Янченко Вячеслав Михайлович

Википедия — ирекле энциклопедия мәғлүмәте
Перейти к навигации Перейти к поиску
Янченко Вячеслав Михайлович
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 19 март 1938({{padleft:1938|4|0}}-{{padleft:3|2|0}}-{{padleft:19|2|0}}) (81 йәш)
Тыуған урыны СССР, РСФСР, Башҡорт АССР-ы, Өфө
Һөнәр төрө лётчик
Маҡтаулы исемдәре һәм башҡа бүләктәре
Ленин ордены Советтар Союзы Геройы
Сәйәси фирҡә ағзаһы Советтар Союзы Коммунистар партияһы

Янченко Вячеслав Михайлович (19 март 1938 йыл) — Граждандар авиацияһының төньяҡ-көнбайыш идаралығы «Ту-104» һауа судноһы экипажы командиры, Советтар Союзы Геройы (1973).

Биографияһы[үҙгәртергә | вики-тексты үҙгәртергә]

Вячеслав Михайлович Янченко 1938 йылдың 19 мартында Өфөлә эшсе ғаиләһендә тыуған. Милләте — рус. 1959 йылдан — КПСС ағзаһы. Өфө геология-разведка техникумын тамамлай, Өфө ДОСААФ клубында шөғөлләнә.

1956 йылдан — Совет Армияһында. 1960 йылда Борисоглеб хәрби авиация летчиктар училищеһын тамамлай, Ҡораллы Көстәрҙең ҡыҫҡартылыуы менән бәйле эштән запасҡа бушатыла һәм Аэрофлотҡа эшкә төшә.

Аэрофлотта авиация технигы сифатында Ленинград аэропорты самолеттарын хеҙмәтләндерә, һуңынан гражданлыҡ авиация пилотына яңынан уҡып, биш йыл дауамында Архангельск ҡалаһының урындағы авиялинияларында Ан-2 самолетында оса. Герой-ҡала Ленинградҡа (хәҙер Санкт-Петербург) ҡайтҡас, ИЛ-14 самолетында икенсе пилоты, һуңғараҡ ошо һауа судноһының командиры, артабан — Ту-104 һәм ТУ-154 самолеттарында командир була.

1975 йылдан В. М. Янченко — Ту-154 карабы командиры, инструктор-пилот, авиация эскадрильяһы командирының урынбаҫары, Граждандар авиацияһы Төньяҡ-Көнбайыш Идаралығы өлкән пилот-инспекторы. Бик күп ТУ-154 самолеты экипаж командирҙарын әҙерләгән. Герой-ҡала Ленинградтың «Пулково» авиапредприятиеһында осоу эше йылдарында Советтар Союзының төрлө ҡалаларына һәм сит илдәргә рейстар яһай. 1997—2000 йылдарҙа — Пулково аэропорты махсус транспорты хәрәкәт хәүефһеҙлеге буйынса инженер. Өс саҡырылыш Ленинград ҡала советы депутаты, 1976 йылда — КПСС-тың XXV съезы делегаты. Санкт-Петербургта йәшәй.

Батырлығы[үҙгәртергә | вики-тексты үҙгәртергә]

1973 йылдың 23 апрелендә ТУ-104 карабы командиры В. М. Янченко һауа судноһында 51 пассажир менән Ленинград — Мәскәү маршруты буйынса планлы рейс башҡара. Бейеклекте йыйғандан һуң штаттан тыш хәл барлыҡҡа килә: бортта булған енәйәтсе, шартлатыу менән янап, Швецияға осоуҙы талап итә.

Ул ваҡытта бындай осраҡтарҙа ғәмәлдәр буйынса бер ниндәй ҙә инструкциялар булмау сәбәпле, В. М. Янченко, хәл-торошто баһалап, «Пулково» аэропортына кире ҡайтырға ҡарар ҡабул итә. ТУ-104 ергә ултырыуға барған саҡта террорсы шартлау ҡулайламаһын хәрәкәткә килтерә. Шартлау һөҙөмтәһендә самолеттың алғы ишеге менән фюзеляждың бер өлөшө йолҡоп сығарыла. Экстремаль ситуацияла булыуына ҡарамаҫтан, Янченко лайнерҙы ултырта ала һәм шулай итеп бөтә пассажирҙарҙың ғүмерен һаҡлап ҡала.

СССР-ҙың Юғары Советы Президиумының 1973 йылдың 6 июнендәге указына ярашлы командованиеның хәрби заданиеларын теүәл үтәгәне һәм үтәгән саҡта күрһәткән ҡаһарманлығы һәм батырлығы өсөн Граждан авиацияһының карабы командиры запастағы капитан Янченко Вячеслав Михайловичкә Советтар Союзы Геройы исеме бирелә һәм уға Ленин ордены менән «Алтын Йондоҙ» миҙалы (10736-се һанлы) тапшырыла.

Наградалары[үҙгәртергә | вики-тексты үҙгәртергә]

Ленин ордены, миҙалдар.

Әҙәбиәт[үҙгәртергә | вики-тексты үҙгәртергә]

Герои нашего времени (О Героях России — уроженцах и жителях Республики Башкортостан) / авт.—сост. Е. А. Смирнов. — Уфа : Китап, 2016. — 327 с. : илл ISBN 978-5-295-06554-5.

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]

Янченко Вячеслав Михайлович. «Герои страны» сайты. (Тикшерелгән 19 март 2009)(Тикшерелгән 19 март 2009)