Истомина Авдотья Ильинична

Википедия — ирекле энциклопедия мәғлүмәте
(Евдокия Истомина битенән йүнәлтелде)
Перейти к навигации Перейти к поиску
Авдотья Истомина
Avdotya Istomina1.jpg
Исеме:

Евдокия Ильинична Истомина

Тыуған ваҡыты:

6 ғинуар 1799({{padleft:1799|4|0}}-{{padleft:1|2|0}}-{{padleft:6|2|0}})

Тыуған урыны:

Рәсәй империяһы, Санкт-Петербург ҡалаһы

Вафат ваҡыты:

26 июнь 1848({{padleft:1848|4|0}}-{{padleft:6|2|0}}-{{padleft:26|2|0}}) (49 йәш)

Вафат урыны:

Рәсәй империяһы, Санкт-Петербург ҡалаһы

Һөнәре:

балет артисы

Гражданлығы:

Рәсәй империяһы

Әүҙем йылдары:

18151836

Авдо́тья Ильи́нична Исто́мина (6 ғинуар 1799 йыл26 июнь 1848 йыл) — Санкт-Петербург балетының легендар бейеүсеһе.

Биографияһы[үҙгәртергә | вики-тексты үҙгәртергә]

Авдо́тья (Евдоки́я) Ильи́нична Исто́мина 1799 йылдың 6 ғинуарында Санкт-Петербургта тыуған. 1816 йылда Петербург театр училищеһын тамамлай һәм урындағы Ҙур театр сәхнәһендә сығыш яһай башлай. Тиҙҙән ул балет труппаһының төп бейеүсеһенә әйләнә.

Авдотья Истомина — атаҡлы балетмейстер Шарль-Луи Дидлоның талантлы уҡыусыларының береһе. Александр Сергеевич Пушкин үҙенең киң билдәле «Евгений Онегин» романында нәҡ уны һүрәтләй. Шарль-Луи Дидло үҙе ижад итеп, 1818 йылда сәхнәгә ҡуйған «Зефир һәм Флора», шулай уҡ ошо йылдағы «Африка арыҫланы» («Африканский лев») балет спектаклдәрендә бейеүсе ҙур уңыштарға өлгәшә. 1820 йылда сәхнәләштерелгән «Калиф Багдадский», «Евтимий һәм Евхариса», «Роланд һәм Моргана», «Лиза һәм Колен», унан һуңыраҡ ҡуйылған «Лелия Нарбонская» һәм башҡа балеттарҙағы сығыштарынан һуң да Авдотья Истоминаны тамашасы оҙайлы һәм ҡайнар алҡыштарға күмә.

Ҡай бер ваҡыттарҙа Авдотья Истомина шулай уҡ комедия жанры булған водевилдәрҙә, телмәрле ролдәрҙә лә уйнай. Бейеүсе янында һәр саҡ уның таланты һәм матурлығына, сәхнә ижадына ғашиҡтар өйкөлөшөп йөрөй. Ул заман йәш егеттәр араһында Авдотья Истомина арҡаһында дуэлдәр берәү генә булмай, уларҙың ҡайһы берҙәре хатта фажиғәле тамамлана (ҡара —ru:Четверная дуэль).

Балеттан киткәндән һуң ғына, бары тик 1840-сы йылдарҙа, Авдотья Истомина драма актёры П. С. Экунинға кейәүгә сыға.

Талантлы бейеүсе 1848 йылдың 26 июнендә ваба (холера) сиренән вафат була.

Авдотья Истомина Санкт-Петербургтың хәҙерге Ҡыҙыл гвардия районында урынлашҡан Оло Охта зыяратында (ru:Большеохтинское кладбище) ерләнгән[1].

Иҫкәрмәләр[үҙгәртергә | вики-тексты үҙгәртергә]

  1. Алфавитный указатель исторических могил, находящихся на кладбищах гор. Петрограда и его окрестностей // Отдел IV: Алфавитный указатель исторических могил… // Весь Петроград на 1917 год, адресная и справочная книга г. Петрограда — Петроград: Товарищество Алексея Сергеевича Суворина — «Новое время», 1917. — Б. 487. — ISBN 5-94030-052-9.

Әҙәбиәт[үҙгәртергә | вики-тексты үҙгәртергә]

  • Эльяш Н. И. Авдотья Истомина — Л.: Искусство, 1970. — 192 б. — (Корифеи русской и зарубежной сцены). — 50000 экз.

Һылтанмалар[үҙгәртергә | вики-тексты үҙгәртергә]

Брокгауз һәм Ефрондың энциклопедик һүҙлеге (1890—1907).