Яҡупов Фәрүәт Абдулла улы

Яҡупов Фәрүәт Абдулла улы
	Яҡупов Фәрүәт Абдулла улы
Зат	ир-ат
Гражданлыҡ	Рәсәй
Тыуған көнө	20 март 1958
Тыуған урыны	Ғафури районы, Башҡорт АССР-ы, РСФСР, СССР
Вафат булған көнө	1 декабрь 2008 (50 йәш)
Вафат булған урыны	Видное[d], Мәскәү өлкәһе, Рәсәй
Һөнәр төрө	оперуполномоченный, подполковник милиции
Маҡтаулы исемдәре һәм башҡа бүләктәре

Википедияла Яҡупов фамилиялы башҡа кешеләр тураһында мәҡәләләр бар.

Яҡупов Фәрүәт Абдулла улы (20 март 1958 йыл — 1 декабрь 2008 йыл) — Мәскәү өлкәһе Эске эштәр баш идаралығы тиҙ хәрәкәт итеүсе махсус отрядының (СОБР) мөһим эштәр буйынса өлкән оперуполномоченныйы, отставкалағы милиция подполковнигы, Рәсәй Федерацияһы Геройы (1995).

Биографияһы

Фәрүәт Абдулла улы Яҡупов 1958 йылдың 20 мартында Башҡорт АССР-ының Ғафури районы Бурлы ауылында тыуған. Урта мәктәпте тамамлай^[1].

1983 йылдың октябренән 1985 йылдың декабренә тиклем прапорщик Фәрүәт Яҡупов СССР Ҡораллы Көстәрендә Афғанстан Демократик Республикаһындағы совет ғәскәрҙәренең сикләнгән контингенты составында хеҙмәт итә.

1991 йылдың 4 сентябренән — эске эштәр органдарында хеҙмәт итә: милиционер, Мәскәү өлкәһе Эске эштәр баш идаралығы айырым тәғәйенләнеш милиция отрядының отделение командиры. 1993 йылдың ғинуарынан — Мәскәү яны тиҙ хәрәкәт итеүсе махсус отрядта оперуполномоченный вазифаһында, ә шул уҡ йылдың ноябренән — айырыуса мөһим эштәр буйынса өлкән оперуполномоченный. Күп тапҡырҙар Төньяҡ Кавказға эш буйынса командировкаларға сыға. Хәрби операцияларҙа ҡатнаша, шуларҙың береһе ваҡытында, 1995 йылдың ғинуар аҙағында, ҡамауға эләккән төркөмдөң китеүен ҡаплап, ауыр яралана.

Рәсәй Федерацияһы Президентының 1995 йылдың 25 авгусындағы указы менән, Төньяҡ-Кавказ төбәгендә ғүмере өсөн хәүеф менән бәйле шарттарыҙа хеҙмәт бурысын үтәгән ваҡытта күрһәткән батырлығы һәм ҡаһарманлығы өсөн, милиция өлкән лейтенанты Яҡупов Фәрүәт Абдулла улына «Рәсәй Федерацияһы Геройы» исеме бирелә һәм «Алтын Йондоҙ» миҙалы тапшырыла.

Ҡыйыу милиция офицеры Рәсәй эске эштәр министрлығы органдарында — ойошҡан енәйәтселеккә ҡаршы көрәш буйынса Мәскәү яны Төбәк идаралығының оператив-тактик әҙерлек үҙәгендә хеҙмәтен дауам итә. 2003 йылдан отставкала.

Мәскәү өлкәһенең Видное ҡалаһында йәшәй. Рәсәй Федерацияһы Президенты ҡарамағындағы Дәүләт хеҙмәте академияһын тамамлай.

Рәсәй Геройы, отставкалағы милиция подполковнигы Яҡупов Фәрүәт Абдулла улы 2008 йылдың 1 декабрендә Видное ҡалаһында оҙайлы ҡаты ауырыуҙан һуң 51-се йәшендә вафат була. 2008 йылдың 3 декабрендә ул Башҡортостанда, Ғафури районының Бурлы ауылында, хәрби хөрмәт менән ерләнә.

Маҡтаулы исемдәре һәм башҡа бүләктәре

Рәсәй Федерацияһы Геройы
Батырлыҡ ордены
«Шәхси батырлыҡ өсөн» ордены
«Батырлыҡ өсөн» миҙалы
«Хәрби хеҙмәттәре өсөн» миҙалы
«Алтын Йондоҙ» миҙалы

Хәтер

2020 йылдың 23 февралендә Бурлы ауылында Фәрүәт Яҡуповҡа бюст ҡуйылды^[2].

Иҫкәрмәләр

↑ Якупов Фарват Абдуллович (билдәһеҙ). Герои страны. Дата обращения: 4 июль 2010. Архивировано 1 май 2012 года.
↑ Рәсәй Геройына дан! «Йәшлек» гәзите сайты, 2020, 23 февраль 2020 йыл 24 февраль архивланған. (Тикшерелеү көнө: 24 февраль 2020)

Әҙәбиәт

Герои нашего времени (О Героях России — уроженцах и жителях Республики Башкортостан) / авт.-сост. Е. А. Смирнов. — Уфа : Китап, 2016. — 327 с. : илл. ISBN 978-5-295-06554-5.
Нияз Сәлимов. Бурлының батыр улы. «Башҡортостан» гәзите, 2013, 5 апрель 2013 йыл 30 май архивланған. (Тикшерелеү көнө: 7 март 2019)

Һылтанмалар

Яҡупов Фәрүәт Абдулла улы (билдәһеҙ). «Герои страны» сайты.
Яҡупов Фәрүәт Абдулла улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.

[warheroes-1] Якупов Фарват Абдуллович (билдәһеҙ). Герои страны. Дата обращения: 4 июль 2010. Архивировано 1 май 2012 года.

[2] Рәсәй Геройына дан! «Йәшлек» гәзите сайты, 2020, 23 февраль 2020 йыл 24 февраль архивланған. (Тикшерелеү көнө: 24 февраль 2020)

[1]

[2]