Ирназаров Рәшит Исмәғил улы

Википедия — ирекле энциклопедия мәғлүмәте
Перейти к навигации Перейти к поиску
Ирназаров Рәшит Исмәғил улы
Тыуған көнө 1945
Тыуған урыны СССР, РСФСР, Башҡорт АССР-ы, Баймаҡ районы

Ирназаров Рәшит Исмәғил улы (6 сентябрь 1935) — социолог. Социология фәндәре докторы (1999), профессор (2002). Башҡортостан Республикаһының атҡаҙанған фән эшмәкәре (2002), Башҡортостан Республикаһының атҡаҙанған мәҙәниәт хеҙмәткәре, Рәсәй Федерацияһының почётлы юғары профессиональ белем биреү хеҙмәткәре (2006).

Биографияһы[үҙгәртергә | вики-тексты үҙгәртергә]

Ирназаров Рәшит Исмәғил улы 1935 йылдың 6 сентябрендә БАССР-ҙың Баймаҡ районы Темәс ауылында тыуған. Ябай крәҫтиән ғаиләһендә тәрбиәләнә. Бала саҡтан белемгә ынтылыусан булып үҫә. Темәс урта мәктәбендә уҡый, артабан Совет Армияһында хеҙмәт итә. Темәс педучилищеһында белем ала[1]. 1958 йылда Рәшит Ирназаров Башҡорт дәүләт университетының тарих-филология факультетына уҡырға инә. Студент йылдарында йәмәғәт эшендә бик әүҙем ҡатнаша, студенттар ятаҡханаһы советы рәйесе була, комскомитет секретары һәм партия комитеты ағзаһы итеп һайлана[2].

Башҡорт дәүләт университетын тамамлағандан һуң (1963) БАССР-ҙың Мәғариф министрлығында эшләй. 1961 йылдан алып 1970 йылға тиклем КПСС-тың Сибай ҡала комитетында пропаганда һәм агитация бүлеге мөдире булып эшләй. 1970 йылда Өфө авиация институтына аспирантураға инә[2]. 1995-2000 йылдарҙа БДУ-ның Сибай филиалында уҡыта, доцент; 1999 йылда докторлыҡ диссертацияһын яҡлай, диссертация темаһы Башҡортостан Республикаһындағы этностарҙың тигеҙлек проблемаларына бағышлана. 2002 йылда профессор булып һайлана[2].

2000 йылдан БДУ-ла эшләй, социология теорияһы һәм тарихы кафедраһы мөдире. 2006 йылдан алып кафедра профессоры сифатында лекциялар уҡый һәм практик занятиелар алып бара. Кандидатлыҡ һәм докторлыҡ диссертацияларын яҡлау буйынса бер нисә ғилми советтарҙың ағзаһы булып тора. Рәсәй социология ассоциацияһына һәм Рәсәй социологтар йәмғиәтенә инә[2].

Фәнни эшмәкәрлеге этносоциологияның, рухи тормош социологияһының, милләт ара мөнәсәбәттәрҙең, социаль реформалаштырыуҙың фундаменталь һәм теоретик ғәмәли проблемаларына арналған[3]. Ғалим этносоциологияның үҙаллы ғилми йүнәлеше булараҡ формалашыуына ҙур өлөш индерә.

150-нән ашыу фәнни хеҙмәт авторы.

Төп хеҙмәттәре[үҙгәртергә | вики-тексты үҙгәртергә]

  • Равенство этносов в Республике Башкортостан. Уфа, 1997;
  • История развития социологической мысли Башкортостана. Уфа, 2010.

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

  • Башҡортостан Республикаһының атҡаҙанған мәҙәниәт хеҙмәткәре (1992)
  • Башҡортостан Республикаһының атҡаҙанған фән эшмәкәре (2002)
  • Рәсәй Федерацияһының почетлы юғары профессиональ белем биреү хеҙмәткәре (2006)
  • СССР миҙалы «За доблестный труд. В ознаменование 100-летия со дня рождения В.И.Ленина» (1970 [4].

Иҫкәрмәләр[үҙгәртергә | вики-тексты үҙгәртергә]

  1. Баймаҡ районының күренекле улдары һәм ҡыҙҙары. Библиографик белешмә. Баймаҡ ҡалаһы. 2010 йыл, 25 бит
  2. 2,0 2,1 2,2 2,3 Ирназаров — яркий представитель социологической школы Башкортостана (К 80-летию профессора)
  3. ИРНАЗАРОВ Рәшит Исмәғил улы // Башҡорт энциклопедияһы — Өфө: «Башҡорт энциклопедияһы» ғилми-нәшриәт комплексы, 2015—2019. — ISBN 978-5-88185-143-9.
  4. http://www.bashedu.ru/rnews/professor-bashgu-rashit-irnazarov-otmechaet-yubilei Профессор БашГУ Рашит Ирназаров отмечает юбилей

Сығанаҡтар[үҙгәртергә | вики-тексты үҙгәртергә]