Бородин Павел Валерьевич
| Бородин Павел Валерьевич | |
| Зат | ир-ат |
|---|---|
| Гражданлыҡ |
 Рәсәй |
| Тыуған көнө | 2 октябрь 1972 (52 йәш) |
| Тыуған урыны | Михайловка, Өфө районы, Башҡорт АССР-ы, РСФСР, СССР |
| Һөнәр төрө | биатлонист |
| Спорт төрө | Биатлон |
Бородин Павел Валерьевич (2 октябрь 1972 йыл) — спортсы, тренер, судья. Биатлон буйынса Рәсәй чемпионаты призеры, арчери-биатлон буйынса Европа һәм донъя чемпионаттары призеры һәм чемпионы. Рәсәйҙең халыҡ-ара класлы спорт мастеры.
Биографияһы
[үҙгәртергә | сығанаҡты үҙгәртеү]Павел Валерьевич Бородин 1972 йылдың 2 октябрендә Башҡорт АССР-ының Өфө районы Михайловка ауылында тыуған. Башҡорт дәүләт университетын тамамлаған.
Эске ярыштарҙа Башҡортостан Республикаһы исеменән сығыш яһай. Леонид Александрович Мальцев етәкселегендә күнекмәләр үтә[1].
2000-се йылдарҙың икенсе яртыһында Хабаровск крайы өсөн сығыш яһай.
2001 йылда биатлон буйынса Рәсәй чемпионатында Башҡортостан һәм Төмән йыйылма командалары составында эстафетала көмөш миҙал яулай[2].
Артабан арчери-биатлон буйынса сығыштарға күсә, спорттың был төрө буйынса Рәсәй йыйылма командаһына инә. 2005 йылда Форни-Авольтриҙә донъя чемпионатында эстафетала донъя чемпионы һәм эҙәрлекләү ярышында көмөш призер була[3].
2007 йылда Мәскәү ҡалаһында үткән донъя чемпионатында спринтта алтын миҙал яулай[4].
2008 йылда Мәскәүҙә Европа чемпионатында масс-стартта көмөш призер була, эҙәрлекләү уҙышы һәм спринтта бронза награда яулай[5].
Арчери-биатлон буйынса Рәсәй чемпионаты кимәлендә 1999 йылда 12 км-ға шәхси ярышта бронза призер була[6].
Спорт карьераһы тамамланғас, Өфө ҡалаһындағы Олимпия резервы балалар-үҫмерҙәр спорт мәктәбендә тренер булып эшләй, шулай уҡ биатлон буйынса ярыштарҙа судьялыҡ итә.
Иҫкәрмәләр
[үҙгәртергә | сығанаҡты үҙгәртеү]- ↑ КИРИЛЛ МАЛЬЦЕВ ВСПОМНИЛ ДЕТСТВО И… СТАЛ ЧЕМПИОНОМ(недоступная ссылка)
- ↑ БИАТЛОН. НОВОСИБИРСК. Чемпионат России. Эстафета
- ↑ С луком на лыжах. «Красная Звезда» 02.04.2005
- ↑ Ачери-биатлон: в спринте победили россиянки
- ↑ Ачери-биатлон. Башкирская энциклопедия 2016 йыл 6 апрель архивланған.
- ↑ Арчери-биатлон 2017 йыл 21 март архивланған.