Воробьёв Дмитрий Сергеевич
 | |||||||||||||
 | |||||||||||||
| Позиция |
Һаҡсы | ||||||||||||
|---|---|---|---|---|---|---|---|---|---|---|---|---|---|
| Буйы |
188 см | ||||||||||||
| Ауырлығы |
108 кг | ||||||||||||
| Ҡулсыр |
Һул | ||||||||||||
| Гражданлығы | |||||||||||||
| Тыуған көнө |
18 октябрь 1985 (39 йәш)
| ||||||||||||
| МХЛ драфты |
2004 йылда 5-се раундта 157-се һан аҫтында «Торонто Мейпл Лифс» клубы менән һайлана | ||||||||||||
| Хоккейсы карьераһы | |||||||||||||
| Халыҡ-ара миҙалдары | |||||||||||||
| |||||||||||||
| Дәүләт наградалары | |||||||||||||
| |||||||||||||
Воробьёв Дмитрий Сергеевич (18 октябрь 1985 йыл) — Рәсәй хоккейсыһы, һаҡсы. Тольятти хоккейы тәрбиәләнеүсеһе. Донъя чемпионы. Рәсәйҙең атҡаҙанған спорт мастеры (2009)[1]. Һуңғы клубы Словакиянан «Дукла Михаловце» командаһы була.
Карьера
[үҙгәртергә | сығанаҡты үҙгәртеү]«Лада» (2002—2009)
[үҙгәртергә | сығанаҡты үҙгәртеү]Дмитрий Воробьёв хоккей менән тыуған ҡалаһы Тольяттиҙа 7 йәшендә шөғөлләнә башлай. Уның тәүге тренеры Рәсәйҙең атҡаҙанған тренеры Владимир Гуженков була. «Лада-2» өсөн Беренсе лигала 2002/03 Йылдар миҙгелендә тәү тапҡыр уйнай. Шул миҙгелдә ул 31 уйында 8 (3+5) мәрәй йыя. Киләһе миҙгелдә ул йәштәр командаһы өсөн сығыш яһауын дайам итә. Шул уҡ ваҡытта ул төп состав өсөн күберәк уйнай башлай. «Лада» составында булғанда ул бөтәһе 27 уйын уҙғара һәм шуларҙа бер гол керетә. Дмитрий «Лада» менән Рәсәй чемпионатының бронза миҙалдарын еңә, ә «Лада-2» менән Беренсе лиганың чемпионы була. Миҙгел тамамланғас, 2004 йылдың июнь айында уны МХЛ драфтында «Торонто Мейпл Лифс» командаһы 5-се раундта 157-се һан аҫтында һайлай. Тик Дмитрий бер ҡасан да Төньяҡ Америкаға уйнарға сығып китмәй.
2004/05 йылдар миҙгелендә МХЛ-да локаут була һәм күп Рәсәй хоккейсылары тыуған илгә ҡайта. Ә Воробьёв йәш булыуына ҡарамаҫтан составта урынын юғалтмай һәм даими миҙгелең 53 уйынында 8 (2+6) мәрәй йыя. «Лада» плей-оффҡа икенсе урындан эләгә. Тольятти командаһы бер-бер артлы Новокузнецкиҙан «Металлург» һәм Ярославлдән «Локомотив» командаларын ота. Финалда иһә Дмитрийҙың командаһы Мәскәүҙән «Динамо» командаһына еңелә һәр Рәсәй чемпионатының көмөш миҙалдарын яулай. Воробьёв команданың плей-оффта бөтә уйындарында ла ҡатнаша, тик бер мәрәй ҙә йыймай, әммә көмөш миҙалға өлгәшә.
2005/06 йылдар миҙгелендә Дмитрий тыуған клубы өсөн 42 осрашыуҙа шул уҡ 8 (1+7) мәрәйгә өлгәшә. «Лада» даими чемпионатта 9-сы урынға төшә, тик плей-оффҡа барыбер эләгә. Шунда ул сирекфиналда дәғүәсеһенән еңелеп турнирҙан төшөп ҡала. Воробьёв командаһының бөтә һигеҙ уйында ҡатнаша, тик мәрәйҙәр йыймай. Шулай уҡ «Лада» Рәсәй чемпионатында ҡатнашыуҙан тыш Европала Континенталь кубогын еңә. Дмитрий өс уйында һөҙөмтәлек өсөн бер балл йыя.
Киләһе ике миҙгелдә «Лада» хоккей клубының спорт күрһәткестәре насарая, ул плей-оффтың тәүге раундын үтә алмай башлай. Ошо ваҡыт эсендә Воробьёв бөтәһе 116 уйын үткәрә. Бигерәк тә уның өсөн 2007/08 миҙгеле уңышлы була: ул 29 (16+13) мәрәй йыя. Ул команданың бомбардиры була. Шайбалар һаны буйынса лигала уға тиң хоккейсылар булмай.
2008 йылда Рәсәйҙә Континенталь хоккей лигаһы барлыҡҡа килә. Рәсәй чемпионатының бөтә командалары ла был лига составына керә. Дмитрий яңы лигала «Лада» өсөн 39 уйында 18 мәрәй йыйып өлгөрә. 4 ғинуарҙа был клуб өсөн һуңғы уйын үткәргәс, ул Өфөнән «Салауат Юлаев» хоккей клубына күсә. Дмитрий тәү тапҡыр Тольяттиҙан башҡа клуб өсөн уйнай. Яңы клуб составында ул биш уйында ҡатнаша, боҙҙа күп ваҡыт ала, тик бер мәрәй ҙә йыймай һәм Гагарин кубогы өсөн плей-офф уйындарында бөтөнләй ҡатнашмай. Миҙгел тамамланғас, Дмитрий команданан китә.
Көнбайыш клубтарында
[үҙгәртергә | сығанаҡты үҙгәртеү]2009/10 йылдар миҙгеле башланыр алдынан Дмитрий Мәскәүҙән «Динамо» составын тулыландыра. Ул баш ҡала командаһы өсөн 54 уйында 11 мәрәй йыя. «Динамо» КХЛ-дың икенсе миҙгелендә Гагарин кубогының тәүге раундында «Спартак» хоккей клубына отола. Миҙгел тамамланыуы менән Дмитрий командаһынан китә. 2010 йылдың 13 октябрендә ул Санкт-Петербургтан СКА хоккей клубы менән контракт төҙөй. Тәүҙә ул ЮХЛ-да СКА-ның фарм-клубы ХК ВМФ өсөн ике уйын уҙғара. Шунан һуң ғына ул СКА өсөн сығыш яһай башлай. Шул миҙгелдә уға 23 уйында ҡатнашырға тура килә. Плей-оффта иһә ул бер осрашыу ҙа үткәрмәй. Шуға күрәлер, уға командала урын табылмай.
2011/12 йылдар миҙгелен ул Түбәнге Новгородта «Торпедо» составында башлай. Был клуб өсөн ул 2012 йылдың ғинуарына тиклем уйнай. Сөнки шул ваҡытта ул СКА хоккей клубына киренән ике йыллыҡ контракт менән ҡайта. СКА Көнбайыш конференцияһын еңә һәм Гагарин кубогында ярымфиналға етеп, буласаҡ чемпионға отола. Дмитрий яңы миҙгелдә күп 39 уйын ғына үткәрә, ә команда плей-оффта конференция финалына етә һәм КХЛ бронза миҙалдарын яулай. Воробьёв икенсе тапҡыр Рәсәй чемпионатының бронза миҙалдарын яулай.
Был миҙгелдән һуң Дмитрий «Торпедо» командаһына күсә[2]. Әммә был клуб өсөн бер рәсми уйында ҡатнашып та өлгөрмәй. Сөнки «Торпедо» уны «Авангард» хоккей клубына Павел Валентенкоға алмаштыра[3].
Көнсығыш клубтарында (2013—2016)
[үҙгәртергә | сығанаҡты үҙгәртеү]Омскиҙан «Авангард» өсөн Дмитрий Воробьёв КХЛ даими чемпионатында 24 уйын уҙғарып өлгөрә. 2013 йылдың 22 ноябрендә Дмитрий менән тағы бер алышыу була. «Авангард» уны Владивостоктан «Адмирал» хоккей клубына Антон Полещукка алмаштыра[4]. Яңы клубы өсөн Дмитрий 24 осрашыу үткәрә һәм дүрт мәрәй йыя. Тәүге миҙгелен үткәргән «Адмирал» Гагарин кубогына эләгә. Шунда Алыҫ Көнсығыш хоккейсылары Магнитогорскиҙан «Металлург» хоккей клубына биш уйында еңелә. Воробьёв плей-оффта бер гол керетеп өлгөрә.
Шул ваҡытта яңы миҙгелдә Тольяттиҙан «Лада» хоккей клубының лигаға ҡайтыуы билдәле ине. Миҙгел тамамланғас, Дмитрийҙың «Адмирал» менән контракты тамамлана, һәм ул тыуған клубының составын тулыландыра[5]. 2014 йылдың 19 сентябрендә «Лада» өсөн ил чемпионаттарында 300-сө осрашыуын үткәрә[6]. 2015 йылдың 20 февралендә ул Рәсәй чемпионаттарында 50-се шайбаһын керетә һәм бөйөк Вячеслав Фетисов клубына инә[7]. «Лада» өсөн ул даими чемпионатта 59 уйын үткәреп ун мәрәй йыя, ә клуб плей-оффҡа эләкмәй.
Дмитрий Воробьёв тыуған командаһы менән контрактын бер йылға оҙайта. 2015/2016 йылдар миҙгеле башланыр алдынан үткән Лада кубогында ул өс уйында бер гол индерә, «Лада» был трофейҙы еңә. Дмитрий «Лада» өсөн даими миҙгелдә бөтә 60 уйынды үткәрә һәм 20 (10+10) мәрәй йыя. Тольятти клубы тағы ла Гагарин кубогына эләгә алмай.
«Салауат Юлаев» (2016—2017)
[үҙгәртергә | сығанаҡты үҙгәртеү]2016 йылдың 1 май көнөндә Дмитрий «Салауат Юлаев» хоккей клубына яңынан ҡайта һәм ике йыллыҡ килешеү төҙөй[8]. 2016 йылдың 23 авгусында ул «Салауат Юлаев» өсөн икенсе уйынын үткәрә, ә 27 сентябрҙә — тәүге шайбаһын керетә. «Салауат Юлаев» даими миҙгелде конференцияһында алтынса урында тамамлай һәм плей-оффтың тәүге раундында «Аҡ Барс» хоккей клубына серияла 1-4 иҫәбе менән отола. Дмитрий даими миҙгелдә 42 уйында 3 мәрәй йыйһа, Гагарин кубогында ҡатнашмай. Миҙгел тамамланғас, клуб етәкселеге һаҡсы менән контрактты оҙайтырға уйламай, һәм Дмитрий команданан китә.
Башҡа клубтар (2017—ә.в.)
[үҙгәртергә | сығанаҡты үҙгәртеү]15 майҙа Дмитрий тыуған Тольятти ҡалаһына ҡайта һәм «Лада» менән бер йылға килешеү төҙөй[9]. Даими миҙгелде «Лада» Көнсығыш конференцияһында 13-сө урында тамамлай һәм плей-оффҡа эләкмәй. Дмитрий барыһы 50 осрашыуҙа 9 (2+7) мәрәй йыя. Миҙгел тамамланғас, Континенталь хоккей лигаһында «Лада» хоккей клубы ҡатнашыусылар составынан сығарыла. Шуға күрә ул Хабаровскиҙан «Амур» хоккей клубына күсә. Яңы командаһы өсөн 2018/19 миҙгелендә Дмитрий 38 осрашыуҙа 5 (1+4) һәм «-14» файҙалыҡ күрһәткесен йыя, ә «Амур» Гагарин кубогы өсөн плей-офф уйындарына эләгә алмай.
2019 йылдың 1 сентябрендә Дмитрий Словакия чемпионатында сығыш яһаған «Дукла Михаловце» командаһы менән контракт төҙөй[10]. Дмитрий Словакия даими чемпионатының 50 уйынында 5 һөҙөмтәле пас бирә, ә командаһы етенсе урынға үрмәләй. Плей-офф уйындары коронавирус пандемияһы арҡаһында үткәрелмәй. Шулай итеп Дмитрий Воробьёвтың профессиональ кимәлдә уйынсы карьераһы тамамлана.
Рәсәй йыйылма командаһында
[үҙгәртергә | сығанаҡты үҙгәртеү]Дмитрий Воробьёв 17 йәшенән башлап Рәсәйҙең төрлө йыйылма командаларына саҡырыла башлай. 2004 йылда ул тәүге шайбаһын керетә һәм 2005 йылдың башында үткән йәштәр донъя чемпионатына ҡатнашырға саҡырыла. Рәсәй үҙ төркөмөндә беренсе урынды яулай, ярымфиналда АҠШ командаһын еңеп финалға сыға. Әммә унда Канада йәштәр командаһынан отола — 6:1. Воробьёв бөтә 6 уйында ҡатнаша, 6 (1+5) мәрәй йыя һәм көмөш миҙалдар яулай.
Киләһе миҙгелдән башлап Рәсәй төп йыйылма командаһына саҡырыла башлай. 2008 йылда ул Канадала үткән донъя чемпионатында ҡатнашырға Рәсәй йыйылма командаһына саҡырыу ала. Дмитрий биш уйын үткәрә, бер мәрәй йыя. Финалда ул ҡатнашмай, әммә Рәсәй турнирҙың хужаларын еңеп донъя чемпиондары исемен еңә һәм Дмитрий донъя чемпионатының алтын миҙалын яулай. Башҡа ул Рәсәй йыйылма командаһына саҡырылмай. Еврохоккейтурҙың этаптарында дөйөм алғанда ул 12 уйын үткәрә һәм бер мәрәй йыя.
Статистика
[үҙгәртергә | сығанаҡты үҙгәртеү]| Легенда | |||||
|---|---|---|---|---|---|
| У | Үткәргән уйындар һаны | Штр | Штраф ваҡыты | +/− | Плюс-минус |
| Г | Голдар | П | Һөҙөмтәле пастар | М | Мәрәйҙәр |
| - | Статистика билдәле түгел | — | Статистика һаналмай | ||
Һуңғы яңыртыу: 12 август 2020
Клубта карьераһы
[үҙгәртергә | сығанаҡты үҙгәртеү]| Даими миҙгел | Плей-офф | |||||||||||
|---|---|---|---|---|---|---|---|---|---|---|---|---|
| Миҙгел | Команда | Лига | У | Г | П | М | Штр | У | Г | П | М | Штр |
| 2003/04 | Лада | РСЛ | 23 | 1 | 0 | 1 | 12 | 4 | 0 | 0 | 0 | 4 |
| 2004/05 | 53 | 2 | 6 | 8 | 30 | 10 | 0 | 0 | 0 | 8 | ||
| 2005/06 | 42 | 1 | 7 | 8 | 73 | 8 | 0 | 0 | 0 | 8 | ||
| 2006/07 | 54 | 10 | 7 | 17 | 48 | 3 | 0 | 0 | 0 | 6 | ||
| 2007/08 | 55 | 16 | 12 | 28 | 74 | 4 | 3 | 0 | 3 | 2 | ||
| 2008/09 | КХЛ | 39 | 4 | 14 | 18 | 18 | — | — | — | — | — | |
| Салауат Юлаев | 5 | 0 | 0 | 0 | 0 | — | — | — | — | — | ||
| 2009/10 | Динамо М | 50 | 2 | 7 | 9 | 12 | 4 | 0 | 2 | 2 | 8 | |
| 2010/11 | ХК ВМФ | ЮХЛ | 2 | 0 | 0 | 0 | 0 | — | — | — | — | — |
| 2010/11 | СКА | КХЛ | 23 | 2 | 3 | 5 | 4 | 0 | 0 | 0 | 0 | 0 |
| 2011/12 | Торпедо | 39 | 2 | 11 | 13 | 16 | — | — | — | — | — | |
| СКА | 14 | 0 | 2 | 2 | 8 | 15 | 1 | 1 | 2 | 6 | ||
| 2012/13 | СКА | 34 | 0 | 5 | 5 | 8 | 5 | 1 | 0 | 0 | 0 | |
| 2013/14 | Авангард | 24 | 1 | 2 | 3 | 2 | 0 | 0 | 0 | 0 | 0 | |
| Адмирал | 24 | 1 | 3 | 4 | 8 | 5 | 1 | 0 | 1 | 4 | ||
| 2014/15 | Лада | 59 | 2 | 8 | 10 | 14 | — | — | — | — | — | |
| 2015/16 | 60 | 10 | 10 | 20 | 18 | — | — | — | — | — | ||
| 2016/17 | Салауат Юлаев | 42 | 1 | 2 | 3 | 14 | — | — | — | — | — | |
| 2017/18 | Лада | 50 | 2 | 7 | 9 | 20 | — | — | — | — | — | |
| 2018/19 | Амур | 38 | 1 | 4 | 5 | 16 | — | — | — | — | — | |
| 2019/20 | Дукла | Словакия | 50 | 0 | 5 | 5 | 37 | — | — | — | — | — |
| Бөтәһе Суперлигала | 227 | 30 | 32 | 62 | 237 | 29 | 3 | 0 | 3 | 28 | ||
| Бөтәһе КХЛ-да | 500 | 28 | 78 | 106 | 155 | 29 | 3 | 3 | 6 | 20 | ||
Халыҡ-ара карьераһы
[үҙгәртергә | сығанаҡты үҙгәртеү]| Турнир | Урын | У | Г | П | М | +/- | Штр |
|---|---|---|---|---|---|---|---|
| ЙДЧ-2005 |  |
6 | 6 | 1 | 5 | 7 | 27 |
| ДЧ-2008 |  |
5 | 1 | 0 | 1 | 2 | 4 |
Ҡаҙаныштары
[үҙгәртергә | сығанаҡты үҙгәртеү]- Шайбалы хоккей буйынса Беренсе лига чемпионы — 2003/04.
- Рәсәй чемпионатының бронза миҙалдары — 2003/04, 2012/13.
- Йәштәр донъя чемпионатының көмөш миҙалы — 2005.
- Рәсәй чемпионатының көмөш миҙалы — 2005.
- Континенталь кубогы еңеүсеһе — 2006.
- Донъя чемпионы — 2008.
- КХЛ чемпионатының бронза миҙалсыһы — 2012/2013.
Иҫкәрмәләр
[үҙгәртергә | сығанаҡты үҙгәртеү]- ↑ Министерство спорта, туризма и молодёжной политики РФ | Документы 2012 йыл 5 март архивланған.
- ↑ Чемпион мира возвращается в «Торпедо» 2017 йыл 7 ноябрь архивланған.
- ↑ Павел Валентенко — в "Торпедо" 2016 йыл 11 сентябрь архивланған.
- ↑ «Адмирал» и трансферы
- ↑ Дмитрий Воробьёв подписал контракт с «Ладой»
- ↑ Матч с «Йокеритом» станет для Воробьёва 300-м в составе «Лады». Чемпионат.com
- ↑ Защитник «Лады» Воробьёв вошёл в клуб Вячеслава Фетисова
- ↑ ХК "Салават" подпишет контракты с Евгением Бодровым и Дмитрием Воробьевым - Вайсфельд
- ↑ КХЛ рәсми сайты. «Лада» подписала однолетние контракты с Дмитрием Воробьевым и Скороходовым. Sports.ru (15 май 2017).
- ↑ Дмитрий Воробьев Словакияла карьераһын дауам итә
Һылтанмалар
[үҙгәртергә | сығанаҡты үҙгәртеү]
|
Воробьёв Дмитрий Сергеевич Викимилектә |
|---|
- КХЛ сайтында профиле (рус.)
- R-HOCKEY.RU сайтында профиле 2013 йыл 8 сентябрь архивланған.
- Sports.ru сайтында профиле
- Дмитрий Воробьёв — Eliteprospects.com сайтында статистикаһы (инг.)
 Халыҡ-ара ярыштарҙа шайбалы хоккей буйынса Рәсәй йыйылма командаһы | ||||||
|---|---|---|---|---|---|---|
—
| ||||||
- 18 октябрҙә тыуғандар
- 1985 йылда тыуғандар
- Алфавит буйынса шәхестәр
- Тольяттиҙа тыуғандар
- Рәсәйҙең атҡаҙанған спорт мастерҙары
- Алфавит буйынса спортсылар
- Алфавит буйынса хоккейсылар
- Рәсәй хоккейсылары
- Рәсәй хоккей һаҡсылары
- КХЛ хоккейсылары
- Хоккей буйынса Рәсәй йыйылма командаһының уйынсылары
- Шайбалы хоккей буйынса донъя чемпиондары
- Хоккей һаҡсылары
- Салауат Юлаев командаһының уйынсылары
- «Лада» хоккей клубының уйынсылары
- СКА хоккей клубы уйынсылары
- «Торпедо» Түбәнге Новгород хоккей клубының уйынсылары
- «Авангард» хоккей клубының уйынсылары
- «Адмирал» хоккей клубының уйынсылары
- «Амур» хоккей клубының уйынсылары
- «СКА-Нева» хоккей клубының уйынсылары
- ЮХЛ уйынсылары
- «Дукла Михаловце» хоккейсылары
- Словакияла уйнаған Рәсәй хоккейсылары