Огородов Геннадий Васильевич
| Огородов Геннадий Васильевич | |
| Зат | ир-ат |
|---|---|
| Гражданлыҡ |
 Рәсәй империяһы СССР |
| Тыуған көнө | 1 декабрь 1907 |
| Вафат булған көнө | 15 ғинуар 1988 (80 йәш) |
| Һөнәр төрө | рәссам |
| Авторлыҡ хоҡуҡтары статусы | эштәре авторлыҡ хоҡуҡтары менән яҡланған[d] |
Огородов Геннадий Васильевич (1 декабрь 1907 йыл — 15 ғинуар 1988 йыл) — рәссам. Бөйөк Ватан һуғышында ҡатнашыусы. 1937 йылдан СССР Рәссамдар союзы ағзаһы. Башҡорт АССР-ының атҡаҙанған мәҙәниәт хеҙмәткәре (1964).
Биографияһы
[үҙгәртергә | сығанаҡты үҙгәртеү]Геннадий Васильевич Огородов 1907 йылдың 1 декабрендә Әстерхан губернаһы Николаев слободаһында тыуған. 1920 йылда Огородовтар ғаиләһе Өфөгә күсеп килә.
1930 йылда Геннадий Васильевич Һарытау художество-сәнәғәт техникумын (педагогы П. С. Уткин) тамамлай. Техникумды тамамлағас 1932 йылға тиклем шунда уҡ уҡыта. 1938 йылда Башҡорт театр-художество училищеһын тамамлай.
1933 йылдан Башҡортостан үҙәк тыуған яҡты өйрәнеү музейында эшләй, 1935 йылдан — Башҡортостан художество фондында, 1936—1938 йылдарҙа — Башҡорт дәүләт художество музейында эшләй.
Огородов Геннадий Васильевич Йәштәр берекмәһенең Өфө филиалын (1926), революцион Рәсәй рәссамдары ассоциацияһының һәм совет рәссамдарының Өфө ҡала союзының ойошторусыһы була (1937).
Бөйөк Ватан һуғышында ҡатнашҡан. 1941 йылдан 1946 йылға тиклем — взвод командиры.
1949—1979 йылдарҙа М. И. Калинин исемендәге Мәҙәниәт йортонда һынлы сәнғәттең халыҡ студияһы менән етәкселек итә.
Рәссамдың эштәре Өфөлә М. В. Нестеров исемендәге Башҡорт дәүләт художество музейында, Өфө сәнғәт галереяһында, Нижневартовск картиналар галереяһында, Рәсәйҙә һәм сит илдәрҙә шәхси тупланмаларҙа һаҡлана.
Уҡыусылары
[үҙгәртергә | сығанаҡты үҙгәртеү]Огородовтың уҡыусылары рәссамдар.Э.Меос, В. Н. Пегое, П.Багин, Т.Булавина, Ю. М. Ракша, Г.Сысолятин, А. Шестак (Мәскәү), Н.Полякова (С.-Петербург), Н.Селиков (Новгород).
Күргәҙмәләре
[үҙгәртергә | сығанаҡты үҙгәртеү]Огородов Геннадий Васильевич «20 йыл эсендә Башҡортостан рәссамдары» (1939), Өфөлә Башҡортостан рәссамдары әҫәрҙәренең күргәҙмәһе (1946, 1949, 1953); периферия рәссамдары әҫәрҙәре (1940), Мәскәүҙә «РСФСР-ҙың йәш рәссамдары» күргәҙмәһе (1941); Ҡазанда алты автономиялы республикалар рәссамдарының эштәре (1947) һәм башҡа күргәҙмәләрҙә ҡатнаша.
Өфөлә шәхси күргәҙмәһе (1980).
Өфөлә «Ижад» галереяһында «Огородов уның уҡыусылары» күргәҙмәһе (2008).
Төп эштәре
[үҙгәртергә | сығанаҡты үҙгәртеү]«Портрет матери», «Портрет А. Э. Тюлькина» (1958); «День уходящий» (1965); «Лето в Миньяре», (1973), «Мужской портрет» (1935), «Память» (1966), «Портрет сына», «Вечерний Урал»[1].
«Солдат» (1945), «В окопе» (1946); «Фронтовая дорога» (1944), «Бетховен» (1970).
Маҡтаулы исемдәре һәм башҡа бүләктәре
[үҙгәртергә | сығанаҡты үҙгәртеү]- БАССР-ҙың атҡаҙанған мәҙәниәт хеҙмәткәре (1964)
- Ҡыҙыл Йондоҙ ордены.
Иҫкәрмәләр
[үҙгәртергә | сығанаҡты үҙгәртеү]Һылтанмалар
[үҙгәртергә | сығанаҡты үҙгәртеү]- А. Е. Навозова. Огородов, Геннадий Васильевич 2017 йыл 26 апрель архивланған.. БАШКИРСКАЯ ЭНЦИКЛОПЕДИЯ. ГАУН РБ «Башкирская энциклопедия» (2013). Проверено 4 апреля 2017.
- http://hallart.ru/19/view/1600
- http://www.proza.ru/2012/12/29/1193
- http://www.art-auction.ru/painters_detailed.php?id=403
- http://artinvestment.ru/auctions/70680/biography.html