми дәрәжәһенә диссертация яҡлай.

1974—1999 йылдарҙа Башҡортостан телевидениеһындағы «Һаулыҡ» тапшырыуының авторы һәм алып барыусыһы була. Рәсәй Федерацияһының һәм Башҡортостан Республикаһының Журналистар союздары ағзаһы (1997).

2002 йылдан «Эшләп йөрөүселәрҙең репродуктив һаулығын һаҡлау» лабораторияһы етәксеһе[1][2].

Ғилми эшмәкәрлеге[үҙгәртергә | вики-тексты үҙгәртергә]

Фәнни эштәре нефть эшкәртеү һәм нефтехимия сәнәғәтендә эшләгән ҡатын-ҡыҙҙарҙың һаулығын тикшереүгә бағышланған. 93 фәнни хеҙмәт авторы, 1 монография яҙған[3].

Йәмәғәт эшмәкәрлеге[үҙгәртергә | вики-тексты үҙгәртергә]

Мединститутта уҡығанда факультеттың комсомол ойошмаһы секретары, һуңыраҡ институттың ВЛКСМ комитеты секретары урынбаҫары була. Хеҙмәт медицинаһы һәм кеше экологияһы ғилми-тикшеренеү институтында эшләгән йылдарында партия бюроһы секретары итеп һайлана (1982—1989), КПСС-тың Киров райкомының бюро ағзаһы була (1989—1990).

Башҡортостандың Профсоюздар Федерация Советы ағзаһы (2000 йылдан), ФНПР Генсоветының Гендер сәйәсәте буйынса эксперт советы ағзаһы (2000 йылдан), Башҡортостан Профсоюздар Федерацияһының Ҡатын-ҡыҙҙың социаль тигеҙлеге мәсьәләләре буйынса комиссия рәйесе (2001 йылдан), Башҡортостан Республикаһының Башҡорт ҡатын-ҡыҙҙары йәмғиәте идараһы ағзаһы (1998 йылдан)[4].

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

  • Башҡортостан Республикаһының атҡаҙанған фән эшмәкәре
  • Рәсәй Федерацияһының атҡаҙанған табибы (1999)
  • Башҡорт АССР-ының атҡаҙанған табибы (1989)
  • ВЛКСМ Үҙәк Комитетының Почёт Грамотаһы (1973)
  • СССР-ҙың «Хеҙмәт батырлығы өсөн» миҙалы (1974)
  • РФ Һаулыҡ һаҡлау министрлығының Почёт Грамотаһы (1999)
  • «Рәсәй Профсоюздарына 100 йыл» миҙалы (2005).

Сығанаҡтар[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]

  1. Ғәйнуллина Мәхмүзә Кәлим ҡыҙы — Башҡорт энциклопедияһы (Тикшерелгән 25 август 2017)
  2. Известные ученые [1]
  3. Известные ученые [2]
  4. Башҡорт ҡатын-ҡыҙы мең йыллыҡтар сигендә. Өфө, 2000