Маркин Пётр Яковлевич

Википедия — ирекле энциклопедия мәғлүмәте
Перейти к навигации Перейти к поиску
Маркин Пётр Яковлевич
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 10 ноябрь 1927({{padleft:1927|4|0}}-{{padleft:11|2|0}}-{{padleft:10|2|0}})
Тыуған урыны СССР, РСФСР, Башҡортостан Республикаhы
СССР, Әбйәлил районы
Вафат булған көнө 16 сентябрь 2001({{padleft:2001|4|0}}-{{padleft:9|2|0}}-{{padleft:16|2|0}}) (73 йәш)
Вафат булған урыны Рәсәй, Силәбе өлкәһе, Магнитогорск ҡалаһы
Ерләнгән урыны Левобережное кладбище (Магнитогорск)[d]
Эшмәкәрлек төрө хирург[d] һәм уролог[d]
Уҡыу йорто Рәсәй Федерацияһы Һаулыҡ һаҡлау министрлығының Көньяҡ Урал дәүләт медицина университеты
Маҡтаулы исемдәре һәм башҡа бүләктәре

Маркин Пётр Яковлевич (10 ноябрь 1927 йыл — 16 сентябрь 2001 йыл) — СССР һәм Рәсәй табибы, уролог, хирург. РСФСР-ҙың атҡаҙанған табибы (1972). Хеҙмәт Ҡыҙыл Байраҡ ордены (1986) кавалеры. Һаулыҡ һаҡлау ветераны (1981) һәм Магнитка ветераны (1983).

Магнитогорск ҡалаһында урология хеҙмәтенә нигеҙ һалыусы һәм уны ойоштороусы, Г. И. Дробышев исемендәге 1-се ҡала дауаханаһының урология бүлеге етәксеһе.

Биографияһы[үҙгәртергә | вики-тексты үҙгәртергә]

Пётр Яковлевич Маркин 1927 йылдың 10 ноябрендә Башҡорт АССР-ының Әбйәлил районы Гусев ауылында тыуған.

1944—1947 йылдарҙа Магнитогорск металлургия комбинатында эшләй. 1953 йылда Силәбе дәүләт медицина институтын (хәҙер Көньяҡ-Урал дәүләт медицина университеты) тамамлай; һуңынан Ленинград, Мәскәү һәм Ереван медицина институттары ҡарамағындағы табиптарҙың квалификацияһын камиллаштырыу курстарында белемен арттыра.

Институтты тамамлағас, 1953 йылдан алып «Магнитострой» тресының медик-санитар часында хирург булып эшләй. 1958 йылдан — хирург-уролог, 1966 йылдан алып — урология бүлеге мөдире, ә 1994 йылдан алып — Г. И. Дробышев исемендәге 1-се ҡала дауаханаһының табип-консультанты. Бер үк ваҡытта 1966—1994 йылдарҙа — Магнитогорск ҡалаһының штаттан тыш урологы. Ҡалала беренсе булып бер нисә уникаль һәм ҡатмарлы операция яһай.

Табиплыҡ эше менән бер рәттән йәмәғәт эшмәкәрлеге менән дә шөғөлләнә: Магнитогорск ҡала урология хеҙмәтен ойоштора. Урологтарҙың үҙ мәктәбен булдыра, бер нисә уҡыусы тәрбиәләй, улар иҫәбендә юғары квалификациялы табиптар: В. П. Байкин, Г В. Мингалев, В Г. Новиков һәм ҡаланың штаттан тыш урологы А. П. Мамаев[1].

2001 йылдың 16 сентябрендә Магнитогорск ҡалаһында вафат була. Ҡатыны Надежда Макаровна эргәһендә һул яҡ яр буйы зыяратында ерләнгән.[2]

Ҡаҙаныштары[үҙгәртергә | вики-тексты үҙгәртергә]

  • РСФСР-ҙың атҡаҙанған табибы (1972).
  • Хеҙмәт Ҡыҙыл Байраҡ ордены (1986) һәм миҙалдар, шул иҫәптән «Хеҙмәт батырлығы өсөн» миҙалы менән бүләкләнгән (1970).
  • Һаулыҡ һаҡлау ветераны (1981) һәм Магнитка ветераны исеменә лайыҡ була (1983).[3]

Хәтер[үҙгәртергә | вики-тексты үҙгәртергә]

Images.png Тышҡы медиафайлдар

2019 йылдың 23 ноябрендә Магнитогорск ҡалаһының Горький урамындағы П Я Маркин йәшәгән 27-се йортҡа уның мемориаль таҡтаһы ҡуйыла[4].

Бер нисә йыл П. Я. Маркин менән бер дауаханала эшләгән Краузе Оскар Фридрихович уның тураһында былай тип һөйләй:[3]

«Пётр Яковлевич Маркин иҫ киткес оҫта уролог ине; уның һымаҡ башҡа берәүҙе мин бер ваҡытта ла осратманым. Виртуоз, башҡа һыймаҫлыҡ диагноз ҡуйыусы. Мәскәү урологтарының күсмә циклында Мәскәү доценты оҙаҡ ҡапшап таба алмаған һәм Петр Яковлевич менән бәхәсләшергә маташҡан ярайһы уҡ һимеҙ ауырыуҙың даға һымаҡ бөйөрөн ул еңел генә пальпациялауын бер ваҡытта ла онотмайым. Иҫ киткес яҡшы кеше һәм бик иғтибарлы һәм әҙәпле иптәш ине».

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]