Бикбаев Йәүҙәт Мансур улы
| Бикбаев Йәүҙәт Мансур улы | |
| Зат | ир-ат |
|---|---|
| Гражданлыҡ |
 СССР |
| Тыуған көнө | 25 ноябрь 1926 |
| Тыуған урыны |
Стәрлетамаҡ кантоны, Башҡорт АССР-ы, РСФСР, СССР Собханғол, Өршәк ауыл Советы (Ауырғазы районы), Ауырғазы районы, СССР |
| Вафат булған көнө | 7 сентябрь 1995 (68 йәш) |
| Һөнәр төрө | инженер-механик, юғары мәктәп уҡытыусыһы |
| Эш урыны | Өфө дәүләт иҡтисад һәм сервис университеты |
| Уҡыу йорто | Өфө дәүләт авиация техник университеты |
| Ғилми исеме | профессор[d] |
| Ғилми дәрәжә | техник фәндәр докторы[d] |
Бикбаев Йәүҙәт Мансур улы (25 ноябрь 1926 йыл—7 сентябрь 1995 йыл) — инженер-механик. Техник фәндәре кандидаты (1970), профессор (1993). БАССР‑ҙың атҡаҙанған фән һәм техника эшмәкәре (1978), юғары мәктәп уҡытыусыһы.
Биографияһы
[үҙгәртергә | сығанаҡты үҙгәртеү]Йәүҙәт Мансур улы Бикбаев 1926 йылдың 25 ноябрендә Башҡорт АССР-ының Стәрлетамаҡ кантоны (хәҙер Башҡортостан Республикаһының Ауырғазы районы) Собханғол ауылында тыуа[1].
1949 йылда Өфө авиация институтын (хәҙер Өфө дәүләт авиация техник университеты) тамамлай[2]
1953 йылдан алып Өфө авиация техникумында уҡытыусы, 1958—1960 йылдарҙа Өфө электромеханика техникумы директоры урынбаҫары булып эшләй[2]
1971 йылдан Өфө авиация институтында эшләй: 1973 йылдан — киске һәм ситтән тороп уҡыу буйынса проректор. 1979 йылдан башлап Мәскәү технология институтының Өфө филиалында (2002 йылдан Өфө дәүләт сервис институты): филиал директоры вазифаһында була. Чернышевский урамында институттың яңы уҡыу-лаборатория корпусы күбеһенсә техник фәндәр кандидаты, доцент Йәүҙәт Мансур улы Бикбаевтың тырышлығына күрә төҙөлә[3]. Бер үк ваҡытта көнкүреш машиналары һәм аппараттары кафедраһы мөдире вазифаһын башҡара, 1985 йылдан алып машиналар эшләү технологияһы кафедраһы мөдире[1]. Тап ошо ваҡытта Мәскәү технология институтының Өфө филиалына Өфө авиация институтының бик күп уҡытыусылары эшкә күсә[3]
Бикбаев Йәүҙәт Мансур улы 1995 йылдың 7 сентябрендә Өфөлә вафат була.
Фәнни эшмәкәрлеге
[үҙгәртергә | сығанаҡты үҙгәртеү]Фәнни хеҙмәттәре электрохимик аныҡ эшкәртеү, синтетик алмасты ҡулланыу һәм уның ярҙамында ҡырҡыусы инструменттарҙы үткерләү проблемаларына арналған. 20‑гә яҡын фәнни хеҙмәт авторы.(83437)
Маҡтаулы исемдәре һәм башҡа бүләктәре
[үҙгәртергә | сығанаҡты үҙгәртеү]- Башҡорт АССР-ының атҡаҙанған фән һәм техника эшмәкәре (1986).
Иҫкәрмәләр
[үҙгәртергә | сығанаҡты үҙгәртеү]- ↑ 1,0 1,1 Бикбаев Йәүҙәт Мансур улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- ↑ 2,0 2,1 Бикбаев Явдат Мансурович(недоступная ссылка)
- ↑ 3,0 3,1 В УГАТУ готовятся документы для слияния с УГУЭС
Сығанаҡтар
[үҙгәртергә | сығанаҡты үҙгәртеү]- Бикбаев Йәүҙәт Мансур улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- 25 ноябрҙә тыуғандар
- 1926 йылда тыуғандар
- СССР-ҙа тыуғандар
- Ауырғазы районында тыуғандар
- 7 сентябрҙә вафат булғандар
- 1995 йылда вафат булғандар
- Өфө дәүләт авиация техник университетын тамамлаусылар
- Юғары уҡыу йорттары уҡытыусылары
- Техник фәндәр кандидаттары
- Башҡорт АССР-ының атҡаҙанған фән һәм техника эшмәкәрҙәре
- Профессорҙар
- Алфавит буйынса шәхестәр