Ҡорбанғәлиева Суфия Шәрәфулла ҡыҙы

Ҡорбанғәлиева (Сафиуллина) Суфия Шәрәфулла ҡыҙы
Тыуғас бирелгән исеме:	Сафиуллина Суфия Шәрәфулла ҡыҙы
Эшмәкәрлек төрө:	актёр, музыка педагогы
Тыуған көнө:	13 февраль 1949({{padleft:1949|4|0}}-{{padleft:2|2|0}}-{{padleft:13|2|0}}) (69 йәш)
Тыуған урыны:	Байғужа ауылы, Ишембай районы, Башҡорт АССР-ы
Гражданлығы:	СССР → Рәсәй
Награда һәм премиялары:
Сайт:	bashdram.ru/troupe/kurbangalieva.html

Ҡорбанғәлиева (Сафиуллина) Суфия Шәрәфулла ҡыҙы (1949 йылдың 13 февралендә Башҡорт АССР-ның Маҡар районы (Башҡортостан Республикаһының хәҙерге Ишембай районы) Байғужа ауылында тыуған) — башҡорт артисы, уҡытыусы һәм тәржемәсе. Рәсәй Федерацияһының атҡаҙанған (2000) һәм Башҡорт АССР-ының халыҡ (1990) артисы.

Өфө дәүләт сәнғәт институты доценты. Актер оҫталығы һәм режиссура кафедраһында 1989 йылдан алып эшләй.

Күп кенә фәнни хеҙмәттәрҙең, методик ҡулланмаларҙың авторы. «Уның тарафынан Чехов хикәйәләре башҡорт теленә иҫ киткес тәржемә ителгән».

Белем алыуы

• 1967 йылда — 2-се БРГИ (Ишембай) (10 «Б» класы)
• 1973 йылда — Өфө дәүләт сәнғәт институтының (хәҙер Заһир Исмәғилев исемендәге Өфө дәүләт сәнғәт институты) театр факультетын (профессор Ғ. Ғ. Ғиләжев класы) (күренекле театр әһелдәре — профессорҙар Ғабдулла Ғиләжев һәм Фәрҙәнә Ҡасимовалар класы) тамамлай.

Репертуары

Мәжит Ғафури исемендәге Башҡорт дәүләт академия драма театрында эшләй (1973 йылдан). Салли («Ят йондоҙ», Х. Вуолийокиҙың «Нисковуори ҡатындары» пьесаһы буйынса, дебют, 1973), Гөлнур («Гармунсы дуҫ», Н. Нәжми), Мәрзиә («Ул ҡайтты», Ә. Атнабаев), Хәҙисә («Рәйсә+Фәйзи», Н. Асанбаев), Әҡлимә («Әбейҙәргә ни етмәй», Ф. Бүләков), Харисова («Ун өсөнсө председатель», А. Абдуллин), Ирида («Ташлама утты, Прометей!», М. Кәрим), Зөлфиә («Бажалар», И. Абдуллин), Асия («Дүрт кешелек табын», Н. Ғәйетбаев), Наташа («Апалы-һеңлеле өс туған», А. Чехов), Домна Пантелеевна («Таланттар һәм баш эйеүселәр», А. Островский), Тәңкәбикә («Ай тотолған төндә», М. Кәрим), Астра («Юғалтыу», Д. Нормет) һ.б. Актрисаның үткер характерлы, ҡайһы саҡта гротесклы уйнау алымы образдарҙың асылына үтеп инә алыуы менән берләшә: Наҙлыбикә («Тиҫкәре ир, насар ҡатындар», М. Мөсифуллин), Бикә («Әстәғәфирулла!», Н. Ғәйетбай), Мәҙинә («Һөйгәнемдең тыуған көнө», И. Юзиев).

Уҡыусылары

Шәйехзада Бабич исемендәге дәүләт республика йәштәр премияһы лауреаттары — Әмиров А., Йыһаншин А., Комкова Р., Хәлилов А. Дипломанттар: төбәк конкурстарында — Бәхтиева А., Камалов В., Мөхәмәтдинов Г., Мәһәҙиев Р., Әхмәтшина А.; республика конкурстарында — Ғәлина А., Ғафаров А., Сәйетова М.

Тормошонан факттар

Үҙенең театр труппаһы менән тыуған Ишембайына килгән ваҡытта, уның спектакленә, махсус рәүештә, синыфташтары килә.

«Сая ҡыҙҙар» конкурсының жюри составына инә.

Бүләктәре

• Сәнғәт өлкәһендә күрһәткән хеҙмәттәре өсөн — «Рәсәй Федерациияһының атҡаҙанған артисы» маҡтаулы исеме (2000).

Әҙәбиәт

• Абросимова Т. Обыкновенная королева // Рампа. — 1999. — № 3. — с. 4—5. — (Суфия Курбангалеева).

Һылтанмалар

• Сәйфуллина З. В. Ҡорбанғәлиева (Сафиуллина) Суфия Шәрәфулла ҡыҙы // Башҡорт энциклопедияһы — Өфө: «Башҡорт энциклопедияһы» ғилми-нәшриәт комплексы, 2015—2017. — ISBN 978-5-88185-143-9.
• Владимир Романов. Для неё театр — это место, где совершается волшебство (К юбилею актрисы и педагога Суфии Курбангалеевой). // bashinform.ru/news/607451/?utm_source=twitterfeed&utm_medium=twitter