Шәрифуллин Шәйҙулла Шәрифулла улы

Шәрифуллин Шәйҙулла Шәрифулла улы
	Шәрифуллин Шәйҙулла Шәрифулла улы
Зат	ир-ат
Тыуған көнө	1883
Тыуған урыны	Ҡораласыҡ, Семилетка ауыл Советы (Дүртөйлө районы), Дүртөйлө районы
Вафат булған көнө	1959
Вафат булған урыны	Ибраһим, Иҫке Күктау ауыл Советы (Илеш районы), Илеш районы, Башҡорт АССР-ы, РСФСР, СССР
Яҙма әҫәрҙәр теле	башҡортса‎
Һөнәр төрө	шағир

Википедияла Шәрифуллин фамилиялы башҡа кешеләр тураһында мәҡәләләр бар.

Шәрифуллин Шәйҙулла Шәрифулла улы (1883—1959) — башҡорт шағир-импровизаторы, сәсән.

Биографияһы

Шәрифуллин Шәйҙулла Шәрифулла улы 1883 йылда Өфө губернаһының Бөрө өйәҙе Ҡораласыҡ ауылында (хәҙерге Башҡортостан Республикаһының Дүртөйлө районы) тыуған. Милләте буйынса — башҡорт.

Башланғыс белем ала. Мулла булып хеҙмәт итә. 1931 йылдың 26 мартында репрессияға дусар ителә һәм 3 йылға иркенән мәхрүм ителә^[1].

1920‑се йылдарҙан алып Башҡорт АССР-ының Бөрө кантонында йәшәй, Башҡорт АССР-ы Илеш районы колхозында эшләй.

1959 йылда Башҡорт АССР-ының Илеш районы 5-6-сы участка ҡасабаһында (хәҙер Башҡортостан Республикаһы Илеш районы Ибраһим ауылы) вафат була. 1989 йылдың 6 майында аҡлана.

Ижади эшмәкәрлеге

Сәсән үҙенең әҫәрҙәрендә халыҡ араһында аң-белем таратыуҙы пропагандалаусы ролендә сығыш яһай. Шәйҙулла Шәрифуллин буйынса, мәҙәниәтле кешегә сәнғәткә, шул иҫәптән сәсән сәнғәтенә хөрмәтле мөнәсәбәт хас булырға тейеш^[2].

Уның «Сәсән» һәм «Милли музыка» шиғырҙары башҡорт милли рухы менән һуғарылған, ә «Эш һәм намыҫ» һәм «Трактористар йыры» шиғырҙары кеше хеҙмәтен данлай. 1953 йылда А. И. Харисов Шәйҙулла-сәсәндән яҙып алған әҫәрҙәр «Башҡорт халыҡ ижады» йыйынтығына индерелгән. Уның ҡулъяҙмалары Рәсәй Фәндәр академияһы Өфө фәнни үҙәге ғилми архивында һаҡлана^[3].

Иҫкәрмәләр

↑ Шарифуллин Шайдулла // Книга памяти Республики Башкортостан.
↑ Сулейманов А. М. Башкирские сэсэны // Ватандаш : журнал. — 2012. — № 10. — ISSN 1683-3554.
↑ Галин С. А. Шарифуллин Шайдулла Шарифуллович // Башкирская энциклопедия. — Уфа: ГАУН РБ «Башкирская энциклопедия», 2015—2024. — ISBN 978-5-88185-306-8.

Әҙәбиәт

Галин С. Ә. Шәйҙулла сәсән. // Башҡорт халҡының ауыҙ‑тел ижады. Өфө, 2009.

Һылтанмалар

Галин С. А. Шарифуллин Шайдулла Шарифуллович // Башкирская энциклопедия. — Уфа: ГАУН РБ «Башкирская энциклопедия», 2015—2024. — ISBN 978-5-88185-306-8.

[КПРБ-1] Шарифуллин Шайдулла // Книга памяти Республики Башкортостан.

[2] Сулейманов А. М. Башкирские сэсэны // Ватандаш : журнал. — 2012. — № 10. — ISSN 1683-3554.

[3] Галин С. А. Шарифуллин Шайдулла Шарифуллович // Башкирская энциклопедия. — Уфа: ГАУН РБ «Башкирская энциклопедия», 2015—2024. — ISBN 978-5-88185-306-8.

[1]

[2]

[3]