Алексеев Павел Фёдорович

Павел Фёдорович Алексеев
Файл:Алексеев Павел Фёдорович.jpg
Йәшәү дәүере	29 июнь (7 июль) 1912(19120707) — 28 апрель 1985
Тыуған урыны	Рәсәй империяһы Ырымбур губернаһы Пласт ҡасабаһы, (хәҙер Рәсәй Федерацияһы Силәбе өлкәһе Пласт ҡалаһы)
Вафат урыны	СССР, РСФСР, Дондағы Ростов
Хеҙмәт иткән урыны	Рәсәй империяһы СССР
Ғәскәр төрө	Хәрби Һауа Көстәре
Хеҙмәт итеү йылдары	1932—1963
Хәрби звание	Гвардия подполковнигы
Командалыҡ итеү	Эскадрилья менән
Хәрби алыш/һуғыш	Бөйөк Ватан һуғышы
Наградалар һәм премиялар

Алексеев Павел Фёдорович (7 июль 1912 йыл — 28 апрель 1985 йыл) — Бөйөк Ватан һуғышында ҡатнашҡан хәрби хеҙмәткәр, лётчик, гвардия подполковнигы. Советтар Союзы Геройы (1945).

Биографияһы

Павел Фёдорович Алексеев 1912 йылдың 7 июлендә Ырымбур губернаһы Верхнеурал өйәҙе Белорет Заводы ауылында (хәҙер Башҡортостан Республикаһының Белорет ҡалаһы) эшсе ғаиләһендә тыуған. Милләте рус. 1932 йылда Ҡыҙыл Армияға хеҙмәткә саҡырылғанға тиклем Белорет металлургия заводында шофер булып эшләй. 1936 йылда Ульяновск осоусылар мәктәбен тамамлағандан һуң Пятигорск аэроклубында инструктор-лётчик булып эшләй.

Бөйөк Ватан һуғышы фронттарында 1941 йылдан алып була. 1943 йылда ВКП(б)/КПСС сафына ағза булып инә. 1945 йылдың майына ҡарата Алексеев 134 хәрби осош яһай.

СССР Юғары Советы Президиумының 1945 йылдың 27 июнендәге Указы менән, немец илбаҫарҙары менән көрәш фронтында командованиеның хәрби заданиеларын теүәл үтәгәне, һәм шул уҡ ваҡытта күрһәткән батырлығы һәм ҡаһарманлығы өсөн, 1-се Украина фронтының 2-се һауа армияһы 1-се гвардия штурмлау авиация корпусы 8-се гвардия штурмлаусы авиация дивизияһы 142-се гвардия штурмлау авиация полкының эскадрилья командиры, гвардия капитаны Алексеев Павел Федоровичкә Ленин ордены һәм «Алтын Йондоҙ» миҙалы тапшырып, Советтар Союзы Геройы исеме бирелә (№ 7890). Бүләкләү ҡағыҙынан:

«152, 153, 156 гиоп ҡаплаусы истребителдәр, фотоһүрәттәр һәм штурмовиктәр экипаждары дөрөҫләгән мәғлүмәттәр буйынса, 37 танкты, 136 автомашинаны, 5 бронетранспортерҙы, 14 йөк арбаһын, 70 тимер юл вагонын юҡ итә, һуғыш припастары һәм яғыулыҡ-майлау материалдары менән 7 складты шартлата, бәләкәй калиберлы зенит артиллерияһының 3 батареяһын, ут позицияһының 4 артбатареяһын юҡ итә, һыу сиге аша ике борамды емерә, аэродромда 6 самолетты юҡ итә, һауа һуғышында 1 ME-109-ҙы бәреп төшөрә, дошмандың бер полктан артыҡ пехотаһын ҡыуып ебәрә һәм өлөшләтә юҡ итә».

— Герои страны. Алексеев Павел Фёдорович  (урыҫ). Дата обращения: 2010-6-29. Архивировано 10 апрель 2012 года.

П. Ф. Алексеев һуғыштан һуң СССР-ҙың Хәрби-Һауа көстәрендә хеҙмәтен дауам итә. 1963 йылдан отставкала. Дондағы Ростов ҡалаһында йәшәй. 1985 йылдың 28 апрелендә вафат була.

Наградалары

• «Алтын Йондоҙ» миҙалы, Советтар Союзы Геройы (27.06.1945, № 7890)
• Ленин ордены (27.06.1945)
• Өс Ҡыҙыл Байраҡ ордены (10.08.1943, 4.12.1943, 19.06.1945)
• Александр Невский ордены (17.08.1944, № 8291)
• Ике I дәрәжә Ватан һуғышы ордены (19.09.1943, 6.04.1985)
• II дәрәжә Ватан һуғышы ордены (19.05.1945)
• Ҡыҙыл Йондоҙ ордены (30.12.1956)
• Миҙалдар, шул иҫәптән:
  • «1941-1945 йылдарҙағы Бөйөк Ватан һуғышында Германияны еңгән өсөн» миҙалы
  • «1941-1945 йылдарҙағы Бөйөк Ватан һуғышында Еңеүгә 20 йыл» юбилей миҙалы
  • «1941-1945 йылдарҙағы Бөйөк Ватан һуғышында Еңеүгә 30 йыл» юбилей миҙалы

Хәтер

• Дондағы Дондағы Ростовтың Төньяҡ зыяратында ерләнгән.

Шулай уҡ ҡара

• Герои Советского Союза Ростовской области

Әҙәбиәт

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Подвиги Героев Советского Союза. — М., 1981.
• Славные сыны Башкирии. Книга 2. — Уфа, 1966.

Һылтанмалар

• Алексеев, Павел Фёдорович. Сайт «Герои страны». (2010 йылдың 27 июнендә тикшерелгән)
• ГЕРОИ СОВЕТСКОГО СОЮЗА, ПРОЖИВАВШИЕ НА ДОНУ ПОСЛЕ ВЕЛИКОЙ ОТЕЧЕСТВЕННОЙ ВОЙНЫ 2014 йыл 4 март архивланған.