Шәйхлисламов Зәйнулла Ғүмәр улы

Википедия — ирекле энциклопедия мәғлүмәте
Перейти к навигации Перейти к поиску
Шәйхлисламов Зәйнулла Ғүмәр улы
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 2 ғинуар 1938({{padleft:1938|4|0}}-{{padleft:1|2|0}}-{{padleft:2|2|0}}) (80 йәш)
Һөнәр төрө рәссам

Шәйхлисламов Зәйнулла Ғүмәр улы (2 ғинуар 1938 йыл) — рәссам. 1990 йылдан СССР Рәссамдар союзы ағзаһы. Башҡортостан Республикаһының атҡаҙанған рәссамы (1998).

Биографияһы[үҙгәртергә | вики-тексты үҙгәртергә]

Зәйнулла Ғүмәр улы Шәйхлисламов 1938 йылдың 2 ғинуарында Башҡорт АССР-ының Байҡыбаш районы Татар Үреше ауылында (хәҙерге Башҡортостан Республикаһының Ҡариҙел районы) тыуған. Ун дүрт йәшендә Өфөгә килә, унда эшләй, киске мәктәптә уҡый.

1966 йылда Өфө сәнғәт училищеһының художество-биҙәү бүлеген (һынлы сәнғәт бүлеге)(уҡытыусылары Г. А. Зырин, Р. У. Ишбулатов) тамамлай.

1970—1990 йылдарҙа Башҡортостан ижади-производство комбинатында рәссам булып эшләй. Әлеге ваҡытта рәссам Өфө ҡалаһында йәшәй һәм эшләй.

Рәссамдың әҫәрҙәре М. В. Нестеров исемендәге Башҡорт дәүләт художество музейында (Өфө), «Academia» сәнғәт галереяһында (Өфө, УГАЭС), «Урал» (Өфө), «Алтын Урҙа» (Ҡаҙан) галереяларында, Рәсәйҙә һәм сит илдәрҙә шәхси йыйылмаларҙа һаҡлана.

Эштәре[үҙгәртергә | вики-тексты үҙгәртергә]

...« Красота удивляет, восхищает и заставляет жить, а для меня жить — это творить и через своё творчество показать людям окружающий нас мир. Мир прекрасного, чистого, светлого, доброго, именно того чего в наше время не хватает. Конечно же, красота это еще и гармония. Именно она помогает обрести смысл жизни».

Шайхлисламов Зайнулла

«Өс ағас» (1979), «Ҡояш» (1994), «Көҙ» (1999). Иҫке Өфөнөң архитектура пейзаждары һағыныу романтикаһы менән һуғарылған: «Окраина» (1971), «Старая Уфа» (1978), «Старая церковь» (1993), «Соборная мечеть» (1997). Натюрморттар: «Хризантемалар», «Ромашкалар» (икеһе лә — 1988), «Астралар» (2000), фәлсәфәүи-мистик эштәре: «Века», «Гора духов» (1997), «В далёком прошлом» (1999) һәм башҡалар.

Күргәҙмәләре[үҙгәртергә | вики-тексты үҙгәртергә]

Шәйхлисламов Зәйнулла Ғүмәр улы 1964 йылдан алып республика, зона, төбәк, Бөтә Рәсәй һәм сит ил күргәҙмәләрендә ҡатнаша.

Шәхси күргәҙмәләре Өфө (1988, 2001, 2002, 2013[1]), Нефтекама, Бәләбәй, Ҡаҙан (2007) ҡалаларында үткән.

Һылтанмалар[үҙгәртергә | вики-тексты үҙгәртергә]

http://xn--p1acf.xn----7sbacsfsccnbdnzsqis3h5a6ivbm.xn--p1ai/index.php/prosmotr/2-statya/1531-shajkhlislamov-zajnulla-gumerovich

http://www.shrb.ru/painting/shaihislamov.htm

http://www.temaufa.ru/poster/2584/

Иҫкәрмәләр[үҙгәртергә | вики-тексты үҙгәртергә]