Наил Ғәлиев

Википедия — ирекле энциклопедия мәғлүмәте
Перейти к навигации Перейти к поиску
Наил Ғәлиев
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 9 октябрь 1928({{padleft:1928|4|0}}-{{padleft:10|2|0}}-{{padleft:9|2|0}})
Тыуған урыны Рәсәй, Фёдоровка районы, Дедов ауыл Советы (Фёдоровка районы), Юрковка ауылы[1]
Вафат булыу көнө 7 февраль 2005({{padleft:2005|4|0}}-{{padleft:2|2|0}}-{{padleft:7|2|0}})[1] (76 йәш)
Вафат булған урыны Рәсәй, Өфө[1]
Һөнәр төрө баянист, композитор, концертмейстер
Бүләктәре һәм маҡтаулы исемдәре
Эш урыны Хөсәйен Әхмәтов исемендәге Башҡорт дәүләт филармонияһы[1]

Наил Ғәлиев (төп исеме Голов Николай Афанасьевич; 9 октябрь 1928 йыл7 февраль 2005 йыл) — баянсы, композитор. 1957—1998 йылдарҙа Хөсәйен Әхмәтов исемендәге Башҡорт дәүләт филармонияһының баянсы-концертмейстры, «Өфө уттары» исемле тәүге башҡорт профессионал эстрада-инструменталь ансамблен ойоштороусы һәм уның художество етәксеһе. Башҡорт АССР-ының халыҡ (1988) һәм атҡаҙанған (1968) артисы.

Биографияһы[үҙгәртергә | вики-тексты үҙгәртергә]

Голов Николай Афанасьевич 1928 йылдың 9 октябрендә Башҡорт АССР-ының Стәрлетамаҡ кантоны[2] Юрковка ауылында тыуған. 1948 йылда Чкалов ҡалаһында (хәҙер Ырымбур) музыка училищеһын тамамлай.

1952 йылда Башҡорт халыҡ бейеүҙәре ансамбленә (Фәйзи Ғәскәров исемендәге халыҡ бейеүҙәре ансамбле) баянсы булып эшкә алына. 1955 йылда Мәскәүҙә үткән Башҡорт әҙәбиәте һәм сәнғәте декадаһында ҡатнаша. 1957—1998 йылдарҙа Башҡорт дәүләт филармонияһының баянсы-концертмейстры булып эшләй.

1961 йылда «Өфө уттары» исемле тәүге башҡорт профессиональ эстрада-инструменталь ансамблен ойоштора һәм 1988 йылға тиклем уның алмашһыҙ етәксеһе була.

Халыҡ араһында үҙенең импровизаторлыҡ, аккомпаниаторлыҡ оҫталығы менән дан яулай. Репертуарында башҡорт һәм татар композиторҙарының йырҙарын һәм инструменталь пьесаларын һәм үҙенең әҫәрҙәрен башҡара.

Популяр йырсы булып танылған тормош иптәше Мәғфирә Ғәлиева башҡарыуында Наил Ғәлиевтың үҙе ижад иткән әҫәрҙәре йыр һөйөүселәр араһында киң тарала.

2005 йылдың 7 февралендә вафат була һәм Өфөлә ерләнә.

Инструменталь ансамбль өсөн пьесалары[үҙгәртергә | вики-тексты үҙгәртергә]

  • «Өфө уттары»,
  • «Һабантуй»,
  • «Бөрйән бейеү көйҙәре»,
  • «Егеттәр бейеүе»,
  • «Юлдаш»

Йырҙары[үҙгәртергә | вики-тексты үҙгәртергә]

  • «Башҡортостан»,
  • «Оҙата кил»,
  • «Өс егет йөрөй артымдан»,
  • «Өфө куранттары» Шәриф Бикҡол һүҙҙәре;
  • «Бөрлөгәнем» Р. Т. Вәлиева һүҙҙәре;
  • «Һалдат йыры» Әнғәм Атнабаев һүҙҙәре.

Китаптары[үҙгәртергә | вики-тексты үҙгәртергә]

«Уйнайыҡ та йырлайыҡ». Өфө, 1994.

Иҫкәрмәләр[үҙгәртергә | вики-тексты үҙгәртергә]

  1. 1,0 1,1 1,2 1,3 Башкирская энциклопедияБашкирская энциклопедия, 2005. — 4344 с. — ISBN 978-5-88185-053-1
  2. хәҙер Башҡортостан Республикаһының Федоровка районы

Һылтанмалар[үҙгәртергә | вики-тексты үҙгәртергә]