Әхмәтшин Рәлиф Фәйзел улы

Википедия — ирекле энциклопедия мәғлүмәте
Перейти к навигации Перейти к поиску
Әхмәтшин Рәлиф Фәйзел улы
Рәсем
Заты ир-ат
Тыуған көнө 24 ғинуар 1963({{padleft:1963|4|0}}-{{padleft:1|2|0}}-{{padleft:24|2|0}}) (57 йәш)
Һөнәр төрө рәссам
Уҡыу йорто Өфө дәүләт авиация техник университеты

Рәлиф Фәйзел улы Әхмәтшин (24 ғинуар 1963 йыл — Рәсәй, башҡорт рәссамы. РФ Рәссамдар союзы ағзаһы.

Биографияһы[үҙгәртергә | вики-тексты үҙгәртергә]

Рәлиф Фәйзел улы Әхмәтшин 1963 йылдың 24 ғинуарында Башҡорт АССР-ының Ҡариҙел районы Шамрат ауылында тыуа[1].

1970—1980 йылдарҙа Өфөнөң 26-сы урта мәктәбендә уҡый.

1980—1985 йылдарҙа — Өфө авиация институтында белем ала. Юғары уҡыу йортоноң икенсе курсында һынлы сәнғәт (графика) менән шөғөлләнә башлай. Институт тамамлағандан һуң, ике йыл армияла — Совет Армияһы Хәрби-Һауа көстәренең авиация полктарының береһендә РЭО төркөмөндә хеҙмәт итә.

1989 йылда Рәлиф Әхмәтшин Өфө сәнғәт училищеһы>ның художество бүлегенә уҡырға инә.

Өфө авиация институтын тамамлағандан һуң Башҡорт опера һәм балет театрында рәссам-биҙәүсе булып эшләй, бер үк ваҡытта Өфөнөң 2-се балалар сәнғәт мәктәбендә киске бүлектә шөғөлләнә.

Төрлө жанрҙа эҙләнеүҙәр һәм табыштарҙан һуң, һуңғы биш йылда пейзаж лирикаһына өҫтөнлөк бирә.

Әҫәрҙәре С. Т. Аксаков (Өфө) музейында, Италия, Рәсәй, Германия, АҠШ, Финляндия, Франция, Көньяҡ Корея, Японияның шәхси коллекционерҙарында һаҡлана.

Ижады[үҙгәртергә | вики-тексты үҙгәртергә]

Рәлиф Әхмәтшин. Иҫке Өфө

Рәлиф Фәйзел улы Әхмәтшин Башкортостан, Рәсәйҙең Ҡара диңгеҙ яр буйҙары пейзаждарын төшөрә. «Өфө урамдары», 2003 йыл; «Ялта», 2004 йыл; Ҡара диңгеҙҙә, 2006 йыл; «Ҡорам», 2008 йы; «Өфө ҡорамдары», 2008 йыл; «Йылға буйында», «Өфө пейзажы», «Тюлькин музейында», «Иҫке Өфө паркында», «Туҡай урамындағы мәсеттә», «Тирәкле ауылында ҡыш» 2010 йыл һ. б картиналар — уның ижады.

Күргәҙмәләре[үҙгәртергә | вики-тексты үҙгәртергә]

Һынлы сәнғәт оҫтаһының әҫәрҙәре 1990 йылдан республика һәм төбәк, Бөтә Рәсәй, 1991 йылдан — Бөтә Союз күргәҙмәләрендә ҡатнаша.

1998 йылда — Германияла (г. Любек), 1999 йылда АҠШ-та (Чаттануга) төркөм күргәҙмәһендә ҡатнаша.

2003 йылда «Аймаҡ» Өфө картиналар галереяһында, 2005 йылда Атлантала (АҠШ), 2010 йылда Бөтә Рәсәй пленэрында (Орск), 2011 йылда «Мираҫ» Өфө картиналар галереяһында, 2014 йылда — Өфөлә шәхси күргәҙмәләре үтә.

Ғаиләһе[үҙгәртергә | вики-тексты үҙгәртергә]

Ҡатыны Эльвира менән айырылышҡандар, 2009 йылғы ҡыҙы Софья бар.

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]