Визгалов Денис Валерьевич

Википедия — ирекле энциклопедия мәғлүмәте
Визгалов Денис Валерьевич
Зат ир-ат
Гражданлыҡ  СССР
 Рәсәй
Тыуған көнө 15 сентябрь 1973({{padleft:1973|4|0}}-{{padleft:9|2|0}}-{{padleft:15|2|0}})
Тыуған урыны Белорет, Башҡорт АССР-ы, РСФСР, СССР
Вафат булған көнө 29 июль 2014({{padleft:2014|4|0}}-{{padleft:7|2|0}}-{{padleft:29|2|0}}) (40 йәш)
Вафат булған урыны Белорет, Башҡортостан Республикаhы, Рәсәй
Һөнәр төрө иҡтисадсы
Эшмәкәрлек төрө география
Эш урыны Юғары иҡтисад мәктәбе
Уҡыу йорто М. В. Ломоносов исемендәге Мәскәү дәүләт университеты
Ғилми дәрәжә география фәндәре кандидаты[d]
Ғилми етәксе Смирнягин, Леонид Викторович[d]

Визгалов Денис Валерьевич (15 сентябрь 1973 йыл, Башҡорт АССР-ы, Белорет29 июль 2014 йыл, Башҡортостан, Белорет) — Рәсәй географы, иҡтисадсы, урбанист. Маркетинг һәм территориялар брендингы өлкәһендә белгес.

Биографияһы[үҙгәртергә | сығанаҡты үҙгәртеү]

Денис Визгалов 1973 йылдың 15 сентябрендә Башҡорт АССР-ының Белорет ҡалаһында тыуа[1].

1996 йылда М. В. Ломоносов исемендәге Мәскәү дәүләт университеты география факультетының социаль-иҡтисади һәм сит илдәр географияһы кафедраһын «Бөйөк Британияның социаль-иҡтисади һәм сәйәси географияһы» белгеслеге буйынса тамамлай [2]. 1995 йылда Мэдисонда Висконсин университетының мәҙәни география кафедраһының ғилми хеҙмәткәре була[3]

1999 йылда география фәндәре кандидаты ғилми дәрәжәһенә дәғүә итеү өсөн диссертация яҡлай[4].

2000—2012 йылдарҙа «Ҡала иҡтисады институты» Фондында эшләй (ИЭГ), унда төбәктәр һәм ҡалалар үҫешен уртаса ваҡытҡа һәм стратегик планлаштырыу, территориялар маркетингы һәм брендингы, территориялар менән идарә итеү, ҡалалар һәм төбәктәрҙең инвестицион сәйәсәте технологиялары, төбәк һәм муниципаль программаларҙы мониторинглау һәм баһалау менән шөғөлләнә. 2011—2012 йылдарҙа — Ҡала иҡтисады институты «социаль сәйәсәт һәм йәмәғәт коммуникациялары» секторы етәксеһе.[3]

2013 йылдан — «Тере ҡалалар» ғилми-консалтинг компанияһы етәксеһе.

Urban Regeneration and Renewal (JURR) (Лондон) журналының мөхәрририәт советы ағзаһы [5].

Территорияларҙың Европа маркетингы институтының төп эксперты (Варшава).[6]

2000 йылдан — 40-тан ашыу Рәсәй һәм сит ил ҡалаларында үҫеш проекттарында ҡатнаша. 2008 йылдан — ҡала маркетинг стратегияһын булдырыу буйынса Рәсәйҙә беренсе проекттар ҡатнашыусыһы. 2011—2012 йылдарҙа Магадан, Көңгөр, Краснокамск, Уҫы, Кировоград, Бөрө, Стәрлетамаҡ ҡалаларының, Свердловск өлкәһенең үҙәк өлөшө райондары һәм ҡалалар төркөмөнөң территориаль бренды концепцияларын эшләү буйынса эксперт төркөмдәр составына инә[5].

2014 йылдың 29 июлендә Белоретта әсәһенең йортонда берҙән-бер ҡыҙы Надежда менән янғын ваҡытында һәләк була. Белорет ҡалаһында ерләнә.

Ғаиләһе[үҙгәртергә | сығанаҡты үҙгәртеү]

Ҡатыны Екатерина Визгалова (1976), Рәсәй мөхәррире, кинотәнҡитсе, продюсер. Мәскәү дәүләт университетының география факультетын тамамлай. Ҡырағай тәбиғәттең Бөтә донъя фондында эшләй (WWF). Кино-Театр.ру порталы мөхәррире (2007). Документаль кино тураһында бер нисә мәҡәлә авторы. «Не плачь» уйын фильмы продюсеры (2011, режиссеры Евгений Крылов) һәм — «Дыхание тундры» (2012), «Моя родня» (2013) бер нисә документаль таҫманың режиссеры. 2012 йылдан алып — бойондороҡһоҙ продюсер. Уйын булмаған кино һәм телевидение гильдияһы идараһы секретары (2013)[7].

Ҡыҙы Надежда Визгалова (2002—2014). Атаһы менән бергә оләсәһенең йортонда Белорет ҡалаһында янғын ваҡытында һәләк була. Белорет ҡалаһында ерләнә.

Фәнни эшмәкәрлеге[үҙгәртергә | сығанаҡты үҙгәртеү]

Профессиональ ҡыҙыҡһыныу өлкәһенә урбанистика, территориаль оҡшашлыҡ, биләмә брендингы, ҡалаларҙа йәмәғәт коммуникациялары, урындағы үҙидаралыҡ һәм гражданлыҡ йәмғиәте институттарын үҫтереү[3].

Уҡытыу эшмәкәрлеге һәм мәғариф өлкәһендә эшмәкәрлеге[үҙгәртергә | сығанаҡты үҙгәртеү]

Рәсәй юғары уҡыу йорттары студенттары һәм Рәсәй һәм сит ил ҡалаларының муниципаль һәм төбәк хакимиәте белгестәре өсөн «Разработка социально-экономической политики на местном уровне», «Региональная политика», «Городская экономика», «Маркетинг города», «Инвестиционная политика муниципальных образований», «Мониторинг и оценка городских программ» белем биреү курстарының авторы һәм авторҙашы[3]

2007—2010 йылдарҙа — Юғары иҡтисад мәктәбенең ҡала иҡтисады һәм муниципаль идаралығы кафедраһы доценты[6].

Бүләктәре[үҙгәртергә | сығанаҡты үҙгәртеү]

  • 2012 — «Йәмәғәт бәйләнештәре үҫеше тураһында иң яҡшы китап» номинацияһында «Брендинг города» китабы өсөн «Серебряный Лучник» милли премияһы лауреаты[8].

Баҫмалары[үҙгәртергә | сығанаҡты үҙгәртеү]

Иҫкәрмәләр[үҙгәртергә | сығанаҡты үҙгәртеү]

Әҙәбиәт[үҙгәртергә | сығанаҡты үҙгәртеү]

Һылтанмалар[үҙгәртергә | сығанаҡты үҙгәртеү]