Ковалёв Иван Платонович

Ковалёв Иван Платонович
	Ковалёв Иван Платонович
Зат	ир-ат
Гражданлыҡ	СССР; Украина
Хеҙмәт итеүе	СССР һәм Украина
Тыуған көнө	21 май 1921
Тыуған урыны	Тарасовка, Жмеринка районы, Украина
Вафат булған көнө	20 июль 2016 (95 йәш)
Вафат булған урыны	Тарасовка, Жмеринка районы, Винница өлкәһе, Украина
Һөнәр төрө	офицер
Хәрби звание	полковник[d]
Һуғыш/алыш	Бөйөк Ватан һуғышы
Маҡтаулы исемдәре һәм башҡа бүләктәре
	Ковалёв Иван Платонович Викимилектә

Ковалёв Иван Платонович (21 май 1921 йыл — 20 июль 2016 йыл) — Бөйөк Ватан һуғышында ҡатнашҡан хәрби хеҙмәткәр, генерал-майор. Советтар Союзы Геройы (1944).

Биографияһы

Иван Платонович Ковалёв Тарасовка ауылында (хәҙер — Украина Винница өлкәһе Жмеринка районы) тыуған. Мәктәпте тамамлағандан һуң Днепропетровск өлкәһендәге Никополь ҡалаһында Көньяҡ торба металлургия заводында токарь булып эшләй. 1940 йылдың октябрь айында Эшсе-Крәҫтиән Ҡыҙыл Армияһынахәрби хеҙмәткә саҡырыла. 1941 йылдың июненән — алып Бөйөк Ватан һуғышы фронттарында. Шул уҡ йылдың октябрь айында Вязьма тирәһендә ҡаты яралана. Һауыҡҡандан һуң Ковалёв кесе лейтенанттар курсына ебәрелә, уны 1942 йылда тамамлай^[1].

1943 йылдың мартынан гвардия лейтенанты Иван Ковалев Төньяҡ-Көнбайыш фронты гвардия айырым минёрҙар батальонының мина-шартлатыу взводына етәкселек итә. 10 мартта взвод Псков һәм Ленинград өлкәләрендә диверсия эшен алып барыу маҡсатында дошман тылына ебәрелә. Артабанғы ете ай эсендә взвод яугирҙары 16 дошман эшелонын шартлата, 17 күпер, 8 км-ҙан ашыу тимер юлын, километр ярым элемтә бәйләнешен, 2 танкты, 1 бронемашинаны, яҡынса 520 дошман һалдатын һәм офицерын юҡ итә, 350 партизанды сапёр эшенә өйрәтә, дошман тураһында бер нисә мөһим мәғлүмәт таба. Ковалев үҙе шәхсән 4 эшелонды шартлата, 5 күперҙе, 6 автомашинаны юҡ итә^[1].

СССР Юғары Советы Президиумының 1944 йылдың 4 июнендәге Указына ярашлы «немец баҫҡынсылары менән көрәштә күрһәткән ҡаһарманлығы һәм батырлығы» өсөн гвардия лейтенанты Советтар Союзы Геройы юғары исеменә лайыҡ була.^[1].

Һуғыш тамамланғандан һуң Ковалев Совет Армияһында хеҙмәтен дауам итә. 1950 йылда ул Юғары инженер ғәскәрҙәре академик курстарын тамамлай. 1953 йылда полковник Ковалев запасҡа сыға. Тыуған ауылына ҡайтып, унда урындағы колхозда партия ойошмаһы секретары булып эшләй^[1].

2008 йылдың 5 майында Президент Украина Президенты Указына ярашлы уға Украина Ҡораллы Көстәре генерал-майоры исеме бирелә^[2].

Хәтер

Ковалёв хөрмәтенә балыҡ тотоу траулеры аталған^[1].

Маҡтаулы исемдәре һәм башҡа бүләктәре

«Алтын Йондоҙ» миҙалы
Ленин ордены (3968-се)
Ҡыҙыл Байраҡ ордены
1-се һәм 2-се дәрәжә Ватан һуғышы ордены^[1].

Иҫкәрмәләр

↑ ^1,0 ^1,1 ^1,2 ^1,3 ^1,4 ^1,5 Ковалёв Иван Платонович (билдәһеҙ). «Герои страны» сайты.
↑ Указ президента Украины от 5 мая 2008 года № 417/2008 «Про присвоєння військових звань».

Әҙәбиәт

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

[wh-1] 1,0 ^1,1 ^1,2 ^1,3 ^1,4 ^1,5 Ковалёв Иван Платонович (билдәһеҙ). «Герои страны» сайты.

[2] Указ президента Украины от 5 мая 2008 года № 417/2008 «Про присвоєння військових звань».

[1]

[2]