Әхмәтйәнов Динир Әсғәт улы
| Әхмәтйәнов Динир Әсғәт улы | |
| Тыуған көнө |
28 октябрь 1957 (66 йәш) |
|---|---|
| Тыуған урыны |
Башҡорт АССР-ы Әбйәлил районы, Ҡырҙас ауылы |
| Гражданлығы | |
Әхмәтйәнов Динир Әсғәт улы (28 октябрь 1957 йыл) — партия, хужалыҡ һәм дәүләт эшмәкәре. 2014—2017 йылдарҙа Башҡортостан Республикаһының урман хужалығы министры, 2017—2019 йылдарҙа Башҡортостан Республикаһы Башлығы Хакимиәтенең етәксе урынбаҫары. 1995—2008 йылдарҙа — Башҡортостан Республикаһы Дәүләт Йыйылышы — Ҡоролтай депутаты.
Биографияһы
[үҙгәртергә | сығанаҡты үҙгәртеү]Динир Әсғәт улы Әхмәтйәнов 1957 йылдың 28 октябрендә Башҡорт АССР-ының (хәҙер Башҡортостан Республикаһы) Әбйәлил районы Ҡырҙас ауылында тыуған.
Башҡортостан ауыл хужалығы институтын, Урал социаль идара һәм политология институтын тамамлаған. Хеҙмәт эшмәкәрлеген 1979 йылда ВЛКСМ-дың Әбйәлил район комитетында ойоштороу бүлеге инструкторы булып башлай.
- 1980—1981 йылдарҙа — халыҡ депутаттарының Амангилде ауыл Советы башҡарма комитеты рәйесе.
- 1981—1987 йылдарҙа — «Заветы Ильича» колхозының партком секретары.
- 1987—1990 йылдарҙа — КПСС-тың Әбйәлил район комитетының ауыл хужалығы бүлеге мөдире, ойоштороу бүлеге инструкторы, II секретары.
- 1990—1991 йылдарҙа — Свердловск Юғары партия мәктәбенең көндөҙгө бүлеге тыңлаусыһы, РСФСР Коммунистар партияһының Әбйәлил район комитетының беренсе секретары.
- 1991—1992 йылдарҙа — халыҡ депутаттарының Әбйәлил район Советы башҡарма комитеты рәйесе урынбаҫары.
- 1992—1995 йылдарҙа — Әбйәлил районының ауыл хужалығы һәм аҙыҡ-түлек идаралығы начальнигы урынбаҫары, «Красная Башкирия» яуаплылығы сикләнгән ширҡәте директоры.
- 1995—2008 йылдарҙа — Башҡортостан Республикаһы Дәүләт Йыйылышы — Ҡоролтай депутаты, Аграр мәсьәләләр, аҙыҡ-түлек, экология, тәбиғәт ресурстары һәм тәбиғәтте файҙаланыу буйынса комитет рәйесе урынбаҫары.
- 2008—2011 йылдарҙа — Өфөнөң Ленин районы территориаль һайлау комиссияһы рәйесе.
- 2011 йылдың майынан алып 21 июненә тиклем — Бөрйән районы хакимиәте башлығы вазифаһын ваҡытлыса башҡарыусы.[1]
- 2011 йылдың 21 июненән алып 2014 йылдың 29 майына тиклем Бөрйән районы хакимиәте башлығы.
- 2014 йылдың 29 майынан — 2017 йылдың 21 октябренә тиклем Башҡортостан Республикаһының урман хужалығы министры.
- 2017 йылдың 21 октябренән — 2019 йылдың сентябренә тиклем[2] Башҡортостан Республикаһы Башлығы Хакимиәтенең етәксе урынбаҫары (2017)[3].
Иҫкәрмәләр
[үҙгәртергә | сығанаҡты үҙгәртеү]- ↑ Башинформ: Динир Әхмәтйәнов Бөрйән районы хакимиәте башлығы итеп тәғәйенләнде
- ↑ Динир Ахмедьянов назначен заместителем Руководителя Администрации Главы Республики Башкортостан. ИА «Башинформ», 21 октября 2017 год (рус.) (Тикшерелеү көнө: 21 октябрь 2017)
- ↑ Кадровое управление администрации главы РБ возглавила полуфиналистка конкурса «Лидеры России». Сайт «СобКор02.ru», 22.09.2019 (рус.) (Тикшерелеү көнө: 11 октябрь 2019)