Армашова Анна Фёдоровна

Википедия — ирекле энциклопедия мәғлүмәте
Армашова Анна Фёдоровна
Зат ҡатын-ҡыҙ
Гражданлыҡ  Рәсәй империяһы
 СССР
Тыуған көнө 3 февраль 1910({{padleft:1910|4|0}}-{{padleft:2|2|0}}-{{padleft:3|2|0}})
Тыуған урыны Марьяновка[d], Витязевская волость[d], Елисаветградский уезд[d], Херсон губернаһы[d], Рәсәй империяһы
Вафат булған көнө 9 август 1981({{padleft:1981|4|0}}-{{padleft:8|2|0}}-{{padleft:9|2|0}}) (71 йәш)
Вафат булған урыны Кривой Рог[d], Днепропетровск өлкәһе, Украина Совет Социалистик Республикаһы, СССР
Һөнәр төрө строитель
Маҡтаулы исемдәре һәм башҡа бүләктәре
Социалистик Хеҙмәт Геройы Ленин ордены

Армашова Анна Федоровна (3 февраль 1901 йыл9 август 1981 йыл) — СССР-ҙың төҙөлөш алдынғыһы, комсомол-йәштәр бетонсылары бригадаһы бригадиры, Социалистик Хеҙмәт Геройы (1960).

Биографияһы[үҙгәртергә | сығанаҡты үҙгәртеү]

Анна Федоровна Армашова 1910 йылдың 3 февралендә[1] Марьяновка ауылында (хәҙер — Кировоград өлкәһе, Бобринецкий районы) тыуған. Тамамланмаған урта белемле.

Хеҙмәт биографияһын тыуған ауылында башлай, ауыл хужалығында эшләй. Профессиональ техник белем ала, бетонсыларҙың ҡыҫҡа әҙерлек курстарын тамамлай. 1931 йылда комсомол юлламаһы буйынса Кривой Рог металлургия комбинаты төҙөлөшөнә ебәрелә. 1932 йылдан Кривой Рогта эшләй. Йөк ташыусы, мотористка, бетонсы, «Криворожстрой» тресында бригадир булып эшләй. 1930 йылдарҙан активист-комсомолка һәм стахановсы. 1947—1965 йылдарҙа — бетонсы комсомол-йәштәр бригадаһы бригадиры. «Криворожсталь» заводын тергеҙеүҙә әүҙем ҡатнаша. Анна Федоровна бригадаһы бер транспорт менән бетон биреүҙең рекордын ҡуя — бер сменала 100 м³. Бригаданың төп объекттары араһында — прокат станы 250, конвертер цехы, аглофабрика. Криворожсталдә 34 йылдан ашыу эшләй.

Анна Федоровна Кривой Рог ҡала Советы депутаты, ауылдың халыҡ заседателе итеп һайлана. Ҡатын-ҡыҙҙарҙың Бөтә донъя конгресында ҡатнаша. 1965 йылда пенсияға сыға. 1968 йылда ВЛКСМ-дың 50-йыллығы хөрмәтенә Украина йәштәренә мөрәжәғәткә ҡул ҡуя.

Кривой Рог ҡалаһында 1981 йылдың 9 авгусында вафат була.

Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]

  • 1960: Социалистик Хеҙмәт Геройы — СССР Юғары Советы Президиумының 1960 йылдың 7 мартындағы Указы менән Халыҡ-ара ҡатын-ҡыҙҙар көнөнөң 50 йыллығы айҡанлы һәм хеҙмәт ҡаҙаныштары һәм айырыуса емешле йәмәғәт эшмәкәрлеге өсөн Анна Федоровна Армашоваға Ленин ордены һәм «Ураҡ һәм Сүкеш» миҙалы тапшырыу менән;
  • 1965: Союз кимәлендәге персональ пенсионер;
  • миҙалдар.

Хәтер[үҙгәртергә | сығанаҡты үҙгәртеү]

  • Кривой Рогта Циолковский урамының ул йәшәгән 12 -се йортона иҫтәлекле таҡта ҡуйылған[2].
  • Криворог тарихи-крайҙы өйрәнеү музейында 1963 йылда скульптор Александр Васякин эшләгән Анна Армашованың гипстан портреты урынлашҡан[3].
  • Кривой Рог ҡалаһында Батырҙар Стелаһында уның исеме яҙылған

Иҫкәрмәләр[үҙгәртергә | сығанаҡты үҙгәртеү]

  1. По другим данным 16 марта 1910 года. См.: Статья=Армашова Анна Фёдоровна|Том=1|Страницы=72
  2. О работе Ассоциации за период с 23.10.2009 г. по 28.10.2011 г. 2016 йыл 4 март архивланған.
  3. Художники народов СССР [Текст]: биобиблиографический словарь: в 6 т. — М.: Искусство, 1970. — Т. 2: Бойченко—Геонджиан / Академия художеств СССР, НИИ теории и истории изобраз. искусств; гл. сост. О. Э. Вольценбург. — М.: Искусство, 1972. — 439 с. — С. 206.

Сығанаҡтар[үҙгәртергә | сығанаҡты үҙгәртеү]

Һылтанмалар[үҙгәртергә | сығанаҡты үҙгәртеү]