Чеботников Виктор Иванович
| Чеботников Виктор Иванович | |
| Тыуған көнө: |
17.03.1935 |
|---|---|
| Тыуған урыны: |
Мариуполь |
| Вафат булған көнө: |
20.05.2014 |
| Вафат булған урыны: |
<!— --> Новочеркасск |
| Гражданлығы: | |
| Эшмәкәрлеге: |
шағир, прозаик |
| Жанр: |
проза, шиғриәт |
| Әҫәрҙәре яҙылған тел: |
русса |
Виктор Иванович Чеботников (Мариуполь ҡалаһында 1935 йылдың 17 мартында тыуа) — шағир, прозаик, журналист, төҙөүсе, Рәсәй Яҙыусылар союзы ағзаһы (1996 йыл), Рәсәй журналистар союзы ағзаһы (1985). В. И. Чеботников 2014 йылдың 20 майында вафат була.
Биографияһы
[үҙгәртергә | сығанаҡты үҙгәртеү]Виктор Иванович хәрби хеҙмәткәр ғаиләһендә тыуа. 1942 йылдан алып Новочеркасскиҙа йәшәй. Ростов өлкәһе Новочеркасск ҡалаһы мәктәптәрендә уҡый. 1946 йылда Новочеркасск инженер-мелиоратив институтында 11 йәшендә төҙөүселәр бригадаһында эшләй башлай. 1951–1953 йылдарҙа Волга-Дон пароходлығы караптарында матрос була. 1963-1967 йылдарҙа Мәскәүҙә, слесарь, төҙөлөштәрҙә мастер булып эшләй. Хаҡлы ялға (1990 йыл) сыҡҡансы төрлө сәнәғәт һәм торлаҡ йорттар төҙөү объекттарында, Новочеркасскиҙа, Мәскәүҙә, Сахалинда һәм Кольский ярым утрауында, Смоленск ерҙәрендә прораб булып эшләй.
Виктор Иванович Новочеркасскиға ваҡыт-ваҡыт ҡайтҡылап тора. Бында 2014 йылдың 20 майында уның ғүмер юлы өҙөлә һәм ул Новочеркасск ҡалаһы зыяратында ерләнә.
Ижады
[үҙгәртергә | сығанаҡты үҙгәртеү]Виктор Иванович Чеботников бик йәшләй генә шиғырҙар яҙа башлай, тик уларҙы барлығы 25 йәшендә генә баҫтырып сығарырға тотона. Уның шиғырҙары башта гәзиттәрҙә, һуңғараҡ «Дон», «Москва», «Советский воин», «Студенческий меридиан» журналдарында, «Багульник» (Москва) коллектив йыйынтыҡтарында һәм башҡа баҫмаларҙа сыға.
1986 йылда «Молодая гвардия» нәшриәтендә уның тәүге «Спираль» шиғырҙар китабы сыға. 1996 йылда Рәсәй Яҙыусылар союзының күсмә Секретариаты Вязьма ҡалаһында (Смоленск өлкәһе) Виктор Ивановичты Яҙыусылар союзына ағза итеп ҡабул итә. 1998 йылда «Смядынь» Смоленск нәшриәтендә уның икенсе шиғырҙар китабы «Судьба» баҫылып сыға.
1999 йылда ул Новочеркасскиға ҡайта һәм урындағы матбуғатта «Две судьбы», «Не потерять себя», «Обреченные на… жизнь», «Жизнь после ада», «Судьбы людские» повестарын, өсөнсө шиғырҙар китабы «Встреча с дедом Щукарем» һәм «Да, это — Вермуда» тигән романын баҫтырып сығара.
Гәзиттәрҙә Рәсәй журналистар союзы ағзаһы булараҡ хеҙмәттәшлек итә.
Виктор Чеботников - байтаҡ төрлө әҙәби конкурстарҙың еңеүсеһе.
2005 йылда ул М. А. Шолоховтың 100 йыллыҡ юбилейына арналған Шолохов конкурсы лауреаты була.
В. И. Чеботников әҫәрҙәре
[үҙгәртергә | сығанаҡты үҙгәртеү]Айырым баҫмалары
- Спираль. Стихи. – М.: Молодая гвардия, 1986.
- Судьба. Стихи. – М.: Молодая гвардия, 1996.
- Две судьбы. Не потерять себя. Обреченные на... жизнь. Повести. — Ростов н/Д: Новочеркасск.
- Встречи с дедом Щукарем (два издания). – Ростов н/Д, 2005.
- Судьбы людские. Повести. – Ростов н/Д: Донской писатель. {0}[13]{/0}} (1936)
Ваҡытлы матбуғат
- Да, это — Вермуда. Роман. — Новочеркасск: газета «Новочеркасская неделя».2005.
Әҙәбиәт
[үҙгәртергә | сығанаҡты үҙгәртеү]- Дон литературный. Писатели России. Шолоховский край. XIX—XXI вв.:справ. изд., Сост. Губанов Г. — Ростов н/Д, 2006. — 512 с. ISBN 5-481-00623-5