Абакумов Алексей Алексеевич
| Абакумов Алексей Алексеевич | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 20 сентябрь 1946 |
| Тыуған урыны | Ишембай, Башҡорт АССР-ы, РСФСР, СССР |
| Вафат булған көнө | 14 ноябрь 2021 (75 йәш) |
| Туған тел | урыҫ теле |
| Һөнәр төрө | ғалим |
| Эш урыны |
«МИФИ» Милли тикшеренеү ядро университетының Обнинск атом энергетикаһы институты[d] ӨДНТУ Газпром Нефтехим Салауат Ишембай нефть колледжы Өфө дәүләт нефть техник университетының Салауат филиалы |
| Уҡыу йорто | Томск дәүләт идара итеү системалары һәм радиоэлектроника университеты |
| Ғилми дәрәжә | техник фәндәр докторы[d] |
Абакумов Алексей Алексеевич (20 сентябрь 1946 йыл) — СССР һәм Рәсәй ғалимы, инженер-радиоэлектроник. 1972 йылдан Өфө нефть институты уҡытыусыһы, шул иҫәптән 1986 йылдан электротехника кафедраһы мөдире; 1987 йылдан хәҙерге МИФИ Ядро милли тикшеренеү университеты филиалы — Обнинск атом энергетикаһы институтының электротехника һәм электроника кафедраһы мөдире, бер үк ваҡытта 1999 йылдан Интроско үткәргес торбаларҙы диагностикалау үҙәгенең (Обнинск) генераль директоры. Рәсәй Федерацияһы Электротехник фәндәр академияһының мөхбир ағзаһы (2000) һәм ағза-корреспонденты (1995), техник фәндәр докторы (1985), профессор (1987). Рәсәй Федерацияһыының почётлы юғары һөнәри белем биреү хеҙмәткәре (2013).
Донъя һәм Рәсәй практикаһында тәүге тапҡыр газ-нефть үткәргестәрҙе һәм башҡа эре габаритлы ҡорамалдарҙы магнитлы интроскоп ҡулланыуға нигеҙләнгән диагностикалау ысулдарын тәҡдим итә. 1982 йылда матрицалы феррозондлы үҙгәрткес менән магнитлы интроскоптың тәүге тәжрибә өлгөһөн эшләгән. Магнитлы интроскопты шурфтарҙа, газ-нефть үткәргестәрҙең изоляция ҡатламын боҙмайынса өҙлөкһөҙлөк етешһеҙлектәрен диагностикалауҙа һәм торба эсе тикшереү ҡорамалдарының эҙләү системаларында файҙаланыу мөмкинлеген нигеҙләй.
Биографияһы
[үҙгәртергә | сығанаҡты үҙгәртеү]Алексей Алексееевич Абакумов 1946 йылдың 20 сентябрендә Башҡорт АССР-ының Ишембай ҡалаһында тыуған[1].
- Ишембайҙың 1-се мәктәбен тамамлай (1963)[2];
- Томск радиоэлектроника һәм электрон техника институтын тамамлай (1969);
- Мәскәү автомеханик институт аспирантураһы (1975).
1967 йылда Салауат нефть химияһы комбинатында эшләй башлай[3]. 1968 йылда «Башнефть» производство берекмәһенең «Ишембайнефть» нефть-газ табыу идаралығына, тәрәндәге насослы штангаларҙы магнитлы диагностикалау буйынса инженер вазифаһына эшкә алына. 1969 йылдан алып Ишембай нефть техникумында уҡыта, 1971—1987 йылдарҙа Өфө нефть институтының электротехника кафедраһында уҡытыусы булып эшләй, 1986 йылдан ошо кафедра мөдире, бер үк ваҡытта 1972 йылдан Өфө нефть институтының Салауат филиалында электротехника кафедраһы мөдире.
1987 йылдан алып «МИФИ» ядро милли тикшеренеү университеты филиалы — Обнинск атом энергетикаһы институтының электротехника һәм электроника кафедраһы мөдире, бер үк ваҡытта 1999 йылдан башлап «Интроско» (Обнинск ҡалаһы) Үткәргес торбаларҙы диагностикалау үҙәгенең генераль директоры.
Фәнни эшмәкәрлеге
[үҙгәртергә | сығанаҡты үҙгәртеү]СССР-ҙа беренсе булып эре габаритлы газ-нефть ҡорамалдарын, шул иҫәптән газ-нефть үткәргесәрҙе лә (1970 йыл), магнитлы интроскоптар ярҙамында диагностикалау ысулдарын тәҡдим итә. Өҙлөкһөҙлөк дефектынан таралған магнит ҡырын визуалләштереү өсөн матрицалы үҙгәрткес, дефекттар һүрәтен эшкәртеү, уларҙың геометрик үлсәмдәрен: оҙонлоғон, киңлеген һәм тәрәнлеген үлсәү өсөн телевизион-иҫәпләү ысулдары һәм саралары уйлап тапҡан.
170 ғилми хеҙмәт авторы, шул иҫәптән 7 китап һәм магнит диагностикаһы өлкәһендә 94 уйлап табыуға авторлыҡ таныҡлығы һәм патенты.
Ҡайһы бер хеҙмәттәре
- Газ-нефть үткәргестәрҙе магнит диагностикалау М., 2001 (авторҙаш).
- Ер аҫты үткәргес торбалар магнитоскопияһы барлыҡҡа килеүе: иҫтәлектәр. М., 2005.
Әҙәбиәт
[үҙгәртергә | сығанаҡты үҙгәртеү]- АБАКУМОВ Алексей Алексеевич// Ишембай энциклопедияһы. Өфө: Башҡорт энциклопедияһы, 2015, С. 51.
- Абакумов Алексей Алексеевич//Ғилми фекер. Ишембайҙа тыуған : Йыйынтыҡ /төҙөүсе Вәхитов Г.- Ишембай: МБУК ЦБС ИКБ, 2014.-44с. С. 4-5.
Ғаиләһе
[үҙгәртергә | сығанаҡты үҙгәртеү]Өйләнгән, улы, ҡыҙы, ейәне бар. Улы — Алексей[4], Обнинск атом энергетикаһы институтының компьютер системалары, технологиялары һәм селтәрҙәре кафедраһы уҡытыусыһы.
Һылтанмалар
[үҙгәртергә | сығанаҡты үҙгәртеү]- Абакумов Алексей Алексеевич 2011 йыл 27 февраль архивланған. Рәсәй Фдерацияһы электротехник фәндәр академияһы сайтында
Иҫкәрмәләр
[үҙгәртергә | сығанаҡты үҙгәртеү]- ↑ Абакумов Алексей Алексеевич 2011 йыл 27 февраль архивланған.
- ↑ Ишимбайская гимназия № 1// Ишимбайская энциклопедия. Уфа: Башкирская энциклопедия, 2015, С.248.
- ↑ Башкирская энциклопедия: в 7 томах. Т.7. Уфа, 2011. 485.С.
- ↑ Алексей Алексеевич Абакумов (младший)