Әҙеһәмов Мөхәмәтдин Камалетдин улы

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Әҙеһәмов Мөхәмәтдин Камалетдин улы
 
Партия: РКП(б)
Тыуған: 5 июль 1892({{padleft:1892|4|0}}-{{padleft:7|2|0}}-{{padleft:5|2|0}})
Ырымбур губернаһының Орск өйәҙе Юлыҡ ауылы (хәҙер Башҡортостан Республикаһының Баймаҡ районы )
Үлгән: 8 декабрь 1937({{padleft:1937|4|0}}-{{padleft:12|2|0}}-{{padleft:8|2|0}}) (45 йәш)
Өфө, Башҡорт АССР-ы

Биографияһы[үҙгәртергә | вики-тексты үҙгәртергә]

Әҙеһәмов Мөхәмәтдин Камалетдин улы 1892 йылдың 5 июлендә Ырымбур губернаһының Орск өйәҙе Юлыҡ ауылында тыуған. А. К. Әҙеһәмовтың ағаһы. Милләте буйынса башҡорт.

1913 йылда Көңгөр техник училищеһын тамамлай.

1913—1916 йылдарҙа Орск земство управаһында страховка агенты булып эшләй.

1913 һәм 1916-[1917 йыл]]дарҙа урыҫ армияһында Ҡазан хәрби округының 129-сы пехота полкында хеҙмәт итә.

1918 йылда Өфө дәүләт кәңәшмәһендә ҡатнаша.

1918 йылдың сентябренән 1919 йылдың февраленә тиклем страховка бүлеге мөдире, Башҡорт хөкүмәте рәйесенең шәхси сәркәтибе була.

1919 йылдың майынан Башҡортостан Хәрби-революцион комитетының вәкилдәре Советы сәркәтибе вазифаһын биләй.

1919 йылдың авгусынан халыҡ комиссариатында эшләй. Башҡорт АССР-ның эшсе-крәҫтиән инспекцияһының Халык комиссариатында эшләй, ә 1922 йылдың июленән — инспекция халыҡ комиссары вазифаһын биләй. Шул уҡ ваҡытта, 1922 йылдың ноябренән алып, Башҡорт АССР-ы Халыҡ комиссарҙары Советы янындағы Арбитраж комиссияһы рәйесе һәм Башҡорт АССР-ы Совнаркомы рәйесе урынбаҫары була.

1923-1925 йылдарҙа Башҡорт АССР-ы социаль тәьмин итеү халыҡ комиссары вазифаһында эшләй.

1925—1937 йылдарҙа Башҡорт АССР-ның Үҙәк ер комиссияһы рәйесе, Белорет металлургия заводы директорының урынбаҫары була.

1937 йылдың 9 авгусында ҡулға алына, РСФСР-ҙың енәйәт кодексының 58-2, 58-6, 58-7, 58-8, 58-10, 58-11 статьялары буйынса хөкөм ителә. 1937 йылдың 8 декабрендә атып үлтерелә, 1956 йылдың июлендә реабилитациялана[1].

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]

  • Адигамов Мухаметдин Камалетдинович.//Башкирская энциклопедия. Гл. ред. М. А. Ильгамов. Т. 1. А-Б. 2005.
  • Ярмуллин А. Ш. Автономиялы Башҡортостан байрағы аҫтында. Өфө, 2009. (башк.) ‎