Маликов Рәйеф Сәлих улы
| Маликов Рәйеф Сәлих улы | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 24 август 1952 (72 йәш) |
| Тыуған урыны | Дөмәй, Илеш районы, Башҡорт АССР-ы, РСФСР, СССР |
| Һөнәр төрө | инженер-механик |
| Эш урыны | Нефтекама автозаводы |
| Биләгән вазифаһы | директор[d] һәм генераль директор[d] |
| Уҡыу йорто | Өфө дәүләт авиация техник университеты |
| Маҡтаулы исемдәре һәм башҡа бүләктәре | |
Маликов Рәйеф Сәлих улы (24 август 1952 йыл) — хужалыҡ һәм йәмәғәт эшмәкәре, 1998—2013 йылдарҙа Нефтекама автозаводының генераль директоры. Башҡортостан Республикаһының 2—4-се саҡырылыш Дәүләт Йыйылышы — Ҡоролтай депутаты. Рәсәй Федерацияһының атҡаҙанған машина эшләүсеһе (2003), Башҡортостан Республикаһының Фән һәм техника өлкәһендәге дәүләт премияһы лауреаты (2001), Дуҫлыҡ (2008) һәм Салауат Юлаев (2007) ордендары кавалеры. Нефтекама ҡалаһының почётлы гражданы (2007).
Биографияһы
[үҙгәртергә | сығанаҡты үҙгәртеү]Рәйеф Сәлих улы Маликов 1952 йылдың 24 авгусында Башҡорт АССР-ының Илеш районы Иҫке Дөмәй[1] ауылында тыуған. 1974 йылда хәҙерге Өфө дәүләт авиация техник университетын тамамлай. 1974—1977 йылдарҙа Төмән моторҙар эшләү заводында эшләй. 1977—2013 йылдарҙа Нефтекама автозаводында:[2] тәүҙә цех начальнигы урынбаҫары, 1982—1985 йылдарҙа —цех начальнигы, 1985 йылдан — партия комитеты секретары, 1990 йылдан — етештереү буйынса директор, 1998 йылдан — генераль директор вазифаларын биләй. Рәйеф Сәлих улы етәкселегендә завод «НефАЗ-5299» пассажир автобусы, төрлө тәғәйенләнештәге тағылмалар һәм ярым тағылмалар эшләп сығара, Рәсәйҙә был техниканың төп етештереүсеһе булып һанала.
Маҡтаулы исемдәре һәм башҡа бүләктәре
[үҙгәртергә | сығанаҡты үҙгәртеү]- Башҡортостан Республикаһының Фән һәм техника өлкәһендәге дәүләт премияһы лауреаты (2001);
- Рәсәй Федерацияһының атҡаҙанған машина эшләүсеһе (2003);
- Дуҫлыҡ ордены (2008);
- Салауат Юлаев ордены (2007).
Шулай уҡ ҡарағыҙ
[үҙгәртергә | сығанаҡты үҙгәртеү]Иҫкәрмәләр
[үҙгәртергә | сығанаҡты үҙгәртеү]- ↑ хәҙер Илеш районы Дөмәй ауылы
- ↑ хәҙер «Нефтекама автозаводы» ААЙ
Һылтанмалар
[үҙгәртергә | сығанаҡты үҙгәртеү]- Маликов Рәйеф Сәлих улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 17 август 2022)
- Почетные граждане города Нефтекамска. Маликов Раиф Салихович. Официальный сайт Совета городского округа город Нефтекамск Республики Башкортостан (рус.) (Тикшерелеү көнө: 22 август 2022)