Ғәбитов Ғимран Хәмит улы

Википедия — ирекле энциклопедия мәғлүмәте
Перейти к навигации Перейти к поиску
Ғәбитов Ғимран Хәмит улы
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 20 март 1958({{padleft:1958|4|0}}-{{padleft:3|2|0}}-{{padleft:20|2|0}}) (62 йәш)
Тыуған урыны СССР, РСФСР, Башҡорт АССР-ы, Мәләүез районы, Верхнеташево[d]
Уҡыу йорто Октябрҙең 40 йыллығы исемендәге Башҡорт дәүләт университеты

Ғимран Хәмит улы Ғәбитов (20 март 1958 йыл) — Рәсәй муниципаль етәксеһе, нефтсе. Башҡортостан Республикаһының Архангел районы район хакимиәте башлығы (2011 йылдың мартынан). «АНК „Башнефть“» асыҡ акционерҙар йәмғиәтенең башҡарма директоры, генераль директоры (2004—2007 йылдар), Ырымбурҙа «ОренбургНИПИнефть» асыҡ акционерҙар йәмғиәтенең административ-идара итеү персоналының фән буйынса генераль директоры урынбаҫары (2007—2008 йылдар).

Биографияһы[үҙгәртергә | вики-тексты үҙгәртергә]

Ғәбитов Ғимран Хәмит улы 1958 йылдың 20 мартында Мәләүез районының Үрге Ташлы ауылында тыуа.

1975 йылда Күгәрсен районындаколхоз-ара төҙөлөш ойошмаһында эшләй. 1976—1978 йылдарҙа совет армияһында хеҙмәт итә. 1978 йылда — Күгәрсен районының «Ҡыҙыл маяҡ» колхозы тракторсыһы.

1984 йылда Башҡорт дәүләт университетын тамамлай.

1984 йылдан алып «Краснохолмскнефть» нефть-газ сығарыу идаралығында эшләй, 1991 йылдан — «Ишембайнефть» акционерҙар йәмғиәте НГДУ-һында.

1997—1998 йылдарҙа — Башҡортостан Республикаһының Ер аҫты байлыҡтарын файҙаланыу буйынса дәүләт комитетының нефть һәм газ ятҡылыҡтарын файҙаланыу бүлегенең баш геологы, нефть -геологияһы бүлеге начальнигы; 1998—2002 йылдарҙа — Башҡортостан Республикаһы Министрҙар Кабинеты ҡарамағындағы Геология һәм ер аҫты байлыҡтарын файҙаланыу буйынса идаралыҡтың нефть-газ ресурстарын файҙаланыу буйынса бүлек начальнигы.

2000 йылдан бер нисә менән етәкселек итә: «БашНИПИнефть» ДООО-һы (директор, 2002—2003 йылдар), «„БашНИПИнефть“ Инжиниринг компанияһы» яуаплылығы сикләнгән ширҡәт (директор, 2003—2004 йылдар), «АНК „Башнефть“» асыҡ акционерҙар йәмғиәте (2004—2007, башҡарма директор, генераль директор, етештереү буйынса директор), «Башнефтехимсервис» ябыҡ акционерҙар йәмғиәте (Стәрлетамаҡ, 2009 — башҡарма директор, генераль директор). 2007—2008 йылдарҙа — «ОренбургНИПИнефть» асыҡ акционерҙар йәмғиәтенең фән буйынса генераль директоры урынбаҫары (Ырымбур), 2009—2010 йылдарҙа — «Белкамнефть» асыҡ акционерҙар йәмғиәтенең идара аппараты начальнигы урынбаҫары (Нефтекама), 2010 йылда — «Белкамнефть» асыҡ акционерҙар йәмғиәтенең Проект эштәре идаралығы начальнигы урынбаҫары (Ижевск).

2011 йылдың мартынан — Архангел районы хакимиәте башлығы вазифаһын башҡарыусы, апрелдән — муниципаль район хакимиәте башлығы[1][2]. 2012 йылдың 20 июлендә үҙ теләге менән отставкаға китеүгә бәйле, хакимиәт башлығы вазифаһынан бушатыла[3].

Башҡортостан Республикаһы Президенты ҡарамағындағы Башҡортостан дәүләт хеҙмәте һәм идара итеү академияһын тамамлаған.

Иҫкәрмәләр[үҙгәртергә | вики-тексты үҙгәртергә]

  1. Архангельский район Республики Башкортостан
  2. О назначении главы Администрации муниципального района Архангельский район  (рус.). Официальный сайт органов местного самоуправления муниципального района Архангельский район Республики Башкортостан (2011-04-08). 29 март 2020 тикшерелгән.
  3. В руководстве администрации Архангельского района произошли изменения  (рус.). Официальный сайт органов местного самоуправления муниципального района Архангельский район Республики Башкортостан (2012-07-21). 29 март 2020 тикшерелгән.

Һылтанмалар[үҙгәртергә | вики-тексты үҙгәртергә]