Булатов Иван Васильевич

Булатов Иван Васильевич
Зат	ир-ат
Гражданлыҡ	СССР  Рәсәй
Тыуған көнө	18 апрель 1918({{padleft:1918|4|0}}-{{padleft:4|2|0}}-{{padleft:18|2|0}}) (106 йәш)
Тыуған урыны	Рухтин, Дыуан районы
Һөнәр төрө	журналист, партия эшмәкәре, дәүләт эшмәкәре
Хәрби звание	подполковник[d]
Һуғыш/алыш	Бөйөк Ватан һуғышы
Ойошма ағзаһы	СССР Журналистар союзы[d]
Маҡтаулы исемдәре һәм башҡа бүләктәре
Тасуирлау биттәре	chel-portal.ru/enc/Bulat…

Булатов Иван Васильевич (18 апрель 1918 йыл — ??) — журналист, прозаик, партия һәм матбуғат органдары хеҙмәткәре. Бөйөк Ватан һуғышында ҡатнашыусы, отставкалағы подполковник. 1976—1992 йылдарҙа «Правда» нәшриәтенең Көньяҡ Урал һәм Төньяҡ Ҡаҙағстандағы бүлексәһе етәксеһе. 1959 йылдан СССР Журналистар союзы ағзаһы. 2-се дәрәжә Ватан һуғышы ордены кавалеры (1985).

Биографияһы

Иван Васильевич Булатов 1918 йылдың 18 апрелендә Өфө губернаһы Златоуст өйәҙе Тырнаҡлы улусы (хәҙер — Башҡортостан Республикаһының Дыуан районы) Рухтин ауылында крәҫтиән ғаиләһендә тыуған.

Тормош һәм хеҙмәт юлы

1934 йылда изба-читальня мөдире булып хеҙмәт юлын башлай, артабан ауыл советы секретары була.

1937 йылда Өфөлә гәзит хеҙмәткәрҙәре курсын тамамлағандан һуң, Дыуан районы «Колхозник» гәзитенең секретары, редактор урынбаҫры итеп тәғәйенләнә.

1938 йылдың 15 октябренән 1945 йылдың 13 октябренә саҡлы әрме хеҙмәтендә, Бөйөк Ватан һуғышында ҡатнаша. 15-се армия составында капитан дәрәжәһендә, артабан Алыҫ Көнсығыш фронтында 35-се армияның һауа оборонаһы ғәскәрҙәре сафында һуғыша.

1946—1948 йылдар — «Магнезитовец» гәзите редакторы.

1948—1950 йылдар — «Челябинский рабочий» гәзитенең үҙ хәбәрсеһе.

1950—1953 йылдар — ВКП(Б)-ның Һатҡы район комитетының, 1953—1956 йылдарҙа — Копейск район комитетының икенсе секретары.

1956—1962 йылдар — КПСС-тың Ҡыштым район комитетының 1-се секретары.

1953 йыл — Силәбе өлкә партия мәктәбе, 1958 йылда — ситтән тороп КПСС Үҙәк Комитеты ҡарамағындағы Юғары партия мәктәбен тамамлай.

1962 йылда Силәбе өлкә комитеты аппаратына: агитация һәм пропаганда бүлеге мөдире итеп күсерелә һәм 1969 йылға тиклем эшләй.

1963—1964 йылдар — өлкә мәҙәниәте идаралығы начальнигы, һуңғараҡ — өлкә матбуғаты идаралығы начальнигы.

1976 йылдан 1992 йылға тиклем Булатов Иван Васильевич «Правда» нәшриәтенең Көньяҡ Урал һәм Төньяҡ Ҡаҙағстан өлкәләрендәге бүлексәһенә етәкселек итә. 1953 йылдан башлап урындағы матбуғатта баҫыла. 30 хикәйә, очерк, повестар, 7 китап авторы.

Күп тапҡырҙар хеҙмәтсәндәр депутаттарының Силәбе өлкә һәм ҡала Советтарына депутат итеп һайланды.

X-XVII өлкә партия конференциялары делегаты, 1958—1963 йылдар — КПСС-тың Силәбе өлкә комитеты ағзаһы,

1962 йылда Силәбе өлкә комитетының ревизия комиссияһы ағзаһы.

Хаҡлы ялға сыҡҡандан һуң, йәмәғәт эштәрендә әүҙем ҡатнашты. Китап һөйөүселәрҙең Бөтә Союз һәм Бөтә Рәсәй ойоштороу съездары делегаты булды. Рәсәй һәм Силәбе ойоштороу комитеттары ағзаһы булараҡ, китап һөйөүселәрҙең өлкә ойошмаларын булдырҙы, был ойошманың рәйес урынбаҫары итеп һайланды..

Маҡтаулы исемдәре һәм башҡа бүләктәре

• II дәрәжә Ватан һуғышы ордены (1985)
• «1941—1945 йылдарҙағы Бөйөк Ватан һуғышында Германияны еңгән өсөн» миҙалы
• «Японияны еңгән өсөн» миҙалы
• миҙалдар

Китаптары

• Тайна заброшенной штольни: Повесть. Ч., 1960
• Живой гранит. Свердловск. 1960.
• Край земли: Рассказы пограничника. Ч., 1962
• Сын подпольщика. Ч., 1965
• Соня Кривая. Ч., 1972.

Сығанаҡтар

• ЦАМО Номер шкафа: 27 Номер ящика: 16

Әҙәбиәт

• Ш к е р и н М. Свежие ростки и чертополох // Москва. 1958. № 11

Һылтанмалар

• Булатов Иван Васильевич
• Энциклопедия Челябинск. Булатов Иван Васильевич
• Память народа. Булатов Иван Васильевич