Борисова Вера Никифоровна

Борисова Вера Никифоровна
	Борисова Вера Никифоровна
Зат	ҡатын-ҡыҙ
Гражданлыҡ	СССР; Украина
Тыуған көнө	5 апрель 1938
Тыуған урыны	Орловка[d], Приморский район[d], Запорожье өлкәһе, Украина Совет Социалистик Республикаһы, СССР
Вафат булған көнө	23 март 2008 (69 йәш)
Вафат булған урыны	Феодосия, Ҡырым Автономиялы Республикаһы, Украина
Һөнәр төрө	технолог
Маҡтаулы исемдәре һәм башҡа бүләктәре

Борисова Вера Никифоровна (5 апрель 1938 йыл — 23 март 2008) — совет еңел сәнәғәте алдынғыһы, Украина ССР-ының еңел сәнәғәт министрлығына ҡараған Совет Украинаһының 60 йыллығы исемендәге Феодосия ойоҡ фабрикаһының бәйләүсеһе, Хеҙмәт Даны орденының тулы кавалеры (1988).

Биографияһы

Борисова Вера Никифоровна Украина ССР-ы Запорожье өлкәһе Приморье районының Орловка ауылында 1938 йылда тыуған. Мәктәпте тамамлағандан һуң, Феодосия ҡалаһына күсә. Борисова Вера Никифоровна ойоҡ фабрикаһында эшләй башлай. Ике йыллыҡ фабрика-завод мәктәбе тамамлап, ул фабрикала ойоҡ бәйләүсе булып эшләй башлай. Тиҙҙән алдынғы етештереүселәр иҫәбенә инә, бер үк ваҡытта бер нисә станокта эшләй. Борисова Вера Никифоровна йәш белгестәрҙең әүҙем ярҙамсыһы була.

Борисова Вера Никифоровна туғыҙынсы биш йыллыҡ пландарын ваҡытынан алда тамамлаүҙың инициаторы була. Ҡырымдың күп кенә хеҙмәткәрҙәре был башланғысты күтәреп ала.

СССР Юғары Советы Президиумының Указына ярашлы 1975 йылдың 21 апрелендә Борисова Вера Никифоровна III дәрәжә Хеҙмәт Даны ордены менән бүләкләнә.

1983 йылдың 2 авгусында СССР Юғары Советы Президиумының Указына ярашлы Борисова Вера Никифоровна II дәрәжә Хеҙмәт Даны ордены менән бүләкләнә.

1983 йылда төп эш урынында эшләүен дауам итеп Борисова Вера Никифоровна Харьков механика-технология техникумын тамамлай, трикотаж производствоһының техник-технологы һөнәрен ала.

1988 йылдың 22 ноябрендә СССР Юғары Советы Президиумының Указына ярашлы эштәге уңыштары, социалистик йөкләмәләрен һәм планды үтәүҙәге уңыштары өсөн һәм көндәлек кәрәкле тауарҙар етештереүҙә яңы технологиялар уйлап табыуға шәхси өлөш индергән өсөн Борисова Вера Никифоровна I дәрәжә Хеҙмәт Даны ордены менән бүләкләнә. Хеҙмәт Даны орденының тулы кавалеры була.

Ҡырым өлкә партияһы комитеты һәм Феодосия ҡала партия комитеты ағзаһы итеп һайлана. КПСС-тың XXV, XXVI һәм XXVII съездарына делегат итеп һайлана.

Феодосия ҡалаһында йәшәй. Борисова Вера Никифоровна 2008 йылдың 23 мартында вафат була.

Маҡтаулы исемдәре һәм бүләктәре

I дәрәжә Хеҙмәт Даны ордены (22.11.1988);
II дәрәжә Хеҙмәт Даны ордены (02.08.1983);
III дәрәжә Хеҙмәт Даны ордены (21.04.1975);
Хеҙмәт Ҡыҙыл Байраҡ ордены (27.08.1971);
«Почет Билдәһе» ордены (12.05.1977);
СССР Дәүләт премияһы лауреаты (1981);
Феодосия ҡалаһының почетлы гражданы (04.11.1985);
башҡа миҙалдар

Иҫкәрмә

Һылтанмалар

Борисова Вера Никифоровна (билдәһеҙ). «Герои страны» сайты.