Мостафин Урал Сабирйән улы

Википедия — ирекле энциклопедия мәғлүмәте
Перейти к навигации Перейти к поиску
Викидатала элемент тултырылмаған

Мостафин Урал Сабирйән улы (21 ғинуар 1951 йыл) — яҙыусы. Батыр Вәлид исемендәге премия лауреаты (2002). Сәғит Агиш исемендәге премия лауреаты (2011). Башҡортостан Республикаһы Яҙыусылар союзы ағзаһы (2014).

Биографияһы[үҙгәртергә | вики-тексты үҙгәртергә]

Урал Сабирйән улы Мостафин 1951 йылдың 21 ғинуарында Башҡорт АССР-ының Баймаҡ районы 2-се Этҡол ауылында тыуған. 1966 йылда ауыл һигеҙ йыллыҡ мәктәпте тамамлай, артабан Өфөлә 1-се башҡорт интернат-мәктәбендә белем ала. 1968 — 1973 йылдарҙа Өфө авиация институтында уҡый. 1973 — 1975 йылдарҙа Совет Армияһында хеҙмәт итә. Хеҙмәт иткән йылдарҙа Юрий Гагарин уҡыған авиация училищеһында хәрбиҙәрҙе уҡыта. 1975 — 1982 йылдарҙа Стәрлетамаҡ ҡалаһында «Ҡыҙыл пролетарий» заводында инженер-конструктор булып эшләй. Был заводта танкылар, самолеттар двигателдәрен эшләйҙәр[1]. 1982 йылда ғаиләһе менән тыуғкан яҡтарына ҡайта. Район хәкимиәтенең төҙөлөш, сәнәғәт, транспорт бүлеге мөдире булып эшләй, 1989-1990 йылдарҙа — мебель фабрикаһының баш инженеры, артабан 1990 — 1992 йылдарҙа төҙөлөп ятҡан кирбес заводының баш технологы, директор урынбаҫары. 1992 — 1995 йылдарҙа Баймаҡ ремонт-техник предприятиеһы генераль директоры вазифаһында эшләй[2].

1994 йылда БаймаҡСибай юлында аварияға эләгеп, умыртҡа һөйәге имгәнә. Урал Мостафин ошо ауыр ситуацияла төшөнкөлөккә бирелмәй, үҙ-үҙендә яңы мөмкинлектәр эҙләй. Әҙәбиәткә 2000-се йылдарҙа килә. Шиғриәт, проза, публицистика өлкәләрендә ижад итә.

Төп әҫәрҙәре[үҙгәртергә | вики-тексты үҙгәртергә]

  • Тәүбә тәсбихем (Четки покаяния).// Нур усағы (Свет костра).Өфө, 2001;
  • Йәшәү яҙмыш (Жизнь – судьба).Сибай, 2002;
  • Илһам көсө (Сила вдохновения). Өфө, 2005;
  • Ғүмер- атылған уҡ (Жизнь- пущенная стрела).Өфө, 2010;
  • Ҡойон ҡойроғо оҙон (Шлейф смерча).Өфө, 2013;
  • Хистәр донъяһында (Мир чувств).Өфө, 2013[2].

Иҫкәрмәләр[үҙгәртергә | вики-тексты үҙгәртергә]

  1. Баймаҡ районының күренекле улдары һәм ҡыҙҙары. Библиографик күрһәткес. Башҡортостан Республикаһы, Баймаҡ ҡалаһы, 2010 йыл.
  2. 2,0 2,1 Урал Мостафин

Сығанаҡтар[үҙгәртергә | вики-тексты үҙгәртергә]

  • Баймаҡ районының күренекле улдары һәм ҡыҙҙары. Библиографик күрһәткес. Башҡортостан Республикаһы, Баймаҡ ҡалаһы, 2010 йыл.
  • Урал Мостафин