Гәрәева Фая Сәхип ҡыҙы

	Фая Сәхип ҡыҙы Гәрәева
Тыуған көнө	31 август 1931
Тыуған урыны	Башҡортостан АССР-ы, Дүртөйлө районы, Иҫке Яндыҙ ауылы
Вафат булған көнө	10 сентябрь 2001 (70 йәш)
Вафат булған урыны	Башҡортостан, Өфө ҡалаһы
Ил	СССР; Рәсәй
	Шаблон: просмотр • обсуждение • править

Википедияла Гәрәева фамилиялы башҡа кешеләр тураһында мәҡәләләр бар.

Гәрәева Фая Сәхип ҡыҙы (31 август 1931 йыл — 10 сентябрь 2001 йыл) — йырсы. РСФСР-ҙың (1981) һәм Башҡорт АССР-ының (1977) атҡаҙанған мәҙәниәт хеҙмәткәре.

Биографияһы

Фая Сәхип ҡыҙы Гәрәева 1931 йылдың 31 авгусында Башҡортостан АССР-ы Дүртөйлө районы Иҫке Яндыҙ ауылында тыуған.

1951—1971 йылдарҙа Башҡорт дәүләт халыҡ бейеүҙәре ансамбле солисы була.

1971—1975 йылдарҙа — Өфө Пионерҙар һарайының бейеүселәр коллективы, 1975—1981 йылдарҙа «Шатлыҡ» халыҡ бейеүҙәре ансамбле етәксеһе була.

1981—1986 йылдарҙа Башҡорт дәүләт халыҡ бейеүҙәре ансамбленең художество етәксеһе булып эшләй.

«Гөлнәзирә», «Дуҫлыҡ», «Кейәү егет» («Жених»), «Йәш йөрәктәр», «Мөғлифә», «Һыу буйында осрашыу», «Шаян ҡыҙҙар», «Яҙғы ташҡын» һәм башҡа бейеүҙәрҙе яңғыҙ башҡара. «Ҡыр ҡаҙҙары», «Сәскә атҡан яҡ» бейеүҙәрен ҡуя. 1955 йылда Мәскәүҙә Башҡорт әҙәбиәте һәм сәнғәте декадаһында, 1968 йылда Ульяновскиҙа һәм 1969 йылда Ленинградта Башҡорт АССР-ы мәҙәниәт көндәрендә ҡатнаша.

2001 йылдың 10 сентябрендә Өфө ҡалаһында вафат булған.

Маҡтаулы исемдәре һәм башҡа бүләктәре

Бөтә донъя йәштәр һәм студенттар фестивале лауреаты (Вена, 1959)
Башҡорт АССР-ының атҡаҙанған мәҙәниәт хеҙмәткәре (1977)
РСФСР-ҙың атҡаҙанған мәҙәниәт хеҙмәткәре (1981)

Хәтер

2010 йылда Дүртөйлө районында Фая Гәрәева исемендәге бейеү фестивале булдырылған.
2012 йылдан Башҡорт дәүләт аграр университетының иң яҡшы студенттарына уның исемендәге премия бирелә^[1].

Иҫкәрмәләр

↑ Романов Владимир. Видные деятели культуры Башкортостана: Фая Гареева (К 85-летию со дня рождения выдающейся танцовщицы) (билдәһеҙ). ИА «Башинформ» (31 август 2016). Дата обращения: 4 сентябрь 2019.

Әҙәбиәт

Докучаева А. А. Созвездие талантов. — Уфа, 2009.

Һылтанмалар

Гәрәева Фая Сәхип ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
Гареева Фая Сахиповна 2019 йыл 5 сентябрь архивланған. // Государственный академический ансамбль народного танца имени Файзи Гаскарова.

[Романов-1] Романов Владимир. Видные деятели культуры Башкортостана: Фая Гареева (К 85-летию со дня рождения выдающейся танцовщицы) (билдәһеҙ). ИА «Башинформ» (31 август 2016). Дата обращения: 4 сентябрь 2019.

[1]