Богданова Галина Михайловна

Википедия — ирекле энциклопедия мәғлүмәте
Перейти к навигации Перейти к поиску
Богданова Галина Михайловна
Заты ҡатын-ҡыҙ
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 19 февраль 1925({{padleft:1925|4|0}}-{{padleft:2|2|0}}-{{padleft:19|2|0}}) (94 йәш)
Тыуған урыны СССР, РСФСР, Петербург губернаһы[d], Новоладожский уезд[d], Лёмасарь[d]
Маҡтаулы исемдәре һәм башҡа бүләктәре
Ленин ордены Социалистик Хеҙмәт Геройы Октябрь революцияһы ордены медаль «За трудовую доблесть»

Богданова Галина Михайловна (19 февраль 1925 йыл) — Өфө моторҙар эшләү заводы шымартыусыһы, Социалистик Хеҙмәт Геройы (1975). Башҡорт АССР-ының етенсе саҡырылыш (1967—1971) Юғары Советы депутаты.

Биографияһы[үҙгәртергә | вики-тексты үҙгәртергә]

Галина Михайловна Богданова 1925 йылдың 19 февралендә Ленинград өлкәһенең Мгинский районы Лемосарь ауылында тыуған.[1] Белеме — тулы булмаған урта.

Бөйөк Ватан һуғышы ваҡытында атаһы Романов Михаил Петрович Нева буйындағы ҡаланы немец-фашист илбаҫарҙарынан һаҡлаусылар сафына баҫа, ә әсәһе Анна Сергеевнаны Галя һәм ике ҡустыһы менән Ленинградтан Өфөгә эвакуациялайҙар. Әсәһе Өфө моторҙар эшләү заводында эшләй. Галина Михайловна 1941 йылдың 16 июленән шунда уҡ шымартыусы булып эшләй башлай.

Галина Богданова үҙен производствола тырыш, булдыҡлы, квалификациялы белгес итеп күрһәтә. Ул һәр саҡ норманы 120—125 процентҡа үтәй, етештергән продукцияһының сифаты бик яҡшы була. «Яҡшы сифатлы, әҙерәк сығым менән, күберәк продукция бирергә» девизы аҫтында эшләй.

Туғыҙынсы биш йыллыҡ (1971—1975) планын ваҡытынан алда үтәү өсөн социалистик ярышҡа ҡушылып, Галина Михайловна иң юғары хеҙмәт етештереүсәнлегенә өлгәшергә юғары йөкләмә ала. Алдынғы эшсе үҙ алдына ҡуйғаандың бөтә пункттарын да тормошҡа ашыра, ә биш йыллыҡ заданиеһын ваҡытынан алда — 4 йылда үтәй.

1975 йылдың ғинуар айынан башлап унынсы биш йыллыҡ иҫәбенә эшләй башлай. Элек алған йөкләмәһен киренән ҡарай һәм етештереү нормаһын 20 процентҡа арттырыуҙы һорап мөрәжәғәт итә. Яңы норма буйынса уңышлы эшләй, юғары сифатлы продукция етештерә.

1974—1975 йылдарҙа ул 4 рационализаторлыҡ тәҡдиме индерә, уларҙы производствоға индереүҙән 4 мең һум йыллыҡ экономия алына.

Хеҙмәттә юғары күрһәткестәргә өлгәшкәне, туғыҙынсы биш йыллыҡ планын ваҡытынан алда үтәгәне, автомобиль двигателдәре етештереүҙе үҙләштереүҙә һәм төҙөүҙә өлгәшкән ҙур ҡаҙаныштары өсөн 1975 йылдың 19 декабрендә СССР-ҙың Юғары Советы Президиумы указы менән Галина Богдановаға Социалистик Хеҙмәт Геройы исеме бирелә.

Галина Михайловна 1980 йылда пенсияға сыға.

Башҡорт АССР-ының етенсе саҡырылыш Юғары Советы депутаты (1967—1971).

Богданова Галина Михайловна Өфө ҡалаһында йәшәй.

Наградалары[үҙгәртергә | вики-тексты үҙгәртергә]

Әҙәбиәт[үҙгәртергә | вики-тексты үҙгәртергә]

  • Хеҙмәт геройҙары/ Башҡортостандың өс дәрәжә Хеҙмәт Даны ордены тулы кавалерҙары һәм Социалистик Хеҙмәт Геройҙары тураһында белешмә./ төҙөүсе Р. А. Вәлишин [һ. б.]. — Өфө : Китап, 2011. — 432 б. : ил. -ISBN 978-5-295-05228-6.
  • Башҡорт энциклопедияһы. Баш мөхәррир Илһамов М. А. т. 1. рел. Ә-Б 2005. — С. 624; 5-88185-053 ISBN-X. фәнни.нәшриәт Башҡорт энциклопедияһы,Өфө ҡалаһы.

Иҫкәрмәләр[үҙгәртергә | вики-тексты үҙгәртергә]

  1. BASHvest - First electronic newspaper of the Republic of Bashkortostan. Тәүге сығанаҡтан архивланған 10 апрель 2013. 30 март 2013 тикшерелгән.

Һылтанмалар[үҙгәртергә | вики-тексты үҙгәртергә]

Сергей Каргапольцев Богданова Галина Михайловна. «Герои страны» сайты. 8 июль 2016 тикшерелгән.