Ғүмәрова Фәхирә Мөхәмәтшәрип ҡыҙы
| Ғүмәрова Фәхирә Мөхәмәтшәрип ҡыҙы | |
| Зат | ҡатын-ҡыҙ |
|---|---|
| Гражданлыҡ |
 СССР |
| Тыуған көнө | 3 февраль 1921 |
| Тыуған урыны | Ишбулды, Бөрйән-Түңгәүер кантоны, Башҡорт АССР-ы, РСФСР |
| Вафат булған көнө | 28 июль 1996 (75 йәш) |
| Вафат булған урыны | Первомайский, Йәнгел ауыл Советы (Әбйәлил районы), Әбйәлил районы, Башҡортостан Республикаhы, Рәсәй |
| Маҡтаулы исемдәре һәм башҡа бүләктәре |
   |
Ғүмәрова Фәхирә Мөхәмәтшәрип ҡыҙы (3 февраль 1921 йыл — 28 июль 1996 йыл) — малсылыҡ алдынғыһы. 1938—1976 йылдарҙа Башҡорт АССР-ының Әбйәлил районы «Йәнгел» совхозының быҙау ҡараусыһы. РСФСР-ҙың һигеҙенсе саҡырылыш Юғары Советы һәм БАССР-ҙың етенсе саҡырылыш Юғары Советы депутаты. Социалистик Хеҙмәт Геройы (1971).
Биографияһы
[үҙгәртергә | сығанаҡты үҙгәртеү]Фәхирә Мөхәмәтшәрип ҡыҙы Ғүмәрова 1921 йылдың 3 февралендә Башҡорт АССР-ының Бөрйән-Түңгәүер кантоны[1]Ишбулды ауылында тыуған[2]. Тулы булмаған урта белемле.
Фәхирә Мөхәмәтшәрип ҡыҙы 13 йәшенән «Йәнгел» игенселек совхозында һарыҡ көтөүсе булып эшләй башлай. 1938 йылдан 1976 йылда хаҡлы ялға сыҡҡанға тиклем шул уҡ хужалыҡтың быҙау ҡараусыһы була.
Һигеҙенсе биш йыллыҡ йылдарында (1966—1970) 1026 быҙауҙы юғалтыуһыҙ үҫтерә һәм өлкән төркөмгә тапшыра. План буйынса тәүлегенә уртаса 560 грамм урынына 912 грамм артым ала. 1970 йылда тулайым артым план буйынса 54,7 центнер урынына 122,9 центнер, быҙауҙарҙың уртаса тәүлек артымы уртаса 944 грамм тәшкил итә. Эшендә алдынғы ысул һәм алымдарҙы ҡулланып, бер центнер артымдың түбән үҙҡиммәтенә өлгәшә. Һигеҙенсе биш йыллыҡта артымдың үҙҡиммәте планда ҡаралған 97 һум урынына 69,75 һум тәшкил итә. Фәхирә Ғүмәроваға беркетелгән быҙауҙарҙың артым үҙҡиммәте кәмеү иҫәбенә совхоз 12 мең һум табыш ала.
1971 йылдың апрелендә «Ауыл хужалығы производствоһын үҫтереүҙә һәм игенселек һәм малсылыҡ продукттарын етештереү һәм дәүләткә һатыу буйынса һигеҙенсе биш йыллыҡ план заданиеларын үтәүҙә өлгәшкән ҙур уңыштары өсөн» Фәхирә Ғүмәроваға «Социалистик Хеҙмәт Геройы» исеме бирелә.
1966—1970 йылдарҙа Фәхирә Мөхәмәтшәрип ҡыҙы 1026 быҙау үҫтерә.
Фәхирә Ғүмәрова РСФСР-ҙың һигеҙенсе саҡырылыш Юғары Советы депутаты һәм БАССР-ҙың етенсе саҡырылыш Юғары Советы депутаты итеп һайлана.
Фәхирә Мөхәмәтшәрип ҡыҙы 1996 йылдың 28 июлендә вафат була.
Хәтер
[үҙгәртергә | сығанаҡты үҙгәртеү]Башҡортостан Республикаһы Әбйәлил районының Асҡар һәм Ишбулды ауылдарында Фәхирә Ғүмәрова исемен йөрөткән урам бар.
Маҡтаулы исемдәре һәм башҡа бүләктәре
[үҙгәртергә | сығанаҡты үҙгәртеү]- Социалистик Хеҙмәт Геройы (1971)
- Ленин ордены
- Хеҙмәт Ҡыҙыл Байраҡ ордены
- миҙалдар.
Шулай уҡ ҡарағыҙ
[үҙгәртергә | сығанаҡты үҙгәртеү]Иҫкәрмәләр
[үҙгәртергә | сығанаҡты үҙгәртеү]- ↑ Хәҙер Башҡортостан Республикаһының Әбйәлил районы
- ↑ Сегодня исполнилось бы 90 лет Герою Социалистического Труда Фахире Гумеровой. Дата обращения: 25 март 2013. Архивировано 9 апрель 2013 года. 2013 йыл 26 апрель архивланған.
Һылтанмалар
[үҙгәртергә | сығанаҡты үҙгәртеү]- Ғүмәрова Фәхирә Мөхәмәтшәрип ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 30 ғинуар 2021)
- Сергей Каргапольцев. Ғүмәрова Фәхирә Мөхәмәтшәрип ҡыҙы. «Герои страны» сайты. Дата обращения: 9 июль 2016.
- Википедия:Cite web (заменить webcitation-архив: deadlink no)
- 3 февралдә тыуғандар
- 1921 йылда тыуғандар
- 28 июлдә вафат булғандар
- 1996 йылда вафат булғандар
- Әбйәлил районында вафат булғандар
- Ленин ордены кавалерҙары
- Социалистик Хеҙмәт Геройҙары
- Хеҙмәт Ҡыҙыл Байраҡ ордены кавалерҙары
- 7-се саҡырылыш Башҡорт АССР-ы Юғары Советы депутаттары
- Башҡортостан малсылары
- Алфавит буйынса шәхестәр