Ауыл

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Яхъя ауылы урамы. С. М. Прокудин-Горский фотоһүрәте, 1910 йыл.

Ауыл — Рәсәй, Украина, Ҡаҙағстан, Молдавия, Болгария һ. б. торама пункттарының бер төрө.

Даими ауылдарҙың барлыҡҡа килеүенә күсмә тормоштан ултыраҡ тормошҡа күсеү булышлыҡ итә. Ауылдар башлыса йылға йәки күл буйҙарында, тау итәктәрендә урынлашҡан. Башҡортостанда тәүге ауылдар ырыу-ҡәбилә ағзалары тарафынан нигеҙләнгән, ҙур ауылдар улустарҙың административ-иҡтисади үҙәк булып китә. XVII—XVIII быуаттарҙа башҡорт ихтилалдарын баҫтырыу барышында күп кенә ауылдар яндырылған[1].

Ауылдарҙа халыҡ һаны арта барыу менән уларҙа яңы урамдар, ә ҡайһы саҡта бүлендек ауылдар һәм утарҙар барлыҡҡа килгән. Һуңғыларына тәүге төпләнеүсенең исеме менән йәки төп ауылдың атамаһына «Яңы», «Үрге», «Түбәнге», «Урта» һ. б. өҫтәлмәләр ҡушып аталған. Күп кенә ауылдар рәсми атаманан башҡа исем йөрөтә.

1843 йылда Ырымбур губернаһы хакимиәте тарафынан ауылдарҙы үҙгәртеү планы ҡабул ителә, уға ярашлы ауылдарҙың урамдары төҙөк булырға, йорт-ҡаралтылар билдәле бер тәртиптә урынлашырға тейеш булған. ХХ быуат башында ҙур ауылдар кантон, район, ауыл советы үҙәктәренә әүерелә. Ҡайһылары (Дәүләкән, Дүртөйлө, Яңауыл һ. б.) ҡалаға тиклем үҫешә[1].

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]