Миһранов Ғәлимулла Ғимран улы

Википедия — ирекле энциклопедия мәғлүмәте
Миһранов Ғәлимулла Ғимран улы
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 15 октябрь 1924({{padleft:1924|4|0}}-{{padleft:10|2|0}}-{{padleft:15|2|0}})
Тыуған урыны Лағыр, Салауат районы
Вафат булған көнө 2005
Вафат булған урыны Урмансы ауылы, Лаҡлы ауыл советы, Салауат районы, Башҡортостан Республикаhы, Рәсәй
Һөнәр төрө мәктәп уҡытыусыһы
Хәрби звание лейтенант
Һуғыш/алыш Бөйөк Ватан һуғышы
Маҡтаулы исемдәре һәм башҡа бүләктәре
«1941—1945 йылдарҙағы Бөйөк Ватан һуғышында Германияны еңгән өсөн» миҙалы Рәсәй Федерацияһының атҡаҙанған уҡытыусыһы «Почёт Билдәһе» ордены Ватан һуғышы ордены

Миһранов Ғәлимулла Ғимран улы (19242005) — педагог һәм йәмәғәт эшмәкәре, Бөйөк Ватан һуғышында ҡатнашҡан, Рәсәй Федерацияһының атҡаҙанған уҡытыусыһы (1963). «Почёт билдәһе» ордены (1972) кавалеры.

Биографияһы[үҙгәртергә | вики-тексты үҙгәртергә]

Ғәлимулла Ғимран улы Миһранов 1924 йылдың 15 октябрендә Автономлы Башҡорт ССР-ының Мәсәғүт кантоны биләмәһенә ҡараған (хәҙерге — Салауат районы) Лағыр ауылында тыуған. Әсәһе йәшләй вафат була.

Атаһы Миһранов Ғимран Миһран улын «Башташ» колхозы рәйесе итеп тәғәйенләгәнлектән, бәләкәй Ғәлимулла Башташ (Илсекәй) башланғыс мәктәбендә уҡый.

1939 йылда Лағыр ете йыллыҡ мәктәбен тамамлай һәм Мәсәғүт педагогия техникумына уҡырға инә. Бөйөк Ватан һуғышының икенсе йылында уҡыуын тамамлай.

Мәктәп уҡытыусыһы булырға әҙерләнгән егет 1942 йылда пехота хәрби училищеһына ебәрелә. Йәш лейтенант 1943 йыл апрель айында 17-се һауа-десант бригадаһы составында Белоруссияны гитлерсыларҙан азат итеүҙә ҡатнаша. Ҡыйыу десантсы дошман тылына бер нисә тапҡыр парашют менән төшә. Һәр бер операцияла ла ҡаһарманлыҡ күрһәтә.

«Батырлыҡ өсөн» миҙалы һәм башҡа хәрби наградаларға лайыҡ була.

1945 йылдың декабрендә армия сафынан ҡайтарылған йәш яугир педагогты Урмансы башланғыс мәктәбенә уҡытыусы итеп тәғәйенләйҙәр. Ситтән тороп уҡыу бүлегендә Мәсәғүт уҡытыусылар институтын тамамлай.

Бер нисә йыл эшләп, тәжрибә туплағас, уны Салауат районы мәғариф бүлегенә инспектор итеп эшкә саҡыралар.

1950 йылдың авгусында Урмансы ете йыллыҡ мәктәбе директоры һәм рус теле уҡытыусыһы булып эшләй.

Тәжрибәле етәксе булараҡ, Ғәлимулла Ғимран улы урта мәктәпкә әйләнгән Ҡалмаҡол мәктәбенә директор итеп тәғәйенләнә, һәм 1967—1969 йылдарҙа шунда эшләй. Ғаилә хәле буйынса, ҡабат Урмансы ауылына ҡайта, һәм 1985 йылда хаҡлы ялға киткәнсе, Урмансы һигеҙ йыллыҡ мәктәбендә директор, рус теле уҡытыусыһы булып эшләй.

Ғаиләһе[үҙгәртергә | вики-тексты үҙгәртергә]

1949 йылда Урмансыла тыуып үҫкән Мәрфуға Шаһи ҡыҙы менән сәстәрен сәскә бәйләйҙәр. 5 балаға ғүмер бирә улар.

Рима Ғәлимулла ҡыҙы Ханова (1949—2010) Илсекәй төп мәктәбенең рус теле уҡытыусыһы, директор урынбаҫары булып эшләне. Тормош иптәше Ханов Таһирйән Рәхимйән улы менән игеҙәк ҡыҙҙар — Зөлфиә менән Әлфиәне һәм улы Фәнилде үҫтерҙеләр. Зөлфиә менән Әлфиә икеһе лә уҡытыусы һөнәрен һайланы. Рима Ғәлимулла ҡыҙы — Башҡортостан Республикаһының мәғариф алдынғыһы.

Рим Ғәлимулла улы (1953), тормош иптәше, рус теле уҡытыусыһы Ғәлиә Вәрис ҡыҙы менән, оҙаҡ йылдар Тирмән урта мәктәбендә математика фәнен уҡыта. Ике ҡыҙ тәрбиәләп үҫтерҙеләр, юғары белем бирҙеләр. Рим Ғәлимулла улы Тирмән урта мәктәбе директоры булып эшләне.

Нәғимулла Ғәлимулла улы Миһранов (1955) — Күмертау үҙәк ҡала дауаханаһының абруйлы хирург-гастроэнтерологы, бүлек мөдире. Ике ҡыҙы һәм бер улы бар.

Мөрсәлим ауылында йәшәүсе Рәйхана Ғәлимулла ҡыҙы (1958-2021) тормош иптәше Рәсүл Йәнгиров менән өс бала тәрбиәләп, тормош юлына сығарҙы.

Лилиә Ғәлимулла ҡыҙы (1960—2007) Тирмән ауылында башҡорт теле уҡытыусыһы булды. Тормош иптәше Даян менән ике балаға ғүмер бирҙеләр. Ҡыҙғанысҡа ҡаршы, Лилиә йәшләй вафат булып ҡуйҙы.

Наградалары[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]

Әҙәбиәт[үҙгәртергә | вики-тексты үҙгәртергә]

  • Л. К. Галинурова. Заслуженные учителя Российской Федерации в Республике Башкортостан
  • Земля салаватская, земля батыра./ Автор-составитель: Сабирьянова С. Г. — Уфа: АН РБ, Гилем, 2010. — 400 с. (рус.)
  • Ләйсән Йәһүҙина. Яҡты эҙе ҡалды. Йүрүҙән. 38-39 һаны, 7 май, 2005 йыл.

Һылтанмалар[үҙгәртергә | вики-тексты үҙгәртергә]