Бельченко Евгения Ивановна

Википедия — ирекле энциклопедия мәғлүмәте
Перейти к навигации Перейти к поиску
Бельченко Евгения Ивановна
Заты ҡатын-ҡыҙ
Гражданлығы Flag of the Soviet Union.svg СССР
Flag of Latvia.svg Латвия
Тыуған көнө 2 апрель 1928({{padleft:1928|4|0}}-{{padleft:4|2|0}}-{{padleft:2|2|0}}) (92 йәш)
Тыуған урыны СССР, РСФСР, Ленинград өлкәһе, Псков
Маҡтаулы исемдәре һәм башҡа бүләктәре
Ленин ордены Социалистик Хеҙмәт Геройы

Бельченко Евгения Ивановна (латыш. Jevģēnija Beļčenko; тыуған 2 апрель 1928, Псков, Ленинград өлкәһе) — почетлы тимер юлсы, Социалистик Хеҙмәт Геройы (1966).

Биографияһы[үҙгәртергә | вики-тексты үҙгәртергә]

1928 йылда Псков ҡалаһында эшсе ғаиләһендә тыуған. Урыҫ.

Бөйөк Ватан һуғышы башланыу менән Евгенияның ғаиләһе эвакуацияланып өлгөрмәй һәм оккупацияға эләгә. Партизандар менән бәйләнеше өсөн Евгения һәм уның атаһы ҡулға алына, әммә бер айҙан Евгенияны ебәрәләр. 1944 йылдың мартында Евгения Германияға эшкә ебәрелә, әммә Латвия территорияһында, Даугавпилста, ул ҡасып өлгөрә.

Ҡаланы немец ғәскәрҙәренән азат иткәндән һуң Евгения станция буйынса дежурный ярҙамсыһы булып эшләй башлай. Лиепая ҡалаһында курс тамамлағандан һуң Латыш (1963 йылдан — Балтик буйы) тимер юлының Даугавпилсский бүлегенә ҡайта, унда оператор, станция буйынса дежур, поезд диспетчеры, хәрәкәт бүлеге начальнигы урынбаҫары булып эшләй.

Ете йыллыҡ план заданиеһын үтәүҙә өлгәшкән ҙур уңыштары, ауыр йөклө поездарҙы комплектлауҙа һәм йөк ташыуҙы ойоштороуҙа рационализаторлыҡ ысулдары индергәне өсөн, СССР Юғары Советы Президиумының 1966 йылдың 4 авгусындағы указы менән Бельченко Евгения Ивановнаға Социалистик Хеҙмәт Геройы исеме бирелә һәм Ленин ордены менән ««Ураҡ һәм Сүкеш»» алтын миҙалы тапшырыла (№ 12418).

Хаҡлы ялға сыҡҡандан һуң (1987) Даугавпилста йәшәй[1]. Даугавпилс ҡала Советы депутаты, ҡала ҡатын-ҡыҙҙар советы рәйесе итеп һайлана, үҫеп килгән быуынды патриотик тәрбиәләү менән шөғөлләнә.

2005 йылдың 9 июнендә, Даугавпилстың 730-йыллығын байрам итеү сиктәрендә, ҡала думаһының 241-се ҡарары менән ҡаланың почетлы гражданы исеменә лайыҡ була[2].

Почетлы исемдәре һәм бүләктәре[үҙгәртергә | вики-тексты үҙгәртергә]

- Социалистик Хеҙмәт Геройы (1966)

- Ленин ордены (1966)

- 2-се дәрәжә Ватан һуғышы ордены (1985)

- «Хеҙмәт батырлығы өсөн» миҙалы (1960)

- «Почетлы тимер юлсы» тамғаһы

Иҫкәрмәләр[үҙгәртергә | вики-тексты үҙгәртергә]

  1. Goda daugavpiliete Jevģēnija Beļčenko svin 90 gadu jubileju (Евгения Бельченко отмечает 90-летний юбилей) (латыш.)
  2. Par Goda daugavpilieša titula piešķiršanu (О присвоении звания «Почётный даугавпилчанин») (латыш.)

Һылтанмалар[үҙгәртергә | вики-тексты үҙгәртергә]