Кәримова Мәрйәм Ғатаулла ҡыҙы

Википедия — ирекле энциклопедия мәғлүмәте
Перейти к навигации Перейти к поиску
Кәримова Мәрйәм Ғатаулла ҡыҙы
Заты ҡатын-ҡыҙ
Гражданлығы Flag of Russia.svg Рәсәй
Тыуған көнө 7 февраль 1935({{padleft:1935|4|0}}-{{padleft:2|2|0}}-{{padleft:7|2|0}}) (86 йәш)
Тыуған урыны СССР, РСФСР, Башҡорт АССР-ы, Салауат районы
Һөнәр төрө сәйәсмән

Кәримова Мәрйәм Ғатаулла ҡыҙы (1935 йылдың 7 февралендә Малаяҙ районы Илтәй ауылында тыуған — 2015 йылда вафат була) — уҡытыусы, партия һәм совет хеҙмәткәре[1].

Биографияһы[үҙгәртергә | вики-тексты үҙгәртергә]

Мәрйәм Ғатаулла ҡыҙы Кәримова 1935 йылдың 7 фералендә БАССР-ҙың Малаяҙ районы (хәҙерге — Салауат) Илтәй ауылында тыуған. Ҡыҙға 12 йәш булғанда, әсәһе вафат була. Дүрт бала, Мәрйәм һәм өс ағай-энеһе, етем тороп ҡала. Көнкүрештә бөтә ҡатын-ҡыҙ эшен уға башҡарырға тура килә[2].

Тырыш ҡыҙ бөтә ауырлыҡтарҙы ла еңеп сыға, мәктәптә лә яҡшы уҡый.

1954 йылда Белорет педагогия училищеһын тамамлай. Йүнәлтмә менән Ҡурған өлкәһенә эшкә килә.

Тормош һәм хеҙмәт юлы[үҙгәртергә | вики-тексты үҙгәртергә]

1963 йылға тиклем Шадрин районы (хәҙерге — Әлмән) Тәңрекүл мәктәбендә уҡыта. Директор урынбаҫары була, тормошҡа сыға.

Ситтән тороп Ҡурған өлкәһендәге Шадрин педагогия институтында уҡый. Ике балаһы донъяға килә.

1963-1969 йылдарҙа Салауат районы Илтәй мәктәбендә уҡытыусы,

1969-1972 йылдарҙа — Илтәй мәктәбе директоры. КПСС-тың Салауат район комитетына агитация һәм пропаганда мөдире ите эшкә саҡыралар.

1973-1990 йылдарҙа — КПСС-тың Салауат район комитетының өсөнсө секретары.

2020 йылдың февралендә Салауат районы йәмәғәтселеге Мәрйәм Ғатаулла ҡыҙының 85 йәшлек юбилейын билдәләне[3].

Ғаиләһе[үҙгәртергә | вики-тексты үҙгәртергә]

Ике бала әсәһе.

Маҡтаулы исемдәре һәм бүләктәре[үҙгәртергә | вики-тексты үҙгәртергә]

  • «Физакәр хеҙмәт өсөн. В. И. Ленинға 100 йәш тулыу айҡанлы» юбилей миҙалы
  • «Хеҙмәт ветераны» миҙалы
  • КПСС Үҙәк Комитеты, СССР Министрҙар Советы, ВЦСПС, БАССР Юғары Советы, ВЛКСМ, Тыныслыҡты яҡлау Совет Комитетының Почёт Грамоталары[4].

Шулай уҡ ҡарағыҙ[үҙгәртергә | вики-тексты үҙгәртергә]

Әҙәбиәт[үҙгәртергә | вики-тексты үҙгәртергә]

  • Земля салаватская, земля батыра. / Автор-составитель: Сабирьянова С. Г. — Уфа: АН РБ, Гилем, 2010. — 400 с.

Һылтанмалар[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]

  1. Хеҙмәт ветераны Кәримова М. Ғ. архив фонды
  2. Земля салаватская, земля батыра. / Автор-составитель: Сабирьянова С. Г. — Уфа: АН РБ, Гилем, 2010. — 400 с.
  3. Земля салаватская, земля батыра. / Автор-составитель: Сабирьянова С. Г. — Уфа: АН РБ, Гилем, 2010. — 400 с. (рус.) (Тикшерелеү көнө: 6 декабрь 2020)
  4. Земля салаватская, земля батыра. / Автор-составитель: Сабирьянова С. Г. — Уфа: АН РБ, Гилем, 2010. — 400 с. (рус.) (Тикшерелеү көнө: 6 декабрь 2020)