Башҡортостан сода компанияһы

Википедия — ирекле энциклопедия мәғлүмәте
Перейти к навигации Перейти к поиску

Төйөн табылған ҡалыптар: Ҡалып:Карточка компании

«Башҡортостан сода компанияһы» асыҡ акционерҙар йәмғиәте, БСК — кальцийлы, каустик һәм аш содаһы, ПВХ, кабелле пластикат етештереү менән шѳғѳлләнгән Рәсәй предприятиеһы. Ул трефталоилхлорид, рутений-иридиев менән ҡапланған анод, катион полиэлектролит флокулятын берҙән-бер сығарыусы. Стәрлетамаҡ ҡалаһында урынлашҡан, «Сода» һәм «Каустик» производстволарынан тора. Шулай уҡ компания составына Березники ҡалаһындағы «Березники сода заводы» акционер йәмғиәте лә инә.

Компания юридик нигеҙҙә 2013 йылда «Каустик» һәм «Сода» асыҡ акционерҙар йәмғиәттәрен берләштереү һөҙөмтәһендә барлыҡҡа килә[1]. «Башҡортостан химияһы» холдингына инә.

Тарихы[үҙгәртергә | вики-тексты үҙгәртергә]

«Сода» етештереү[үҙгәртергә | вики-тексты үҙгәртергә]

Кулинарияла ҡулланылған
аш содаһы

Үткән быуаттың 30-сы йылдарында, илдә ҙур тѳҙѳлѳш барған осорҙа, кальцийлы содаға һәм цементҡа ҡытлыҡ тыуа. Завод урынлаштырыу ѳсѳн бер нисә тѳбәк тикшерелә һәм иң перспективалыһы булараҡ, Башҡортостан һайлап алына. 1936 йылда геолог—эҙләнеүселәр Стәрлетамаҡ янындағы Шихан тауҙарының цемент һәм сода етештереүгә сеймал булған ҙур эзбиз ятҡылығына эйә булыуын асыҡлай. Шул уҡ ваҡытта, Ишембай ҡалаһы янында нефть яҡылығын тикшергән ваҡытта, сода етештереүҙә кәрәк булған мѳһим компонент — таш тоҙо ятҡылығы ла табыла. Ағиҙел йылғаһының яҡын булыуы Стәрлетамаҡ ҡалаһында сәнәғәт предприятиеһы тѳҙѳлѳшѳ башлауға уңайлы шарттар тыуҙыра.

Стәрлетамаҡ сода заводына тѳҙѳлѳш майҙаны 1939 йылда һайлана һәм 1941 йылда бында эш башлана. Украинаның Славян һәм Донецк сода заводтарынан эвакуацияланған ҡорамалдар килтерелә. Предприятие тѳҙѳлѳшѳ ҡырыҫ һуғыш осоронда алып барыла. 1945 йылдың мартында каустик соданың тәүге партияһын алалар, шулай итеп, предприятиеның хеҙмәт биографияһы башлана. 1945 йылда хѳкүмәт тарафынан илдә кальцийлы һәм каустик сода етештереүҙе арттырырға тигән ҡарар ҡабул ителә. Алты йылдан һуң тәүге цехтарҙы тѳҙѳү һәм ҡорамалдарҙы монтажлау тамамлана. 1951 йылдың 10 ноябрендә Стәрлетамаҡ сода заводы даими рәүештә кальцийлы сода етештерә башлай[2]. Бер үк ваҡытта тиерлек, 1946 йылда, цемент заводын тѳҙѳү ҙә башлана. 1952 йылдың апрелендә тәүге цемент етештерелә.

Заводтарҙың ѳсѳһѳ лә (сода, цемент, шифер) уртаҡ сеймал базаһына эйә, берҙәм электр энергияһы системаһы менән тәьмин итеү, һыу һәм пар менән бәйле. 1957 йылдың 1 июлендә ошо производстволар базаһында сода-цемент комбинаты булдырыла. 50-се йылдар башынан бѳгѳнгѳ кѳнгә тиклем ул Сәтрлетмаҡтағы иң эре производство булып һанала.

60-сы йылдарҙа заводта таҙартылған биокарбонат натрийы (аш содаһы), аҡ ҡором етештереү буйынса цехтар тѳҙѳлә. 70-се йылдарҙа кальцийлы сода етештерү буйынса ѳсѳнсѳ цех асыла. Илдәге тәүге ауыр сода, тѳҙѳлѳш гипсы, барий, ауыл хужалығы ѳсѳн эзбиз оно етешетереү цехтары файҙаланыуға тапшырыла.

1975 йылдың апрелендә Стәрлетемаҡ сода-цемент комбинаты «Cода» етештереү берекмәһе тип үҙгәртелә. 80-90-сы йылдарҙа синтетик йыуыу саралары, стена блоктары, углекислоталы аҡ ҡором цехтары тѳҙѳлә. 1994 йылдың декабрендә Стәрлетамаҡ ҡала хакимиәте башлығы ҡарары менән «Сода» етешетереү берекмәһенең хоҡуҡ вариҫы булған «Сода» асыҡ акцонерҙар йәмғиәте теркәлә. 2008 йылдың 1 июлендә предприятие яңынан үҙгәртеп ҡорола һәм «Тѳҙѳлѳш материалдары» ябыҡ акционерҙар йәмғиәте һәм «Сеймал компанияһы» ябыҡ акционер йәмғиәте тип йѳрѳтѳлә бшлай.

Предприятие тураһында[үҙгәртергә | вики-тексты үҙгәртергә]

  • 13 марта 1945 года Стерлитамакский содовый завод выдал первые тонны продукции. «Башинформ» мәғлүмәт агентлығы, 2017, 13 март[3].
  • Башкирская содовая компания обновила подвижной состав. «Башинформ» мәғлүмәт агентлығы, 2017, 9 март[4].
  • Крупнейшему в России производству кальцинированной соды исполняется 65 лет. «Башинформ» мәғлүмәт агентлығы, 2016, 10 ноябрь[2].

Ҡаҙаныштары[үҙгәртергә | вики-тексты үҙгәртергә]

2017 йыл[үҙгәртергә | вики-тексты үҙгәртергә]

  • «Эксперт» аналитика үҙәге мәғлүмәттәре күрһәтеүенсә, Башҡортостан сода компанияһы 2016 йыл йомғаҡтары буйынса Урал һәм Көнбайыш Себерҙең үҙ продукцияһын сит илгә сығарыусы 100 иң эре экспортёр предприятие исемлегендә 21 урынды биләй. Бынан тыш БСК иң әүҙем үҫешеүсе 20 компания араһында[5].
  • Апрель айында Башҡортостан сода компанияһы «Предприятиеның иң яҡшы имиджы» («Лучший имидж предприятия») конкурсының еңеүсеһе булды. «Башинформ» мәғлүмәт агентлығы, 2017, 21 апрель[6].
  • Гран-при конкурса «Работница-2017» у Башкирской содовой компании. «Башинформ» мәғлүмәт агентлығы, 2017, 14 март[7].
  • БСК үҙ продукцияһын Мәскәүҙә 20-се тапҡыр ойошторолған һәм 35 илдән 800-ҙән артыҡ компания ҡатнашҡан махсуслаштырылған пластмасса һәм каучук күргәҙмәһе «Интерпластика — 2017»лә күрһәтте[8].

2016 йыл[үҙгәртергә | вики-тексты үҙгәртергә]

  • 2016 йыл йомғаҡтары буйынса, Башҡортостан сода компанияһы үҙенең төп продукцияларын етештереүҙе арттырыуға өлгәште[9].
  • Башҡортостан сода компанияһының 2016 йылда 36-сы тапҡыр үткәрелгән «Национальная Слава» исемле Халыҡ-ара күргәҙмәлә һәм «Всероссийская Марка (III тысячелетие). Знак качества XXI века» конкурсында ҡатнашты. Һөҙөмтәлә БСК-ның өс төр продукцияһы (урыҫса: «Натр едкий технический марки РД», «Кислота соляная. Реактивы», «Сода кальцинированная техническая марок А и Б») Платина Сифат билдәһенә (Платиновый Знак качества) һәм ике төр продукцияһы (урыҫса: "Поливинилхлорид суспензионный марки ПВХ-С-5868ПЖ и «Пищевая добавка. Гидрокарбонат натрия Е500(ii)») — Алтын Сифат билдәһенә (Золотой Знак качества) лайыҡ булды[10].
  • Башҡортостан сода компанияһы Рәсәйҙең һәм Бойондороҡһоҙ Дәүләттәр Берләшмәһе илдәренең 42 төбәгендә эшләгән 300-гә яҡын компания һәм предприятие араһында «Приоритет-2016» милли премияһының «Приоритет-Химпром» номинацияһы буйынса лауреат тип танылды[11].
  • «Рәсәйҙең 100 яҡшы тауары» Бөтә Рәсәй конкурсында ПВХ — лауреат, ТР маркалы техник әсе натр, А һәм Б маркалы кальцийланған сода, шулай уҡ аш содаһы дипломант булды[12].
Стерлитамак1.jpg
Стерлитамак2.jpg
Стерлитамак3.jpg
Башҡортостан сода компанияһы

Иҫкәрмәләр[үҙгәртергә | вики-тексты үҙгәртергә]

  1. Компания сегодня. Официальный сайт ОАО «Башкирская содовая компания». 8 октябрь 2014 тикшерелгән.
  2. 2,0 2,1 Крупнейшему в России производству кальцинированной соды исполняется 65 лет. Bashinform logo-e1423154856921.jpg, 2016, 10 ноябрь (рус.) (Тикшерелгән 10 ноябрь 2016)
  3. 13 марта 1945 года Стерлитамакский содовый завод выдал первые тонны продукции. Bashinform logo-e1423154856921.jpg, 2017, 13 март (рус.) (Тикшерелгән 15 март 2017)
  4. Башкирская содовая компания обновила подвижной состав. Bashinform logo-e1423154856921.jpg, 2017, 9 март (рус.) (Тикшерелгән 15 март 2017)
  5. Башкирская содовая компания вошла в рейтинг крупнейших экспортеров. «Башинформ» мәғлүмәт агентлығы, 2017, 11 май (рус.) (Тикшерелгән 11 май 2017)
  6. Башкирская содовая компания стала победителем конкурса «Лучший имидж предприятия». Bashinform logo-e1423154856921.jpg, 2017, 21 апрель (рус.) (Тикшерелгән 21 апрель 2017)
  7. Гран-при конкурса «Работница-2017» у Башкирской содовой компании. Bashinform logo-e1423154856921.jpg, 2017, 14 март (рус.) (Тикшерелгән 15 март 2017)
  8. Башкирская содовая компания - участница международной выставки «Интерпластика- 2017» Bashinform logo-e1423154856921.jpg, 2017, 27 ғинуар (рус.) (Тикшерелгән 27 ғинуар 2017)
  9. Bashinform logo-e1423154856921.jpg, 2017, 20 ғинуар (рус.) (Тикшерелгән 20 ғинуар 2017)
  10. Bashinform logo-e1423154856921.jpg, 2016, 23 декабрь (рус.) (Тикшерелгән 24 декабрь 2016)
  11. Башкирская содовая компания — лауреат национальной премии «Приоритет-2016» Bashinform logo-e1423154856921.jpg, 2016, 11 ноябрь (рус.) (Тикшерелгән 11 ноябрь 2016)
  12. Продукция Башкирской содовой компании в числе лауреатов конкурса «100 лучших товаров России» Bashinform logo-e1423154856921.jpg, 2016, 11 ноябрь (рус.) (Тикшерелгән 11 ноябрь 2016)

Һылтанмалар[үҙгәртергә | вики-тексты үҙгәртергә]