Әминева Флүрә Мирғәли ҡыҙы

Википедия — ирекле энциклопедия мәғлүмәте
Перейти к навигации Перейти к поиску
Флүрә Мирғәли ҡыҙы Әминева
132 pxpx
Тыуған көнө:

5 июль 1928({{padleft:1928|4|0}}-{{padleft:7|2|0}}-{{padleft:5|2|0}})

Тыуған урыны:

Башҡорт АССР-ы Бөрө кантоны[1]

Гражданлығы:

Совет Социалистик Республикалар Союзы СССР

Вафат булған көнө:

2011({{padleft:2011|4|0}})

Вафат булған урыны:

Башҡортостан Республикаһы, Яңауыл районы, Үрге Сат ауылы

Награда һәм премиялары:
Социалистик Хеҙмәт Геройы — 1966
Ленин ордены

Әминева Флүрә Мирғәли ҡыҙы (5 июль 1928 йыл2011 йыл) — ауыл хужалығы хеҙмәткәре, 1947—1968 йылдарҙа Яңауыл районы Шәһит Хоҙайбирҙин исемендәге колхоздың һарыҡ көтөүсеһе, Социалистик Хеҙмәт Геройы (1966). Башҡорт АССР-ының 7-се саҡырылыш Юғары Советы депутаты (1967—1971). III Бөтә союз колхозсылар съезы делегаты (1969).

Биографияһы[үҙгәртергә | вики-тексты үҙгәртергә]

Флүрә Мирғәли ҡыҙы Әминева 1928 йылдың 5 июлендә[2] БАССР-ҙың Яңауыл районы Үрге Сат ауылында тыуған.

1939 йылда БАССР-ҙың Яңауыл районы Шәһит Хоҙайбирҙин исемендәге колхозда эшләй башлай. 1943 йылдың ноябренән 1947 йылдың октябренә тиклем сусҡа ҡараусы, быҙау ҡараусы булып эшләй, 1947 йылдың октябренән — колхоздың һарыҡ көтөүсеһе, өлкән һарыҡ көтөүсеһе була.

Әминева Флүрә Мирғәли ҡыҙы ҙур производство күрһәткестәренә өлгәшә. 1964 йылда үҙенә беркетелгән 250 һарыҡтан 100 һарыҡ иҫәбенә 150 баш бәрәс ала һәм үҫтерә, бер һарыҡтан уртаса 3,2 килограмм йөн ҡырҡып ала. 1965 йылда 250 һарыҡтан 100 һарыҡ иҫәбенә 145 баш бәрәс ала һәм бер һарыҡтан уртаса 3,3 килограмм йөн ҡырҡып ала. Уның төркөмөндәге һарыҡтарҙан тулайым ҡырҡып алған һарыҡ йөнө 1964 йылда 8,07 центнер, 1965 йылда — 8,27 центнер тәшкил итә.

Малсылыҡты үҫтереүҙә өлгәшкән уңыштары, ит, һөт, йөн һәм башҡа продукцияларҙы етештереү һәм әҙерләүҙе арттырғаны өсөн, СССР Юғары Советы Президиумының 1966 йылдың 22 мартындағы указы менән, Әминева Флүрә Мирғәли ҡыҙына «Социалистик Хеҙмәт Геройы» исеме бирелә.

1968 йылдың ғинуарынан башлап 1-се һарыҡсылыҡ тауар фермаһы мөдире булып эшләй. 1972 йылдың октябренән ауырыу буйынса пенсияла. 1981 йылдың июленән 1-се тауар фермаһында кочегар булып эшләй. 1987 йылдың июленән — хаҡлы ялда.

Етенсе саҡырылыш Башҡорт АССР-ы Юғары Советы депутаты (1967—1971). III Бөтә союз колхозсылар съезы делегаты (1969).

Әлеге ваҡытта пенсияла, Башҡортостандың Яңауыл районында йәшәй.

Наградалары[үҙгәртергә | вики-тексты үҙгәртергә]

Әҙәбиәт[үҙгәртергә | вики-тексты үҙгәртергә]

  • Хеҙмәт геройҙары. / төҙөүсеһе. Р. А. Вәлишин [һ.б.]. — Өфө : Китап, 2011. — 432 б. : ил. -ISBN 978-5-295-05228-6.
  • Башҡорт энциклопедияһы. Баш мөхәррир Илһамов М. А. т. 1. рел. Ә-Б 2005. — С. 624; 5-88185-053 ISBN-X. фәнни. нәшриәт. Башҡорт энциклопедияһы, Өфө ҡалаһы.

Шулай уҡ ҡарағыҙ[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]